Efesa 5
5
Tiadi mani ke yi tie U Tienu bila
1Lanwani, yin yaa ŋua U Tienu fuuli, nani o bibuadimu yeni. 2Yin yaa ye leni yiyaba leni mi buama, nani Kilisiti n den bua ti maama, ki puni o yuli U Tienu, ki tua yaa paabu leni yaa padili yaa nuulu n mani.#Ñam 29.18; Ps 40.6.
3Yin da tuo mi conconma maama leni majoagindi buoluba kuli, bi mi ŋaliŋabuama maama n ña yi siiga ba waamu, kelima laa dagidi yinba bi nigagidiŋanba po. 4Yin yaa kubi yi yula yi maama nni, ki da maadi mi cancaginmaama, mi gaadimaama leni o faajibiado kuli. Ama yin yaa tuondi U Tienu. 5Yin bandi ke ba niyendo yua n tie mi conconma daano, yua n tiendi ti joagindi leni o ŋaliŋabualo yaala n tie o po nani i buli ŋoadima, kan baa U Tienu leni Kilisiti diema ŋalimano. 6Oba kuli n da boandi yi leni mi mafanma. Li tie laa bonla po yo ke U Tienu pabienli se yaaba n yie o kuli po. 7Lani yaa po, yin da pia ŋantaadoba kuli leni ba.
8Yi den kpa tie li biigili yaaba, ama moala yi tie mi yenma yaaba o Diedo nni. Yi tagi n yaa tie nani mi yenma yaaba yeni. 9Mi yenma n baa luoni yaa bonluonkaala tie li ŋanbili, mi teginma leni i moamoani. 10Yin biigi ki bandi yaala n baa yaa mani o Diedo po, 11ki da pia ŋantaadoba kuli leni li biigili tuona, ya n ki pia fuoma, ama yin doagidi ke a bia. 12Li pia i fe, ba ki maadi ban tiendi yaa bonla ŋasiili nni. 13Bi yaa doagidi laa niba n tiendi yaa bonbiadila mi yenma nni, mi yenma baa doagidi lan bia maama, kelima mi yenma doagidi likuli. 14Lani yaa po yo, ke li yedi:
«Ŋan fundi, fini yua n goa,
Ki fii bi tinkpiba siiga,
Ke Kilisiti baa yendi a po.»
15Lani yaa po, yin yaa fangi mani yi yula leni yi tagi n tie maama. Yin da tie nani bi yanluodanba yeni, ama yin yaa tie nani bi yanfuodanba. 16Yin daa u yogunu, kelima yaa dana n tie ne bia. #Kol 4.5. 17Lani yaa po, yin da tie yanluodanba, ama yin yaa fani ki moandi ki bandi o Diedo yanbuama. 18Yin da ñu mi daama ki gaadi, kelima li baa teni yin biidi yiba, ama yin yaa gbie leni U Tienu Fuoma Yua. 19Lani, yi baa yaa maadi leni yiyaba, ki togidi Pisominba leni yaa yani n pagi U Tienu leni U Tienu Fuoma Yua n gobidi yi, ke yi yini yaa yani. Yaa yiini mani ki pagi o Diedo leni yi pala kuli. #Kol 3.16-17. 20Yaa tuondi mani U Tienu yua n tie Baa yogunu kuli li bonla kuli po, ti Diedo Jesu Kilisiti yeli nni.
Ku diegu yema
21Yin yaa miindi yi yula yiyaba kani kelima yin pia Kilisiti po yaa fangili yaa po.
22Yinba bi puoba, yuakuli n yaa miindi o yuli o calo kani, nani wan miindi o yuli o Diedo kani maama. #Kol 3.18; 1Pie 3.1. 23O joa tie o pua yudaano, nani Kilisiti n tie o Nitaanli yudaano maama, yaali n tie o gbanandi, wani n tie li Candaano. 24Nani Kilisiti Nitaanli n miindi li yuli Kilisiti kani maama, li pundi ke bi puoba n yaa miindi bi yula bi ciaba kani li bonla kuli nni.
25Yinba bi puodanba, yuakuli n yaa bua o pua, nani Kilisiti n bua o Nitaanli maama, ki puni o yuli ki kpe li po. #Kol 3.19; 1Pie 3.7. 26O den tieni yeni ki baa ŋuudi ki ŋanbi li leni mi ñima leni U Tienu maama. 27Lani ke wan teni o Nitaanli yeni, n pundi ki sedi o kani ki pia ti kpiagidi, kaa pia joagindiba, golimiba leni yaala n gundi kuli. Ama lin gagidi ki yaa ŋani cain, kaa pia ban baa fidi ki kuli li leni yaala. 28Li pundi ke bi puodanba moko n yaa bua bi puoba nani ban bua bi yula maama yeni. Yua n bua o pua kuli, bua o yuli. 29Oba kuli naa nani o gbanandi. Ama o dindi ti, ki kubi ti nani Kilisiti moko n kubi o Nitaanli maama, 30kelima timo tie o yaa gbanandi buoli. 31Li diani: «Li tie lani yaa po ke o joa baa ña o baa leni o naa kani, ki taani leni o pua, bani nibilie yeni n tua gbananyendi.» #Cil 2.24. 32Line n tie yaa bondoaginkaala n yabi. N maadi laa maama Kilisiti leni o Nitaanli yaa po yo. 33Li mayuli yinba yaa po tie, ke joa kuli n yaa bua o pua nani wan bua o yuceli maama, pua kuli mo n yaa fangi o calo.
