LOMA YAABA 10
10
1N kpiiba, n pali buama leni n miabu U Tienu kani Isalele buolu yaaba po tie ke ban tindi. 2N tieni bipo siedi ke bi pia li yankuali U Tienu sanŋoadima po, ama baa pia mi bandima. 3Ban ki bani U Tienu n puuni yaa *moamoansaali yeni, li teni ke bi lingi bi yula po li moamoansaali ki naa lingi li U Tienu kani. 4Kelima Kilisiti n teni ke li *bali maama kua, ke yaaba n daani kuli n baa li moamoansaali.
Yua n daani Jesu kuli baa tindi
5Musa diani yaa *teginma n baadi kelima li bali maama kubima po ki yedi: «Yaa nilo n tiendi man bili yaala kuli baa yaa ye kelima mi yaa po.»#Lef 18.5 6Ama yaa moamoansaali n baadi kelima li *dandanli yaa po, bi yedi mine: «Ŋan da yedi a pali nni: ‹Ŋme n baa do tanpoli?› » Lani n tie ki ban teni Kilisiti n ña lipo ki jiidi.#Tia 30.12-14 7Ŋan da go yedi mo: «Ŋme n baa jiidi ki gedi u *kulu nni?» Lani n tie ki ban teni Kilisiti n ña likani ki fii bi tinkpiba siiga. 8Lanwani bi yedi lede? Bi yedi yaala n tie na: «U Tienu maama ye ki ku leni yi bonŋanla, ki ye yi ñoana nni, leni yi pala nni. Mani n tie li dandanli yaa maama, tin wangi yi yaama.» 9A yaa tuo leni a ñoabu bi niba nintuali ke Jesu tie o Diedo, ki daani a pali nni ke U Tienu den fiini o bi tinkpiba siiga, a baa tindi. 10Kelima li tie li dandanli a pali nni n baa teni ŋan baa li moamoansaali. A ñoabu tuoma bi niba nintuali mo n baa teni ŋan baa mi *tindima. 11Nani i Diani n yedi maama:
«Yua n daani o kan le fe.»#Esa 28.16
12Lanwani mi gagidima ki ye Jufi leni yua n kaa tie Jufi siiga, bikuli taa Diediyendo, wani yua n seligidi yaaba n jaandi ki miadi o kuli boncianla. 13Li diani: «Ama yua n jaandi ki mia o Diedo yaa yeli nni kuli, baa faabi.»#Jl 3.5 14Bi baa mia ban kaa daani yua lede? Bi baa tuo ki daani ban daa gbadi yua yaa maama lede? Bi baa gbadi o maama mo lede, oba kuli yaa wangi ba? 15Oba kuli yaa soani U Tienu mawangikaaba mo, bi baa ga lede ki yaa wangi o maama? Nani lan diani maama:
«Diidi mani bi cenli n ŋani maama,#10.15 Diidi Esa 52.7. Ebilu maama nni li yedi bi taana n ŋani maama.
Bani yaaba n cua ki wangi o Laabaaliŋamo.»
16Ama bikuli naa den tuo ki ŋoadi o Laabaaliŋamo. Esayi den doagidi la ki yedi:
«O Diedo, ŋme daani ti maama?»#Esa 53.1
17O nilo baa baa li dandanli kelima wan gbadi yaala po, wan gbadi yaala mo tie Kilisiti maama.
18To, n buali line, naani baa gbadi u tondu bi? Bi gbadi saa. Li diani:
«Bi niali yayadi ki tinga nni kuli,
Bi maama mo yayadi hali ŋanduna banlu kuli.»#Pis 19.5
19N go buali, naani Isalele buolu yaaba naa den bani yoo? Musa n den kpa maadi li maguankaama ki yedi:
«N baa teni ke yaaba
N kaa tie nibuomoanu
N yaa ñundi yi buolu yaaba li mutuoli.
Yeni de, n baa teni yaa nibuolu
N kaa pia mi yanfuoma
N fiini yi pala.»#Tia 32.21
20Esayi den pia li papaali ki cie ki yedi:
«Yaaba n kaa lingi nni, bani n laa nni,
N den doagidi n yuli
Bani yaaba n kaa lingi nni po.»#Esa 65.1
21Ama Isalele buolu yaaba po o yedi:
«Daali kuli n tiani n nii
Ki bua ki mangi
Leni yaaba n tie niyiekaaba
Leni tupaalu danba.»#Esa 65.2
U Tienu ki luni Isalele yaaba
Currently Selected:
LOMA YAABA 10: GUX03
Highlight
Share
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
