1 Pieri 5
5
O gobidika tuonli
5
U Tienu yankulu
1Lanwani, mini yua n tie o nikpelo, ki tie siedi Kilisiti falaciamo po, ki go baa taani ki baa U Tienu n baa doagidi yaa kpiagidi, mia ki go tundi yi siiga yaaba n tie a nikpela line: 2Yin yaa kpaa U Tienu yankulu, yuu n ye yi kani. Yin da tiendi la nani li tie tiladi ka, ama lan yaa tie yi yama po, nani U Tienu n bua maama. Yin da tiendi yeni kelima yi bua ki baa i ligi ka, ama yaa tiendi mani la, ke yi yama ye lienni moamoani. #Jan 21.15-17. 3Yin da gobidi ban piani yi yaaba leni u paalu, ama yin yaa tie li bontogidikaala u yankulu po. 4Lanwani, o yankpaaciamo yaa doagidi o yuli yaa yogunu, yi baa baa yaa kpiagidi n kan yindi yaa badifogiliga.#5.4 Gireki maama nni li nandi ti kpiagidi yeni leni yua n sani mi nuama ki kua liiga n baa yaala. Bi yen baa ti faadi ki piani ki yilini o, lan doagidi ke bi kpiagi o. Laa bonyilikaala yen mali ki kuodi, ama li kpiagidi den yabi.
5Yinba bi jawaaba mo, yin yaa miindi yi yula a nikpela kani. Yikuli n yaa miindi yi yula yiyaba kani, ki yaa la li yumiinli#5.5 Nani Jesu n den ñagini li cabili maama yeni. Diidi Jan 13.4., ki yaa todi yiyaba kelima li diani:
«U Tienu yiedi bi japaadanba,
Ama o puuni bi yumiindanba o ŋanbili.» #Kpa 3.34.
6Lanwani, yin yaa miindi yi yula U Tienu nuu yuu n pia u paalu kani, ke u yogunu yaa pundi, wan kpiagi yi. #Mat 23.12; Luk 14.11; 18.14. 7Yin tuni wani U Tienu yi yanyagidi kuli, kelima wani o ba n kubi yi.
8Yin yaa kubi mani yi yula ki yaa faami, kelima yi yibali Sutaani, goadi nani yaa yangbanlo n duni ki lingi wan baa cuo yua ki ŋmani yeni. 9Yin yaa se ke li pa yi dandanli nni ki yie o po, kelima yi bani ke yi kpiiba yaaba n ye ŋanduna nni kuli moko laadi laa fala buolu. 10U Tienu yua n die li ŋanbili kuli, yini yi Kilisiti nni, ke yin taani leni o ki baa yaa kpiagidi n kan gbeni, yi yaa tuo ki laa fala u yogunu waamu po. Wani o ba n baa ŋanbi yi cain, ki teni yin yaa se bonŋanla, ki paagi yi pala, ke liba kuli kan fidi ki lengi yi. 11Wani U Tienu n yaa die u paalu hali yaa yogunu kuli. Amina!
I fuondijuodike
12Silasi, o nidugika, min nua yua ke o tie ti kpiilo, wani n todi nni ke n diani yi po yaa tijenjenga n tie ne. N bua ki paagi yi pala, ki tieni yi po siedi ke yi se bonŋanla U Tienu ŋanbili yaali n tie i moamoani nni. #JTT 15.22,40.
13U Tienu n gandi yaa nitaanli yaali n ye Babilonni nani wan gandi yinba maama fuondi yi. N bijua Marki#5.13 Babilonni go den tie ban den yi Loma dogu yaa yeli, ke laa bua ki yedi ke li den tie tin bani yaa Babilonni ka. O yini Marki mo o bijua kelima li dandanli yaa po. moko fuondi yi. #JTT 12.12,25; 13.13; 15.37-39; Kol 4.10; Flp 1.24. 14Yin fuondi yiyaba, ki gobini yiyaba leni mi buamoanma.
Mi yanduanma n yaa ye leni yinba yaaba n ye Kilisiti nni kuli.
Currently Selected:
1 Pieri 5: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