Currently Selected:
Efesa 5: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
Efesa 5
5
Tiadi mani ke yi tie U Tienu bila
1Lanwani, yin yaa ŋua U Tienu fuuli, nani o bibuadimu yeni. 2Yin yaa ye leni yiyaba leni mi buama, nani Kilisiti n den bua ti maama, ki puni o yuli U Tienu, ki tua yaa paabu leni yaa padili yaa nuulu n mani.#Ñam 29.18; Ps 40.6.
3Yin da tuo mi conconma maama leni majoagindi buoluba kuli, bi mi ŋaliŋabuama maama n ña yi siiga ba waamu, kelima laa dagidi yinba bi nigagidiŋanba po. 4Yin yaa kubi yi yula yi maama nni, ki da maadi mi cancaginmaama, mi gaadimaama leni o faajibiado kuli. Ama yin yaa tuondi U Tienu. 5Yin bandi ke ba niyendo yua n tie mi conconma daano, yua n tiendi ti joagindi leni o ŋaliŋabualo yaala n tie o po nani i buli ŋoadima, kan baa U Tienu leni Kilisiti diema ŋalimano. 6Oba kuli n da boandi yi leni mi mafanma. Li tie laa bonla po yo ke U Tienu pabienli se yaaba n yie o kuli po. 7Lani yaa po, yin da pia ŋantaadoba kuli leni ba.
8Yi den kpa tie li biigili yaaba, ama moala yi tie mi yenma yaaba o Diedo nni. Yi tagi n yaa tie nani mi yenma yaaba yeni. 9Mi yenma n baa luoni yaa bonluonkaala tie li ŋanbili, mi teginma leni i moamoani. 10Yin biigi ki bandi yaala n baa yaa mani o Diedo po, 11ki da pia ŋantaadoba kuli leni li biigili tuona, ya n ki pia fuoma, ama yin doagidi ke a bia. 12Li pia i fe, ba ki maadi ban tiendi yaa bonla ŋasiili nni. 13Bi yaa doagidi laa niba n tiendi yaa bonbiadila mi yenma nni, mi yenma baa doagidi lan bia maama, kelima mi yenma doagidi likuli. 14Lani yaa po yo, ke li yedi:
«Ŋan fundi, fini yua n goa,
Ki fii bi tinkpiba siiga,
Ke Kilisiti baa yendi a po.»
15Lani yaa po, yin yaa fangi mani yi yula leni yi tagi n tie maama. Yin da tie nani bi yanluodanba yeni, ama yin yaa tie nani bi yanfuodanba. 16Yin daa u yogunu, kelima yaa dana n tie ne bia. #Kol 4.5. 17Lani yaa po, yin da tie yanluodanba, ama yin yaa fani ki moandi ki bandi o Diedo yanbuama. 18Yin da ñu mi daama ki gaadi, kelima li baa teni yin biidi yiba, ama yin yaa gbie leni U Tienu Fuoma Yua. 19Lani, yi baa yaa maadi leni yiyaba, ki togidi Pisominba leni yaa yani n pagi U Tienu leni U Tienu Fuoma Yua n gobidi yi, ke yi yini yaa yani. Yaa yiini mani ki pagi o Diedo leni yi pala kuli. #Kol 3.16-17. 20Yaa tuondi mani U Tienu yua n tie Baa yogunu kuli li bonla kuli po, ti Diedo Jesu Kilisiti yeli nni.
Ku diegu yema
21Yin yaa miindi yi yula yiyaba kani kelima yin pia Kilisiti po yaa fangili yaa po.
22Yinba bi puoba, yuakuli n yaa miindi o yuli o calo kani, nani wan miindi o yuli o Diedo kani maama. #Kol 3.18; 1Pie 3.1. 23O joa tie o pua yudaano, nani Kilisiti n tie o Nitaanli yudaano maama, yaali n tie o gbanandi, wani n tie li Candaano. 24Nani Kilisiti Nitaanli n miindi li yuli Kilisiti kani maama, li pundi ke bi puoba n yaa miindi bi yula bi ciaba kani li bonla kuli nni.
25Yinba bi puodanba, yuakuli n yaa bua o pua, nani Kilisiti n bua o Nitaanli maama, ki puni o yuli ki kpe li po. #Kol 3.19; 1Pie 3.7. 26O den tieni yeni ki baa ŋuudi ki ŋanbi li leni mi ñima leni U Tienu maama. 27Lani ke wan teni o Nitaanli yeni, n pundi ki sedi o kani ki pia ti kpiagidi, kaa pia joagindiba, golimiba leni yaala n gundi kuli. Ama lin gagidi ki yaa ŋani cain, kaa pia ban baa fidi ki kuli li leni yaala. 28Li pundi ke bi puodanba moko n yaa bua bi puoba nani ban bua bi yula maama yeni. Yua n bua o pua kuli, bua o yuli. 29Oba kuli naa nani o gbanandi. Ama o dindi ti, ki kubi ti nani Kilisiti moko n kubi o Nitaanli maama, 30kelima timo tie o yaa gbanandi buoli. 31Li diani: «Li tie lani yaa po ke o joa baa ña o baa leni o naa kani, ki taani leni o pua, bani nibilie yeni n tua gbananyendi.» #Cil 2.24. 32Line n tie yaa bondoaginkaala n yabi. N maadi laa maama Kilisiti leni o Nitaanli yaa po yo. 33Li mayuli yinba yaa po tie, ke joa kuli n yaa bua o pua nani wan bua o yuceli maama, pua kuli mo n yaa fangi o calo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.