SAKALI 12
12
1Li Miali Diedo n yedi yaala Isalele yaaba po,
Wani yua n tagi tanpoli,
Ki go bili ki tinga tanpuuna,
Wani yua n puni o nisaalo li miali yedi:
2«N baa teni Jelusalema yaaba n tua
Nani yaa tadiñoakaaga n gbie leni yaa duven n tie n pabienli.
Yaa nilanbuoli n lindi ba baa ño laa duven
Bi nunmu n fuuni.
Li baa tua yene Juda yaaba moko yaa po,
Yaa yogunu ke yibalinba lindi ki cebini ki baa Jelusalema.
3Laa yogunu, n baa teni Jelusalema yaaba
N tua i nilanbuoli po tankpiagili.
Yaaba n baa bua ki yua li kuli
Baa poagili bi yula boncianla.
Ki tinga nibuoli kuli baa taani ki baa li.
4Laa yogunu, n baa teni ti jawaandi n cuo i taami kuli,
I jeje n cuo yaaba n jagi ba mo.
N baa yaa faami Juda yaaba po.
Ama n baa juani i nilanbuoli taami kuli.
Li Miali Diedo n yedi yeni.
5Juda badiba baa yedi bi yama nni:
‹Jelusalema yaaba paalu ña bi Tienu,
Li Miali Diedo, U Paaciamu Kuli Daano kane.›
6Laa yogunu, n baa teni Juda yudanba n tua
Nani ku moasiangu li fuali nni yeni,
Yaaka nani u mukaanu a *ŋalikama baba nni.
I kaani kuli, bi baa bolini yaa nilanbuoli n kaa ki lindi ba.
Jelusalema yaaba baa yaa li baa ye bi kaanu, Jelusalema yene.
7Li Miali Diedo baa kpa faabi Juda diedi yaaba no yo,
Ke Dafidi puoliŋuani leni Jelusalema yaaba n da nuali,
Ke bi cie Juda yaaba yaaba n sieni.
8Laa yogunu n baa kubi Jelusalema yaaba,
Baa bi siiga yua n tadi ki cie
Baa yaa pia u fidu nani Dafidi yeni.
Dafidi puoliŋuani baa yaa tie nani U Tienu yeni,
Nani Li Miali Diedo maleki yua n ye bi liiga yeni.
9Laa yogunu,
N baa bolini yaaba n baa fii ki sedi Jelusalema yaaba po kuli.»
Li paboanli mi diema kuli nni
10U Tienu go yedi:
«N baa gbieni Dafidi puoliŋuani leni Jelusalema yaaba yaaba n sieni,
Leni mi niñima yantiali leni bu miabu yaa yantiali.
Bi baa pegidi ki diidi mini,
Ban den muu mini yua yeni.
Li paboanli baa cuo ba,
Nani bijayenyendo kuuma yaa paboanli yeni.
Bi baa mua boncianla,
Bi baa mua hali boncianla nani o nilo bijakpelo
N yen kpe lan tua maama yeni.#Jan 19.37; Doa 1.7#Mat 24.30; Doa 1.7
11Laa yogunu,
Li paboanli baa yaa yaba Jelusalema,
Nani ban yen biidi bi pala Megido joaloangu nni yaa*bulo
Hadadi-Limoni#12.11 Li den tie Fenesa yaaba bulo yua den tie ti kpaandi po. Diidi Esekieli 8.14. kuuma po maama yeni.
12Li paboanli baa yaa ye mi diema kuli nni.
Buolu kuli niba baa paadi ki baa bi kaanu
Ki biidi bi pala.
Dafidi puoliŋuani buolu nni, bi jaba baa baa bi yaa kaanu,
Bi puoba mo, bi yaa yu,
Natan puoliŋuani buolu nni, bi jaba baa baa bi yaa kaanu,
Bi puoba mo bi yaa yu,
13Lefi puoliŋuani buolu nni, bi jaba baa baa bi yaa kaanu,
Bi puoba mo bi yaa yu,
Simeyi puoliŋuani buolu nni, bi jaba baa baa bi yaa kaanu,
Bi puoba mo bi yaa yu.
14Yaa buoli n sieni kuli,
Buolu kuli nni, bi jaba baa baa bi yaa kaanu,
Bi puoba mo bi yaa yu.»
Currently Selected:
SAKALI 12: GUX03
Highlight
Share
Compare
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
