MALAKI 1
1
1Li Miali Diedo n den teni ke Malaki soagini o maama yaama Isalele yaaba po.
Li Miali Diedo gandi Isalele yo
2Li Miali Diedo yedi:
«N bua yinba Isalele yaaba.
Ama yi tua: ‹Be n doagidi ke a bua ti?› »
Li Miali Diedo goa ki yedi:
«Naani Esayu leni Jakobo ki den tie naataani kaa?
Ama n den bua Jakobo#1.2 Likani li go baa fidi ki yedi Ebilu yaaba maama nni, n gandi Jakobo ki ŋa Esayu. leni o puoliŋuani,#Lom 9.13#Esa 34.5-17; 63.1-6; Jel 49.7-22; Esk 25.12-14; 35.1-15; Amo 1.11-12; Abd 1-14
3Ki nandi Esayu leni o yaa puoliŋuani.
N den bolini Esayu diema, yaama n den ye a juana nni,
Ki teni ke i tanboe diedi ma,
Ke mi tua fanpienma.
4Edomi yaaba, bani Esayu puoliŋuani yeni yaa fii
Ki yedi ke bi bolini bi dogi,
Ama bi baa guani ki maa bi ci.»
Li Miali Diedo, U Paaciamu Kuli Daano baa guani ki yedi:
«Cedi ba mani ban goa ki maa bi ci,
N didi go baa bolini i.
Bi niba baa yaa yi bi diema: “Mi biadima diema,”
Bani, mi niba mo, bi baa yaa yi ba:
“Li Miali Diedo pali n be yaa nibuolu po yogunu kuli.”
5Yi nuni baa le lani kuli,
Lani yi baa yaa tua:
‹Li Miali Diedo pia u paalu baa leni Isalele diema kandima kuli po.› »
U Tienu fu leni bi kopadicianba
6Li Miali Diedo, U Paaciamu Kuli Daano yedi:
«Ki biga jigindi o baa, o naacemo mo kpiagidi o canbaa.
N yaa tie yi Baa,
Min pundi ki baa yaa jigidi ye le?
N yaa tie yi Canbaa,
Min pundi ki baa yaa kpiagidi ye le?
Yinba bi kopadicianba n fali n yeli
Ki nan tua: ‹Ti fali a lede?›
7Yi kpendinni n *padibinbinli po yaa pienma n*joagini npo,
Ki nan go tua: ‹Ti tudi apo lede?›
Yi tudima n tie ke yii pia fangili n padibinbinli po.
8Naani yin yen cuani ki yanjuanga li padili po yeni, li tiegi?
Naani yin yen cuani yaa yanga n duugi yaaka yaaga n yia yeni,
Naani li tiegi?
Naani yi yaa taa laa yanga ki ban puni gufeneeli,
O baa ga yi cangu leni nunmanga?#Tia 15.21
9Lanwani, yinba bi kopadicianba,
Biigi mani moala ke yi baa mia yi Tienu,
Ke wan gbadi yipo mi niñima.
Naani yi bontienkaala baa tuo
Wan mangi o nunga yipo bi?
Li Miali Diedo, U Paaciamu Kuli Daano n yedi yeni.»
10Li Miali Diedo, U Paaciamu Kuli Daano go yedi:
«Li baa yaa ŋani ki cie yinba bi kopadicianba siiga nni
Yendo n luoni n diegu buliñoana,
Yin da go cuondi n padibinbinli po mi fantama fanma fanma.
N pali ki mani yipo baa waamu.
Mii go bua ki ga yi nuu nni padiliba kuli mo.
11Ki cili hali u yienu n pudi naani,
Ki ban tuoni hali wun baali naani,
I nibuoli kuli kpiagidi nni.
I kaani kuli bi niba padi ki siagi npo a *dugibila.
Bi go padi yaa pada n ŋani ki dagidi npo, ki kpiagidi nni.
I nibuoli kuli kpiagidi nni.
Li Miali Diedo, U Paaciamu Kuli Daano n yedi yeni.
12Ama, yinba, Isalele yaaba n fali nni,
Ki tua ke o Diedo padibinbinli joagini,
Ki go tua ke yin padi likani yaa pada ki pia mayuli.
13Yi go tua ke li padibinbinli kani tuonli
Pia li coagili, yi baga ki ye mo.
Li Miali Diedo, U Paaciamu Kuli Daano yedi:
‹Yi kpendinni ti yansukaadi leni yaadi n duugi leni ti yanyiandi,
Yi padi npo laa pada buolu yo.
Naani n baa ga laa paabu yikani?›
Li Miali Diedo n yedi yeni.
14Ti solindi n yaa ŋua yua n pia o yankulu nni ki yantonga
Ki niani ke o baa padi ga o Diedo po,
Ama ki nan kandi ki ŋa kani ki taa yanyianga ki padi.
Kelima n tie badiciamoe.
Li Miali Diedo, U Paaciamu Kuli Daano n yedi yeni.
I nibuoli kuli fangi nni.»
Bi kopadicianba n fangi bi yula
Currently Selected:
MALAKI 1: GUX03
Highlight
Share
Compare
Copy
Want to have your highlights saved across all your devices? Sign up or sign in
Gulmancema Bible © Bible Society of Burkina Faso, 2003.
