2 Timote 1
1
Ti pagidi leni i tundi
1.1—4.5
I fuondi
1Mini Poli, yua n tie Jesu Kilisiti tondo kelima U Tienu yanbuama po. U Tienu den soani nni, min yaa wangi wan den niani yaa miali Jesu Kilisiti nni yaa maama. 2N diani li tili fini Timote n bibuadiga po. Ti Baa U Tienu leni ti Diedo Jesu Kilisiti n pa ŋa li ŋanbili paabu leni mi yanduanma, ki go gbadi a po mi ninñima. #JTT 16.1.
Poli tuondi U Tienu
3N tuondi U Tienu min tuuni yua yaa po leni yaa pali siedi n ŋani, nani n yaajanba n den tuuni o po maama. U yensiinu leni ku ñiagu kuli, n yaa jaandi U Tienu, n miadi o a po ki tuondi o kaa cedi. 4N tiadi a nunsiidi ki bua ki le ŋa bonŋanla, n pali n go mangi lan kandi. 5N go tuondi U Tienu kelima n tiadi a dandanmoanli po. N bani cain, ke a naa Yunisa leni a yaa Lowisa n den kpa pia yaa dandanli, fini moko pia laa dandanle. #JTT 16.1. 6Lani yaa po, n bua ki tundi a ŋan yaa tigi nani u mu yeni, U Tienu n den puni a yaa ŋanbili paabu, min den maani a po n nii yaa yogunu. 7U Tienu ki puni ti yaa Fuoma n pia i jeje, o puni ti yaa Fuoma n pia li papaali, mi buama leni li yukubile.
8Lanwani, ŋan da jie i fe ŋan tiendi yaa siedi ti Diedo po leni mini o kpaadili po moko. Ŋan taani leni nni o Laabaaliŋamo fala nni, kelima U Tienu paalu po. 9O den faabi ti ki yini ti yaa yiinu n gagidi ki ŋani. Waa den tieni yeni kelima ti tuonŋama po ka, li tie o yanjagili leni o ŋanbili po, wan den tieni ti po yaala Jesu Kilisiti nni, hali ke ŋanduna daa tagi. 10Ti Candaano Jesu Kilisiti cuama ŋanduna nni doagidi ti po laa ŋanbili moala. Wani Jesu den paadi mi kuuma paalu, ki doagidi ti po li miali, yaali n baa ye, hali yaa yogunu kuli, kelima o Laabaaliŋamo wangima po. 11U Tienu den puogi nni ke min tua laa Laabaaliŋamo wangika, o tondo leni o bangika. #1Tim 2.7. 12Li tie lani yaa po ke n laadi yaa fala n tie ne moala, ama mii jie i fe li po ba waamu, kelima n bani min daani yua, ki go bani ke o pia u paalu ki baa fidi ki kubi n pianli#1.12 Gireki maama nni laa maama go fidi ki soagini ki yedi: «O pia u paalu ki fidi ki kubi min piani o yaala.», hali li daali n pundi. 13Ŋan den gbadi n kani yaa mamoanma baa yaa tie a po li bontogidikaala. Ŋan yaa ŋua ma, ki se ke li pa li dandanli leni mi buama nni, tin pia yaala Jesu Kilisiti nni. 14Ŋan yaa kubi U Tienu n den piani a yaa pianmoanli, kelima U Tienu Fuoma Yua yua n ye ti niinni yaa paalu po.
15A bani ke yaaba n ye Asi diema nni, lebidi ki ŋaa nni. Fijeli leni Elimojeni tie bi siiga yaaba. 16O Diedo n yaa gba Onesifori leni o deni yaaba po mi ninñima, kelima o yen duandi n yama, ki mangidi n pali. Waa jie i fe n kpaadi po. 17Wan den cua Loma yaa yogunu, o den tieni ania ki lingi nni hali ki laa nni. 18O Diedo n gbadi o po mi ninñima o guacuama daali. A bani ki cie nilo kuli wan den todi nni yaa todima kuli, min den ye Efesi dogu nni ya yogunu.
Currently Selected:
2 Timote 1: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
