Filipi 1
1
Poli yema Kilisiti nni
1—2
I fuondi
1Mini Poli leni Timote, Jesu Kilisiti naacenba, n diani yi po li tili, yinba yaaba n tie bi nigagidiŋanba Jesu Kilisiti nni, ki ye Filipi dogu nni leni yi nitaanli yudanba leni yi todikaaba kuli. #JTT 16.12. 2Ti Baa U Tienu leni o Diedo Jesu Kilisiti n pa yi li ŋanbili leni mi yanduanma.
I jaandi leni ti pagidi
3N tuondi n Tienu min tiadi yi po yaa yogunu kuli. 4Min jaandi yi po yaa yogunu kuli, n jaandi leni li pamanli, 5kelima yin taa leni nni ki todi nni o Laabaaliŋamo wangima po maama, ki cili yin den kpa gbadi o yaa daali, ki pundi hali moala. 6N daani ki go bani cain ke wani yua n cili laa tuonŋanli yi niinni, baa yaa tuuni li hali ki dudi li, Jesu Kilisiti guacuama daali. 7Li pundi min yaa tiani yikuli po yeni, kelima n kubi yi n pali nni. Min ye leni ti kpaadi leni min maadi ki gaani o Laabaaliŋamo, ki teni ke o se ki pa, yikuli taa leni nni, ki baadi min baadi yaa ŋanbili U Tienu kani. 8U Tienu tie n siedo, ke n bua yikuli leni Jesu Kilisiti yaa buamoanma.
9Min miadi U Tienu yi po yaala n jaandi nni, tie ke yi buama n yaa yabidi ki pugidi leni mi bandima leni u fanmoanu. 10Lani n tie yin bandi ki gagidi ki gandi yaala n ŋani ki cie. Lani n baa teni, yin yaa ŋani cain, ki naa pia ban baa fidi ki kuli yi leni yaala Kilisiti guacuama daali. 11Yeni, yi baa yaa tuuni mi teginma tuona, ya n ñani Jesu Kilisiti kani, lan tua ti kpiagidi leni ti pagidi U Tienu po.
Kilisiti n tie li miali
12N kpiiba, n bua yin bandi line: yaala n den baa nni teni ke o Laabaaliŋamo wangima suagi liiga. 13Moamoani, li doagidi yaa toatieba n guu o bado diegu leni nitoaba kuli po, ke n lo li kpaadidieli nni kelima Kilisiti po.#JTT 28.30. 14N kpaadi teni ke ti kpiiba boncianla dugi o Diedo po ki cie, ki go paagi bi pala ki wangi U Tienu maama kaa go jie.
15Li tie moamoani ke bi siiga bi tianba wangi Kilisiti Laabaaliŋamo, kelima bi pia n po li nunponli, ki bua ki cie nni. Ama bi tianba mo li wangi o leni li yantiaŋanle. 16Bine wangi o Laabaaliŋamo kelima bi bua nni, ki bani ke n ye ne kelima U Tienu puogi nni, ke min maadi ki gaa o Laabaaliŋamo, ki doagidi ke o tie moamoani. 17Bine mo wangi o ki bua ki cie nni, bi yantiana naa ŋani. Bi tama ke bi yaa tieni yeni li baa pugini n po fala li kpaadidieli nni.
18Likuli tie n po yenma. Ba lan tie maama kuli, bi yaa wangi o leni mi tuonanma, bi ban wangi o leni li yantiamoanli, bi wangi Kilisiti Laabaaliŋamo. N mangi n pali li po, ki go baa yaa mangidi li ki pugidi. 19N bani ke likuli baa juodi ki tua n tindima yaa po, kelima yin jaandi ki miadi n po maama leni Jesu Kilisiti Fuoma todima po. 20Min bua ki go sugini maama tie ke min da le i fe liba kuli po. Ama nani lan den kpa tie maama, li go tie yeni moala. N sugini ke Kilisiti n baa ti kpiagidi n miali yema kuli nni, min ye leni min kpe kuli. 21Mini wani yaa po, Kilisiti n tie n miali, mi kuuma mo tie n po ñuadi.
22Ama, n yema ki tinga po yaa baa todi n tuonli n suagi liiga, mii bani min baa gandi yaala. 23Laa bonliedila miabi nni. N bua ki ña ki gedi ki ban yaa ye leni Kilisiti, lani n cie n po hali boncianla. 24Ama yi yaa todima po, li baa yaa ŋani ki cie min yaa ye ki fo. 25N daani ki go bani ke n go baa yaa fo, ki ye leni yikuli, ke yin fidi ki yaa suagi liiga, ki go pia li pamanli li dandanli nni. 26Yeni, n guacuama yi kani go baa teni yin baa li pamankandikaali Jesu Kilisiti nni.
27Lanwani, bonyenla n tugi li yuli, lani n tie ke yi tagi n yaa da leni Kilisiti yaa Laabaaliŋamo. N yaa fidi ki cua yi kani ki laa yi leni n yàá fidi ki cua, min yaa gba ke yi se bonŋanla ki pia yantiayenli, ki moa o Laabaaliŋamo n cuani yaa dandanli yaa muali. 28Yin da cedi yi koanginkaaba n jieni yi ba waamu. Lani n tie bi po siedi ke bi baa bodi, ama li tie yinba yaa po siedi yi tindima po. Laa bonla ñani U Tienu yaa kane. 29U Tienu n tieni yi po yaa ŋanbili yeni, laa tie ke yin daani Kilisiti bebe ka, ama yin go yaa laadi o po fala moko. 30Yimoko taa leni nni ki moa yin den laa ke n moa yaa muali, ki go gba ke n baa ki moa laa muali hali moala.#JTT 16.19-40.
