2 Jan 1
1
I fuondi
1Mini o nikpelo n diani li tili fini Cannaa#1 Gireki maama nni, li yedi Kiria. Laa yeli tie pua yaa yele. po, U Tienu n gandi yua leni a bila kuli po, min bua yinba yaaba leni i moamoani. Laa tie mini bebe ka bua yi, yaaba n bani i moamoani kuli bua yi. 2Ti bua yi kelima i moamoani po, yii n ye ti niinni, ki go baa yaa ye leni ti hali yaa yogunu kuli. 3U Tienu yua n tie Baa leni Jesu Kilisiti yua n tie Baa Bijua n pa ti li ŋanbili, ki yaa gba ti po mi ninñima, ki go yaa puuni ti mi yanduanma, i moamoani nni leni mi buama nni.
I moamoani leni mi buama
4N pali den mangi boncianla min den laa ke a bila siiga bi tianba cuoni i moamoani nni, nani Baa U Tienu n bili ti po maama. 5Lanwani moala, Cannaa, min mia ŋa yaala tie line: Tin yaa bua tiyaba. Min diani a po yaama yeni naa tie bali mapanma ka, ama li tie tin den pia yaama hali mi cilima. #Jan 13.34; 15.12,17. 6Mi buama yeni tie tin yaa cuoni nani U Tienu bali maama n bili maama. Lani n tie yin baa yaa ŋua yaa bali maama, nani yin den bandi maama hali mi cilima.
7Mi tulinma danba boncianla, yaaba n naa tuo ke Jesu Kilisiti den cua ki tua nisaalo, cua ki yadi ŋanduna nni. Laa nibuolu n tie mi tulinma daano leni Kilisiti yieka. 8Fangi mani yi yula ke ti tuonli bonluonkaala n da bodi, ama ke lan todi yi, yin baa yi panpaani kuli.
9Yua n suagi liiga ki naa ye Kilisiti yaa bangima nni kuli, waa pia U Tienu. Ama yua n se mi bangima yeni niinni, wani n pia Baa leni Bijua. 10O nilo yaa cua yi kani ki naa kubi laa bangima, yin da gaa o cangu, ki da yedi o: «Biali-biala.»#10 Gireki yaa maama nni, a yaa baa biali o nilo, a baa yedi mi yanduanma n yaa ye leni o, bi wan mangi o pali. 11Yua n yedi o: «Biali-biala,» taani leni o o tuonbiada nni.
12N go pia mi maama boncianla ki bua ki diani yi po. Die mii bua ki diani leni mi tidianñima li tili nni ka. Ama n sugini ki cua yi kani tin le tiyaba ki boe, ti pamanli n dagidi cain.
13A kpiilo,#13 Nekanba, li fidi ke li maadi Kilisiti Nitaanli, yua n diani li tili n tie yaaba siiga yua, lan yedi a kpiilo bila yeni. U Tienu n gandi yaa pua yaa bila fuondi a.
Currently Selected:
2 Jan 1: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
