2 Timote 4
4
Ŋan yaa wangi U Tienu Maama
1N teni a yaa ñoamabonli n tie ne U Tienu nintuali leni Jesu Kilisiti yua n baa jia ti buudi leni yaaba n fo leni yaaba n kpe kuli nintuali, ki puogi a kelima o cuama leni o diema kuli po, 2ŋan yaa wangi U Tienu Maama. Ŋan tieni ania, ki yaa moandi lan pa leni lan dingi kuli. Ŋan maadi ki guli yaaba n pia mi niama, ki fu leni yaaba n tudi, ki yaa tundi bi niba, ki go bangi ba leni li juunmoanli. 3U yogunu baa ti cua ke bi niba kan go tuo ki yaa ŋua mi bangiŋanma. Ama bi baa yaa bua yaala n mani bi po bebe, ki lingi bi bangikaaba ki pugidi, yaaba n baa bangi ba ban bua ki yaa gba yaala. 4Bi go baa lebidi ki ŋaa i moamoani cengima, ki yaa cengi a togidifana. 5Ama fini wani, ŋan kubi a yuli li bonla kuli nni, ki tuo ki yaa laadi fala ki juuni lienni. Ŋan yaa tuuni o Laabaaliŋamo wangika tuonli, ki soani a tuonli bonŋanla.
Poli yema leni o fuondijuodike
4.6-22
6Mini yaa po, bi wuli nni nani mi padiñima yeni, n kuuma yogunu pundi. 7N moani li muaŋanli ki gbeni. N sani mi nuama ki gbeni. N kubi li dandanli. 8Ba moala bi bili n po mi teginma badifogiliga, o Diedo yua n tie o bujiateginka n baa pa nni yaaga o guacuama daali. O kan pa mini nbebe ka, ama yaaba n den bua o guacuama kuli.
Poli leni Timote n pia yaa ŋantaado
9Ŋan moandi ki cua n kani tontoni. 10Demasi den ŋaa nni ki gedi Tesaloniki po, kelima o bua yaa jamaano n tie na yaa bonla. Kilesensi fii ki gedi Galati, Titi mo fii ki gedi Dalimati diema nni. #Kol 4.14; Flm 1.24; 2Kor 8.23; Gal 2.3; Tit 1.4. 11Luki bebe n ye leni nni. A yaa kpendi, ŋan taa Marki wan yegi leni a, kelima o baa yaa pia n po mi fuoma boncianla li tuonli po. #Kol 4.14; Flm 1.24; JTT 12.12,25; 13.13; 15.37-39; Kol 4.10. 12N den soani Tikika Efesi. #JTT 20.4; Efe 6.21-22; Kol 4.7-8. 13A yaa kpendi, ŋan cuani n po min den ŋaa yaa kpalibu Troasi dogu nni, Karipusi deni. Ŋan cuani n po a tila moko, min bua ya ki cie tie ti gbandi ya. #JTT 20.6.
14O maano Alekisandri den tieni nni mi biadima boncianla. O Diedo baa guani o nani o tuona n tie maama. #1Tim 1.20; Ps 62.13; Lom 2.6. 15Amoko n fangi a yuli leni o, kelima o den yie ti maama boncianla.
16Min den kpa sedi ki baa maadi ki gaa n yuli li bujiali kaanu kani, oba kuli ki den todi nni, bikuli den ŋaa nni. O Diedo n da guani ba la. 17Wani o Diedo den todi nni ki puni nni u fidu ke n fidi ki waani o Laabaaliŋamo kuli cain, ke bi nilanba kuli n gbadi. O den gaa nni o yangbanlo ñoabu nni. 18Wani o Diedo n go baa gaa nni leni bonbiadila kuli, ki faabi nni, ki kuani nni o diema nni, tanpoli po. Wani n yaa baadi ti kpiagidi hali yaa yogunu kuli. Amina!
I fuondijuodike
19Ŋan fuondi Pilisika#4.19 Pilisika: Pilisika tie Prisili yelieli. JTT 18.2., Akilasi leni Onesifori deni yaaba. #JTT 18.2; 2Tim 1.16-17. 20Erasiti sedi Korenti dogu nni. Tirofimi yia, ke n ŋaa o Mile dogu nni. #JTT 19.22; Lom 16.23; JTT 20.4; 21.29.
21Ŋan moandi ki cua n kani ke ku fawaagu daa pundi. Ebulusi, Puda, Linusi, Kilodia leni ti kpiiba yaaba n sieni kuli fuondi a.
22O Diedo n yaa ye leni a. U Tienu ŋanbili n yaa ye leni yikuli. Amina!
Currently Selected:
2 Timote 4: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