Currently Selected:
Filipi 1: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Filipi 1
1
Poli yema Kilisiti nni
1—2
I fuondi
1Mini Poli leni Timote, Jesu Kilisiti naacenba, n diani yi po li tili, yinba yaaba n tie bi nigagidiŋanba Jesu Kilisiti nni, ki ye Filipi dogu nni leni yi nitaanli yudanba leni yi todikaaba kuli. #JTT 16.12. 2Ti Baa U Tienu leni o Diedo Jesu Kilisiti n pa yi li ŋanbili leni mi yanduanma.
I jaandi leni ti pagidi
3N tuondi n Tienu min tiadi yi po yaa yogunu kuli. 4Min jaandi yi po yaa yogunu kuli, n jaandi leni li pamanli, 5kelima yin taa leni nni ki todi nni o Laabaaliŋamo wangima po maama, ki cili yin den kpa gbadi o yaa daali, ki pundi hali moala. 6N daani ki go bani cain ke wani yua n cili laa tuonŋanli yi niinni, baa yaa tuuni li hali ki dudi li, Jesu Kilisiti guacuama daali. 7Li pundi min yaa tiani yikuli po yeni, kelima n kubi yi n pali nni. Min ye leni ti kpaadi leni min maadi ki gaani o Laabaaliŋamo, ki teni ke o se ki pa, yikuli taa leni nni, ki baadi min baadi yaa ŋanbili U Tienu kani. 8U Tienu tie n siedo, ke n bua yikuli leni Jesu Kilisiti yaa buamoanma.
9Min miadi U Tienu yi po yaala n jaandi nni, tie ke yi buama n yaa yabidi ki pugidi leni mi bandima leni u fanmoanu. 10Lani n tie yin bandi ki gagidi ki gandi yaala n ŋani ki cie. Lani n baa teni, yin yaa ŋani cain, ki naa pia ban baa fidi ki kuli yi leni yaala Kilisiti guacuama daali. 11Yeni, yi baa yaa tuuni mi teginma tuona, ya n ñani Jesu Kilisiti kani, lan tua ti kpiagidi leni ti pagidi U Tienu po.
Kilisiti n tie li miali
12N kpiiba, n bua yin bandi line: yaala n den baa nni teni ke o Laabaaliŋamo wangima suagi liiga. 13Moamoani, li doagidi yaa toatieba n guu o bado diegu leni nitoaba kuli po, ke n lo li kpaadidieli nni kelima Kilisiti po.#JTT 28.30. 14N kpaadi teni ke ti kpiiba boncianla dugi o Diedo po ki cie, ki go paagi bi pala ki wangi U Tienu maama kaa go jie.
15Li tie moamoani ke bi siiga bi tianba wangi Kilisiti Laabaaliŋamo, kelima bi pia n po li nunponli, ki bua ki cie nni. Ama bi tianba mo li wangi o leni li yantiaŋanle. 16Bine wangi o Laabaaliŋamo kelima bi bua nni, ki bani ke n ye ne kelima U Tienu puogi nni, ke min maadi ki gaa o Laabaaliŋamo, ki doagidi ke o tie moamoani. 17Bine mo wangi o ki bua ki cie nni, bi yantiana naa ŋani. Bi tama ke bi yaa tieni yeni li baa pugini n po fala li kpaadidieli nni.
18Likuli tie n po yenma. Ba lan tie maama kuli, bi yaa wangi o leni mi tuonanma, bi ban wangi o leni li yantiamoanli, bi wangi Kilisiti Laabaaliŋamo. N mangi n pali li po, ki go baa yaa mangidi li ki pugidi. 19N bani ke likuli baa juodi ki tua n tindima yaa po, kelima yin jaandi ki miadi n po maama leni Jesu Kilisiti Fuoma todima po. 20Min bua ki go sugini maama tie ke min da le i fe liba kuli po. Ama nani lan den kpa tie maama, li go tie yeni moala. N sugini ke Kilisiti n baa ti kpiagidi n miali yema kuli nni, min ye leni min kpe kuli. 21Mini wani yaa po, Kilisiti n tie n miali, mi kuuma mo tie n po ñuadi.
22Ama, n yema ki tinga po yaa baa todi n tuonli n suagi liiga, mii bani min baa gandi yaala. 23Laa bonliedila miabi nni. N bua ki ña ki gedi ki ban yaa ye leni Kilisiti, lani n cie n po hali boncianla. 24Ama yi yaa todima po, li baa yaa ŋani ki cie min yaa ye ki fo. 25N daani ki go bani ke n go baa yaa fo, ki ye leni yikuli, ke yin fidi ki yaa suagi liiga, ki go pia li pamanli li dandanli nni. 26Yeni, n guacuama yi kani go baa teni yin baa li pamankandikaali Jesu Kilisiti nni.
27Lanwani, bonyenla n tugi li yuli, lani n tie ke yi tagi n yaa da leni Kilisiti yaa Laabaaliŋamo. N yaa fidi ki cua yi kani ki laa yi leni n yàá fidi ki cua, min yaa gba ke yi se bonŋanla ki pia yantiayenli, ki moa o Laabaaliŋamo n cuani yaa dandanli yaa muali. 28Yin da cedi yi koanginkaaba n jieni yi ba waamu. Lani n tie bi po siedi ke bi baa bodi, ama li tie yinba yaa po siedi yi tindima po. Laa bonla ñani U Tienu yaa kane. 29U Tienu n tieni yi po yaa ŋanbili yeni, laa tie ke yin daani Kilisiti bebe ka, ama yin go yaa laadi o po fala moko. 30Yimoko taa leni nni ki moa yin den laa ke n moa yaa muali, ki go gba ke n baa ki moa laa muali hali moala.#JTT 16.19-40.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.