Efesa 6
6
1Yinba a bila, yin tuo ki yaa ŋua yi danba maama, nani o Diedo n bua maama, kelima lani n tiegi.#Kol 3.20. 2Ŋan jigini a baa leni a naa, lani n tie yaa bali makpiama n yegi leni u ñoanianu. #Ñam 20.12; Tia 5.16. 3Laa ñoanianu mo n tie: «A baa yaa ye leni li pamanli, a miali mo n foagidi ki tinga nni.»
4Yinba bi bidanba mo, yin da mabini yi bila hali ki fiini bi pala. Ama yin yaa wubi ba, ki tundi ba, ki bangi ba nani o Diedo n bua maama. #Kol 3.21.
5Yinba i yonbi, yin tuo ki yaa tiendi yin pia yaa canbaanba ŋanduna nni n yedi yaala leni li fangili, mi digibima leni li payenli, nani yin tuo ki tiendi Kilisiti n yedi yaala maama. #Kol 3.22-25. 6Yin da tiendi yeni ban nua yi yaa yogunu bebe ka, nani yi bua ki mangi bi nisaaliba pala yeni. Ama, yin tie Kilisiti yaa yonbi yeni, yin yaa kuandi yi yama, ki yaa tiendi U Tienu yanbuama. 7Yaa tuuni mani bi po leni li pamanli, kelima yi tuuni o Diedo po, laa tie bi nisaaliba yaa po ka. 8Yi bani ke nilo kuli baa baa o Diedo kani wan den soani yaa tuonŋanli panpaani, wan tie yonbo bi wan die o yuli.
9Yinba canbaanba mo, yin yaa tiendi yeni yi yonbi po. Yin da fu leni ba, kelima yi bani ke yinba leni bani kuli pia Canbaa tanpoli po, yua n naa gagidi bi niba leni biyaba.#Tia 10.17; Kol 3.25; 4.1.
Li dandanli jatiadi
10N majuodikaama n tie ne: Yin yaa baadi mani yi fidu o Diedo kani leni o paalu yuu n cie li bonla kuli nni. 11Yin bobi mani U Tienu n puni yi yaa toatiadi kuli, ke yin fidi ki yaa se bonŋanla, ki yie ku tuotabigu yudaano nunfanbiadibu kuli po. 12Tii koani leni yaa yibalinba n pia ti gbanandi leni mi soama ka. Ama ti koani leni li bali danba, i paaciami danba leni yaaba n die li biigili ŋandunli, ki tie yaa cicibiadimu n ye mi fawaama nni. 13Lani yaa po, yin taa mani U Tienu n puni yi yaa toatiadi kuli, ke yin fidi ki sedi, ki yie yaala n bia yaa ti cua yaa daali, ki koani ki paadi, ki go yaa se ke li pa bonŋanla.
14Lanwani, bogini mani ki yaa se ke li pa. Yin yaa ñaagi i moamoani nani ku gbanñagidigu, ki yaa la mi teginma nani li kuliadili, 15ki pili li yankuali nani ti cacaadi yeni mi yanduanma Laabaaliŋamo wangima po. #Esa 52.7. 16Yin go taa li dandanli nani li gbankoandigu yeni, ki yaa muubi yogunu kuli, ke yin fidi ki gbindi o Biado n toa yi yaa mupiemi kuli. 17Yin yaa ciibi mi tindima kusanli leni mi Fuoma jugisiega yaaga n tie U Tienu Maama. #Esa 59.17. 18Mi Fuoma n teni yin yaa jaandi yogunu kuli, ki yaa miadi U Tienu yogunu kuli bu miabu buoli kuli. Yaa miadi mani U Tienu o nigagidiŋanba kuli po ki da yoaligi, ki da cedi. 19Yin yaa miadi o mani nmoko yaa po, ke min baa yaadi ki maadi yaa yogunu kuli, wan pa nni min baa maadi yaama, ke min doagidi ki waani o Laabaaliŋamo bondoaginkaala leni li papaali. 20N tie laa Laabaaliŋamo yaa tondo ti kpaadi nni. Yin yaa miadi o mani ke min yaa wangi o Laabaaliŋamo yeni leni li papaali, nani lan pundi min yaa wangi o maama.
Mi majuodikaama
21Tikika, yua n tie ti kpibuado leni o Diedo naacendugika, baa waani yi n laabaalo leni min tiendi yaala, ke yimoko n bandi likuli.#Kol 4.7-8. 22N soani o yi kani lani yaa po bebe, ke yin bandi ti yema n tie maama, ke wani mo n paagi yi pala.
23U Tienu yua n tie Baa leni o Diedo Jesu Kilisiti, n pa ti kpiiba mi yanduanma, mi buama leni li dandanli. 24Li ŋanbili n yaa ye leni yaaba n bua ti Diedo Jesu Kilisiti leni yaa buama n kan lebidi abada.
