2 Pieri 1
1
U Tienu yiinu
1
I fuondi
1Mini Simon Pieli, Jesu Kilisiti naacemo leni o tondo, n diani li tili yi po, yinba yaaba n taa leni ti ki baa yaa dandanli n tie bonmoanla, kelima ti Tienu leni Jesu Kilisiti ti Candaano teginma po. 2Li ŋanbili leni mi yanduanma n yaa pugidi yi po boncianla, kelima U Tienu leni ti Diedo Jesu yaa bandimoanma po.
U Tienu yiinu leni o gandima
3U Tienu paalu po, o den puni ti li bonla kuli yaala n baa todi ti li miali nni leni U Tienu tuoma nni, ki teni ke ti bandi wani yua n den yini ti, o kpiagidi leni o ŋanbili po. 4Li tie lani yaa po yo, ke o puni ti wan den niani yaa ñoaniani, yii n tie bonmoanla, ki taani ti leni U Tienu, ki faabi ti leni ti gbanandi bonbuakaala n cuani yaa joagindi ŋanduna nni. 5Lani kuli yaa po, yin moandi ki yaa pugidi yi dandanli po u tagiŋamu, ki yaa pugidi u tagiŋamu po mi bandima, 6ki yaa pugidi mi bandima po li yukubili, ki yaa pugidi li yukubili po li juunli, ki yaa pugidi li juunli po U Tienu tuoma, 7ki yaa pugidi U Tienu tuoma po mi buama yi kpiiba po, ki go yaa pugidi mi buama yi kpiiba po mi buamoanma. 8Laa bonŋanla yaa ye yi niinni ki pugidi, li baa teni yin yaa tuuni, ki go teni yin yaa kpedi ti Diedo Jesu Kilisiti yaa bandima nni ki pugidi. 9Ama yua n ki pia la, o tie juamo, ki sundi ke U Tienu ñani o po wan den tieni yaa tuonbiadi hali yogu, ki ŋanbi o.
10Lani yaa po, n kpiiba, yin moandi ki cie mi kpiama, ki teni U Tienu n yini yi ki gandi yi maama n yaa se ki pa bonŋanla. Yi yaa tiendi yeni, yi kan tuudi ki baa abada. 11Yeni, yi baa baa ki kua U Tienu n luodi ki yaani yi po ti Diedo leni ti Candaano Jesu Kilisiti diema, yaama n kan pendi abada yaa niinni.
12Li tie lani yaa po ke n baa yaa tiadi yi laa bonla yogunu kuli, ba ke yi bani la, ki go se ke li pa yin baa yaa moamoani nni. 13Hali ke n da ye n gbandieli yaali n tie n gbanandi nni, n sua ke li ŋani min tigini yi leni laa tiadima. 14N bani ke li kan go waagi ke n baa ña n gbandieli yeni nni, nani ti Diedo Jesu Kilisiti n den doagidi n po maama. 15N go baa tieni ania ki teni ke n yàá ti ye, yin fidi ki yaa tiani laa bonla po yogunu kuli.
Ti den laa Kilisiti kpiagidi
16Tin den waani yi ti Diedo Jesu Kilisiti guacuama leni o paalu maama, tii den ŋua bi niba n bungi ki ñani yaa telimi leni bi nunfanbu ka. Ama ti den laa o bali kpiagidi leni ti nunceli. 17O den baa ti jigidi leni ti kpiagidi U Tienu yua n tie Baa kani. Li den tie u nialu ñani U Tienu bali kpiagidi nni yaa yogunu, ki yedi: «One n tie n Bibuadiga, n pali n mani yua yaa po hali boncianla.» #Mat 17.1-5; Mrk 9.2-7; Luk 9.28-35. 18Tin den ye leni o yaa juali n gagidi ki ŋani yuli po yaa yogunu yo, ke ti den gbadi ke u nialu yeni maadi tanpoli po.
19Lanwani, ti dugi ke bi saawalipuaba maama tie moamoani cain. Li pundi yin fangi laa maama bonŋanla. Mi tie nani yaa fidisanga n yendi yaa kaanu n biigi nni yeni, hali lan baa faa mi yenma n yendi, ki tiŋaaŋmabiga mo n pudi yi pala nni. 20Yaala n tugi li yuli tie line: Yin bandi ke oba kuli kan fidi ki bundi ba mayenma yaa saawali maama n ye i Diani nni o yuli po, 21kelima saawali maamiba kuli ki den tieni o nisaalo yanbuama po. Ama, U Tienu Fuoma Yua n den tudi ba ke bi maadi U Tienu n yedi yaala.
Currently Selected:
2 Pieri 1: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
