SAKALI 13
13
1Li Miali Diedo, U Paaciamu Kuli Daano yedi:
«Laa daali,
Li ñinbunli baa pudi,
Ki yaa ŋuudi ki ñandi Dafidi puoliŋuani
Leni Jelusalema yaaba *tuonbiadi leni bi joagindi.
U Tienu baa bolini i buli leni bi sawalipua-faadanba
2Laa daali,
N baa bolini i *buli mi diema nni,
Ke oba kuli kan go tiadi ba bi yela.
N baa bolini yaaba n pua mi faama
Ke bi tie sawalipuaba, leni bi yantiajoagindi.
3Li yaa tie ke nilo go pua sawali,
O baamado leni o naamado baa yedi o:
‹Li pundi ŋan kpe, kelima a maadi ki pua mi faama,
Ki nan yedi ke Li Miali Diedo n soani a.›
Lanwani o baa leni o naa, bani yaaba n mali o yeni baa muu ki kpa o,
Wan pua mi sawalifaama yaa yogunu.
4Laa daali,
I fe baa cuo yaaba n pua sawali ke bi kan go pua.
Bi kan go togidi bi bonlekaala mo.
Bi kan go laa bi sawalipuaba liada ya n tie gbandi,
Ki pia ti kobidi yeni,
Ki yaa boandi bi niba.
5Bi siiga, yua kuli baa yedi:
‹Mii tie sawalipualo ka,
N tie kpakpaale,
Ki ko bu kpaabu hali n bonwaama nni.›
6Ama, bi baa buali o:
‹Be yaa nala n nan ye a benli po yeni?›
O baa goa ki yedi:
‹Bi den pua nni n danlinba dene.› »
U Tienu niba baa goa ki tuo o
7Li Miali Diedo, U Paaciamu Kuli Daano yedi:
«Ki jugisiega, fii ki baa o yankpaalo,
Min den taa yua ke o tie n todika yeni.
Ŋan kpa o,
Lani i pe baa yadi i kaani kuli,
Min baa ki cuo a bonbila.»#Mat 26.31; Mak 14.27
8O go den yedi:
«N baa boagidi n niba caga taa, ki bolini caga lie.
Cagiyenli bebe n baa sieni.
9N baa ŋaani bani yaaba n sieni ki fo yeni,
Nani ban yen tieni ŋanjilifa leni wula mi fantama nni maama
Ki ñani ti joagindi yeni.
Bi baa yaa jaandi ki miadi nni,
N baa yaa guandi bipo bi miabu.
N baa yedi: ‹Bine n tie n niba.›
Bimo n yedi: ‹Li Miali Diedo tie ti Tienu.› »
U Tienu pabienli daali
Currently Selected:
SAKALI 13: GUX03
Highlight
Share
Compare
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
