1 Timote 3
3
Kilisiti Nitaanli gobidikaaba
1Yaa maama n tie ne tie mi madugikaama. O nilo yaa lingi ki bua ki tua gobidika Kilisiti Nitaanli siiga, o bua yaa tuonli n ŋani. 2Li tie tiladi ke yua n tie o gobidika Kilisiti Nitaanli siiga, n da pia ban baa fidi ki kuli o leni yaala. Wan yaa pia puoyendo bebe, ki pia mi yansoangima leni u tagiŋamu, ki kubi o yuli, ki gaani bi niba cangu leni mi buama, ki go tie yua n fidi mi bangima. #Tit 1.6-9. 3Wan da tie yua n puni o yuli li dañoli, wan da tie yua n bua janjanma, wan yaa tie yua n dingi kaa bua koanli, kaa bua ligi ke li pendi. 4Ama wan yaa tie yua n gobidi o diegu bonŋanla, o bila mo n tuo o maama bonŋanla, ki yaa fangi o. 5O nilo yàá bani ki gobidi wani o ba yaa diegu, o baa gaa lede ki fidi ki yaa guu U Tienu Nitaanli? 6Wan da tie yua n daani ke li daa waagi, ke ti japaadi n da ti diedi o, wan ti baa Sutaani n den baa yaa cuonu nni. 7Li go tie tiladi yaaba n kaa tie Kilisiti Nitaanli yaaba n yaa tiendi o po yaa siedo n ŋani, ke wan da ti le i fe, ki baa Sutaani jogidu nni.
Kilisiti Nitaanli todikaaba
8Li go tie tiladi Kilisiti Nitaanli todikaaba moko n yaa tie bi niba n jigindi yaaba, ban da pia palalie, ki da kuani bi yama li dañoli nni, ki da kuani bi yama yaa ñuadi n pia i fe moko nni. 9Ban yaa kubi li dandanli moamoani, yii n doagidi leni yaa pali siedi n ŋani. 10Ban kpa biigi ba, bi yaa sua ke baa pia ban baa fidi ki kuli ba leni yaala, lanwani ban kua bi tuonli nni. 11Bi puoba#3.11 Bi puoba: Yaa ka yaa puoba n tie Kilisiti Nitaanli todikaaba. moko n yaa tie bi niba n jigindi yaaba, ki da tie tingbangbaaba, ki yaa kubi bi yula, ki tie bi niba n fidi ki dugi yaaba yaa po li bonla kuli nni. 12Kilisiti Nitaanli todika n yaa pia puoyendo bebe, ki gobidi o bila leni o diegu bonŋanla. 13Yaaba n tie Kilisiti Nitaanli todikaaba, ki tuuni laa tuonli bonŋanla baa baa ti jigidi leni ti dugiciandi, li dandanli Jesu Kilisiti nni.
Li bondoaginkaala
14N diani a po line ki sugini ki cua a kani, ke li kan waagi. 15Ama n yàá fidi ki cua tonma, n bua ŋan bandi ŋan baa yaa tiendi maama U Tienu diegu nni. Lani n tie U Tienu yua n fo Nitaanli, lini yaali n tie i moamoani benjielu leni i dasaali. 16Oba kan nia ke U Tienu sanŋoadima bondoaginkaala ñua boncianla. Laa bondoaginkaala tie:
O den doagidi o yuli ti gbanandi nni.
U Tienu Fuoma den saa o po i moamoani,
Malekinba den laa o,
Bi den wangi o maama i nilanbuoli nni,
Bi den daani o ŋanduna nni,
O den guani ki doni ti kpiagidi kaanu kani.
Currently Selected:
1 Timote 3: BGP
Highlight
Copy
Compare
Share
Want to have your highlights saved across all your devices? Sign up or sign in
Gulmancema Protestant Bible © Bible Society of Burkina Faso, 2013.
