LOMA YAABA 2

1Fini, ŋan tie yua kuli, ki ja a lielo ti buudi, a kan baa ŋan baa tabi yaala ki ga a yuli. Kelima ŋan ja ti buudi leni nitoaba yeni a cuo a yuli, kelima a moko tiendi nani bani yeni.#Mat 7.1; Luk 6.37

2Ti bani ke U Tienu buudi yaaba n tieni laa bonbuolu po tie i moamoani. 3Naani a tama ke fini yua n ja ti buudi leni yaaba n tiendi laa bonbuolu, ki nan tiendi la fini aba yeni ke a baa cia U Tienu bujiali po bi? 4Bi a fali o ŋanbicianli leni o yansoangima leni o juunli ki naa faami ke U Tienu tieni apo li *ŋanbili ki bua ki gobidi a ŋan tuo ki lebidi a yama yoo? 5Lanwani a juagi a pali, ki naa tuo ki lebidi. Li tie lani yaa po ke U Tienu baa doagidi o pabienli wan baa jia bi niba buudi leni mi *teginma yaa daali. Lani, a baa cuani a yuli po yaa cuonu n bia ki cie. 6Kelima laa daali U Tienu baa pa nilo kuli nani o tuona n den tie maama.#Pis 62.13; Kpan 24.12 7Yaaba n tiendi yaala n ŋani kaa cedi, ki lingi U Tienu kani ti kpiagidi leni ti jigidi leni yaa miali n ki pia kuuma, U Tienu baa pa ba yaa miali n kan gbeni. 8Ama yaaba mo n pia mi niama yantiali ki yie kaa tuo ki ŋua i moamoani, ki ŋua yaala n ki tiegi, ki tiendi yaala n bia, U Tienu baa jia ba ti buudi leni li pabienli. 9Yaaba n tiendi mi biadima kuli, ki cili Jufinba ki ŋoadi bi nilanba, baa le fala leni ti yanyagidi. 10Ama yua n tiendi yaala n ŋani kuli, ki cili Jufinba ki ŋoadi bi nilanba, U Tienu baa pa ba ti kpiagidi leni ti jigidi leni mi yanduanma. 11Kelima U Tienu naa tiendi gagidima bi niba siiga.#Tia 10.17

12Yaaba n tieni ti *tuonbiadi kaa pia U Tienu *bali maama kuli baa bodi kaa pia li bali maama. Ama yaaba n tieni ti tuonbiadi ki nan pia li bali maama kuli, U Tienu baa jia leni ba ti buudi nani o bali maama n bili maama. 13Kelima laa tie yaaba n cengi li bali maama ka baa baa li *moamoansaali, ama yaaba n tiendi li bali maama n bili yaala, bani n baa baa li moamoansaali. 14Moamoani po, yaaba n tie bi nilanba ki naa pia li bali maama yaa tiendi li bali maama n bili yaala kelima bi yama po, bi bili li bali maama bi yula po baa ke baa pia li bali maama. 15Bi doagidi ke li bali maama n bili yaala diani bi pala nni, bi pala siedi moko yen bu leni ba bi ki yen saagi bipo moamoani. 16Lani n baa doagidi U Tienu n baa teni Jesu Kilisiti n jia ti buudi leni bi nisaaliba n wuoni yaala kuli yaa daali. Min wangi yaa Laabaali;namo moko yedi ke li baa tie yeni.

Li bali maama n yedi yaala Jufinba po

17Ama fini yua n yedi ke a tie Jufi, a jigi co U Tienu bali maama nni, ki kpiagi a yuli kelima ;nan pia yaa ;nantaado leni U Tienu. 18Yeni de, a bani o yanbuama, ki go bani ki gandi yaala n ;nani ki cie kelima bi den bangi a li bali maama. 19A nua a yuli ke a tie gobidika a juama po, leni mi yenma yaaba n ye li *biigili nni po. 20A go nua a yuli ke a tie tundika bi yanpiidanba po, leni bangika a biwaala po. Kelima a nua ke a pia li bali maama nni yaala n wangi mi bandima leni i moamoani kuli.

21Lanwani fini yua n bangi nitoaba,

Ŋaa bangi a yuli.

Fini yua n wangi nitoaba ke ban da su,

A moko nan su.

22Fini yua n yieni nitoaba ke ban da conbi,

A moko nan conbi.

Fini yua n sengi i *buli,

A su yaala n ye a budiena nni.

23Fini yua n kpiagi a yuli ke a pia li bali maama,

A teni ke bi niba sugidi U Tienu

Kelima a miidi li bali maama.

24Nani lan diani maama: «Yinba yaa po n teni ke bi nilanba sugidi U Tienu yeli.»#Esa 52.5

25Yaala n tie ku koanciagu po, moamoani ku pia mayuli a yaa tiendi li bali maama n bili yaala. Ama a yaa miidi li bali maama a tua nani o jifolo yeni, baa ke a tie *jungili. 26Yua n tie jifolo yaa tiendi li bali maama n bili yaala, li baa tua opo nani ku koanciagu yeni, baa ke o tie jifolo. 27Yua n tie jifolo buolu yaa tiendi li bali maama n bili yaala, o baa bu leni a, fini yua n pia li bali maama leni ku koanciagu ama ki nan miidi li bali maama. 28Jufi naa tie yua n pia li nannanli ka, li jungili moko naa tie yua n pia li maalima o gbanandi nni ka. 29Yua n tie Jufi moamoani, tie yua n tie yeni hali o pali tugu nni. Ku koanciagu moko ;nua U Tienu Fuoma n tieni yaala o nilo pali nni, ke laa ;nua li bali maama ka. Yua n tie yeni naa baadi ti pagidi bi niba kani ka, ama U Tienu kani.#Tia 30.6

Currently Selected:

LOMA YAABA 2: GUX03

Highlight

Copy