Popular Bible Verses from LOMA YAABA 2

Share

Naani a tama ke fini yua n ja ti buudi leni yaaba n tiendi laa bonbuolu, ki nan tiendi la fini aba yeni ke a baa cia U Tienu bujiali po bi? Bi a fali o ŋanbicianli leni o yansoangima leni o juunli ki naa faami ke U Tienu tieni apo li * ŋanbili ki bua ki gobidi a ŋan tuo ki lebidi a yama yoo?

Fini, ŋan tie yua kuli, ki ja a lielo ti buudi, a kan baa ŋan baa tabi yaala ki ga a yuli. Kelima ŋan ja ti buudi leni nitoaba yeni a cuo a yuli, kelima a moko tiendi nani bani yeni.

Kelima U Tienu naa tiendi gagidima bi niba siiga.

Kelima laa tie yaaba n cengi li bali maama ka baa baa li * moamoansaali, ama yaaba n tiendi li bali maama n bili yaala, bani n baa baa li moamoansaali.

Kelima laa daali U Tienu baa pa nilo kuli nani o tuona n den tie maama.

Ama yaaba mo n pia mi niama yantiali ki yie kaa tuo ki ŋua i moamoani, ki ŋua yaala n ki tiegi, ki tiendi yaala n bia, U Tienu baa jia ba ti buudi leni li pabienli.

Lanwani a juagi a pali, ki naa tuo ki lebidi. Li tie lani yaa po ke U Tienu baa doagidi o pabienli wan baa jia bi niba buudi leni mi * teginma yaa daali. Lani, a baa cuani a yuli po yaa cuonu n bia ki cie.