Currently Selected:
Efesa 6: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Efesa 6
6
1Yinba a bila, yin tuo ki yaa ŋua yi danba maama, nani o Diedo n bua maama, kelima lani n tiegi.#Kol 3.20. 2Ŋan jigini a baa leni a naa, lani n tie yaa bali makpiama n yegi leni u ñoanianu. #Ñam 20.12; Tia 5.16. 3Laa ñoanianu mo n tie: «A baa yaa ye leni li pamanli, a miali mo n foagidi ki tinga nni.»
4Yinba bi bidanba mo, yin da mabini yi bila hali ki fiini bi pala. Ama yin yaa wubi ba, ki tundi ba, ki bangi ba nani o Diedo n bua maama. #Kol 3.21.
5Yinba i yonbi, yin tuo ki yaa tiendi yin pia yaa canbaanba ŋanduna nni n yedi yaala leni li fangili, mi digibima leni li payenli, nani yin tuo ki tiendi Kilisiti n yedi yaala maama. #Kol 3.22-25. 6Yin da tiendi yeni ban nua yi yaa yogunu bebe ka, nani yi bua ki mangi bi nisaaliba pala yeni. Ama, yin tie Kilisiti yaa yonbi yeni, yin yaa kuandi yi yama, ki yaa tiendi U Tienu yanbuama. 7Yaa tuuni mani bi po leni li pamanli, kelima yi tuuni o Diedo po, laa tie bi nisaaliba yaa po ka. 8Yi bani ke nilo kuli baa baa o Diedo kani wan den soani yaa tuonŋanli panpaani, wan tie yonbo bi wan die o yuli.
9Yinba canbaanba mo, yin yaa tiendi yeni yi yonbi po. Yin da fu leni ba, kelima yi bani ke yinba leni bani kuli pia Canbaa tanpoli po, yua n naa gagidi bi niba leni biyaba.#Tia 10.17; Kol 3.25; 4.1.
Li dandanli jatiadi
10N majuodikaama n tie ne: Yin yaa baadi mani yi fidu o Diedo kani leni o paalu yuu n cie li bonla kuli nni. 11Yin bobi mani U Tienu n puni yi yaa toatiadi kuli, ke yin fidi ki yaa se bonŋanla, ki yie ku tuotabigu yudaano nunfanbiadibu kuli po. 12Tii koani leni yaa yibalinba n pia ti gbanandi leni mi soama ka. Ama ti koani leni li bali danba, i paaciami danba leni yaaba n die li biigili ŋandunli, ki tie yaa cicibiadimu n ye mi fawaama nni. 13Lani yaa po, yin taa mani U Tienu n puni yi yaa toatiadi kuli, ke yin fidi ki sedi, ki yie yaala n bia yaa ti cua yaa daali, ki koani ki paadi, ki go yaa se ke li pa bonŋanla.
14Lanwani, bogini mani ki yaa se ke li pa. Yin yaa ñaagi i moamoani nani ku gbanñagidigu, ki yaa la mi teginma nani li kuliadili, 15ki pili li yankuali nani ti cacaadi yeni mi yanduanma Laabaaliŋamo wangima po. #Esa 52.7. 16Yin go taa li dandanli nani li gbankoandigu yeni, ki yaa muubi yogunu kuli, ke yin fidi ki gbindi o Biado n toa yi yaa mupiemi kuli. 17Yin yaa ciibi mi tindima kusanli leni mi Fuoma jugisiega yaaga n tie U Tienu Maama. #Esa 59.17. 18Mi Fuoma n teni yin yaa jaandi yogunu kuli, ki yaa miadi U Tienu yogunu kuli bu miabu buoli kuli. Yaa miadi mani U Tienu o nigagidiŋanba kuli po ki da yoaligi, ki da cedi. 19Yin yaa miadi o mani nmoko yaa po, ke min baa yaadi ki maadi yaa yogunu kuli, wan pa nni min baa maadi yaama, ke min doagidi ki waani o Laabaaliŋamo bondoaginkaala leni li papaali. 20N tie laa Laabaaliŋamo yaa tondo ti kpaadi nni. Yin yaa miadi o mani ke min yaa wangi o Laabaaliŋamo yeni leni li papaali, nani lan pundi min yaa wangi o maama.
Mi majuodikaama
21Tikika, yua n tie ti kpibuado leni o Diedo naacendugika, baa waani yi n laabaalo leni min tiendi yaala, ke yimoko n bandi likuli.#Kol 4.7-8. 22N soani o yi kani lani yaa po bebe, ke yin bandi ti yema n tie maama, ke wani mo n paagi yi pala.
23U Tienu yua n tie Baa leni o Diedo Jesu Kilisiti, n pa ti kpiiba mi yanduanma, mi buama leni li dandanli. 24Li ŋanbili n yaa ye leni yaaba n bua ti Diedo Jesu Kilisiti leni yaa buama n kan lebidi abada.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.