Tobi 9
9
A TOBƖASƖ KUL-TAA
9—11
A Arafayɛl cen nɩ a Aragɛsɩ
1Lɛ n'a a Tobɩasɩ tɩ bʋɔlɩ a Arafayɛl#9:1 Arafayɛl: Nyɛ̃ 3.17 nɩ a manʋ. wa yel ʋ: 2«Ɩ̃ yɛb Azarɩasɩ i, tɛr tõ-tõ-biir anaar nɩ nyɔ̃wmɩ ayi, cen nɩ a Aragɛsɩ a Gabayɛl zie. Tɩ kʋ̀ ʋ a sɛbɛ bɛ na dĩ a nũu a#9:2 Sɛbɛ bɛ na dĩ a nũu a: Nyɛ̃ 5.3., ɛ́ de a libie. Al pùorí, tɛr a Gabayɛl wa n a cuw zie. 3-4Fʋ bãwnɩ a nɩ vla a ɩ̃ sãà na sɔrɛ a bibie gùre nɩ a ɩ̃ lɛb-waa a#9:3-4 A ɩ̃ sãà na sɔrɛ a bibie gùre nɩ a ɩ̃ lɛb-waa a: Nyɛ̃ 10.1. — A Araguwɛl na pɔ yel...: Nyɛ̃ 8.20.. Mãa wa dɔwlɩ bibi-been yõ a, ɩ̃ na ƴãw ʋ nɩ kpɩɛrʋ yaga pʋɔ. Lɛb waar mɩ̀, fʋ wõ n a pɔb a Araguwɛl na pɔ yel k'ʋʋ bɛ bɛrɛ mɛ̃ ɩ̃ cere, ɩ̃ɩ kʋ̃ tʋ̃ɔ́ gãw a ʋ pɔb a.»
5Lɛ n'a a Arafayɛl tɩ cen a Aragɛsɩ na be a Medi tẽw a, nɩ a tõ-tõ-biir anaar nɩ a nyɔ̃wmɩ ayi. Bɛ tɩ ta n a Gabayɛl yir gã. Ʋ tɩ kʋ̀ ʋ nɩ a sɛbɛ, ɛ́ yel ʋ k'aa Tobi bidɛb, Tobɩasɩ, kul'ɩ pɔw ɛ́ bʋɔlɛ ʋ a cuw zie. Daadaalɛ, a Gabayɛl tɩ cen na tɩ sɔ́r a libie vʋɔrɩ na mɛr a sɩ-suur a, ɛ́ bɛ wob a tuo a nyɔ̃wmɩ. 6A dãw-bio daarɩ́ biɓaar-sɛ̃w a, bɛ tɩ lãw na lo a sɔ́r kɛ́ bɛ cen a kul-taa cuw zie. Bɛ na tɩ ta a Araguwɛl yir a, bɛ nyɛ̃ nɩ a Tobɩasɩ k'ʋ zɩ̃ dɩrɛ. Daadaalɛ, ʋ tɩ ìr'a k'ʋʋ puori a Gabayɛl. A Gabayɛl tɩ kone na ɛ́ ƴɛ̀r nɔ-vla ƴãw ʋ nɩ a ƴɛ̀r-bie á ŋá: «Sãà-vla vla na ɩ nɩ-mɩŋa ɛ́ sõwne nɩbɛ a, bidɛb-vla vla a! A Naaŋmɩn na be a salom zu za a, ʋ maalɩ fʋ, a fʋ pɔw, a fʋ dɩɛm-sãà nɩ a fʋ dɩɛm-mã. Ɩ̃ puor'ɩ a Sore yãanɩ, bʋ̃ʋ n'ʋ vɛ̃, ɩ̃ na wa nyɛ b a, ɩ̃ sàw na k'aa ɩ̃ yɛb Tobi mɩŋa n'ʋ ɩ̃ nyɛ̃!»
La Bible en Dagara © Alliance Biblique du Burkina Faso, 2013.