Bɛn Sɩɩra 50
50
A bàwr-maal-kara Sɩmʋ̃
1A bàwr-maal-kara Sɩmʋ̃
na tɩ ɩ Onɩasɩ bidɛb a n'ʋ
tɩ maalɩ a Sore yir ƴãw,
a ʋ nyɔ-vʋʋrʋ daar.
A ʋ daar'a ʋ tɩ ɩ a Ŋmɩn-yir-kpɛ̃ɛ
ʋ kpɛmɛ dɔwlɩ.
2Ʋ tɩ ƴãw na bɛ bin
a dacin na kɛrɩ gb'a ayi a pɛr,
a dacin na viiri koli
a Ŋmɩn-yir-kpɛ̃ɛ pɛr na sʋ̃ɔ́ do a.
3A ʋ daar'a bɛ tɩ tuw a kʋ̃ɔ ƴãwfʋ zie,
bɔw na ɩ kpɛ̃ɛ sɛw
a Ŋmɩn-yir-kpɛ̃ɛ-kʋra sɩ̃w-kpɛ̃ɛ a.
4A na tɩ ɩ ʋ tɩɛrʋ k'ʋʋ piw
a ʋ nɩbɛ tɛr a loba ƴãw a,
ʋ tɩ cɔbr'ɩ a tẽ-kpɛ̃ɛ ʋ kpɛmɛ,
bɛ nãà wa piw ʋ a ƴãw.
5Nyɛ̃ ʋ na mɩ́ tɩ vɩɛl vɩɛl a,
a lɛn daar ʋ na mɩ́ tɩ yi
a zi-sõw-za-zi-sõw pʋɔ
cere viire kole a ŋmɩn-yir-kpɛ̃ɛ a!
6Ʋ mɩ́ tɩ ŋmɛ̃ na taa nɩ
a biɓaara ŋmar-bir
na nyɩwrɛ a zũzuwe pʋɔ a,
mɛ̃ a cuw a lɛn daar ʋ na mɩ́ ɩ a ɓil a.
7Ʋ mɩ́ tɩ ɩ na mɛ̃ a mʋ̃tɔ̃w na mɩ́ caalɛ
a Naaŋmɩn-na-do-saa-bɛ-pɩɛl-a yir-kpɛ̃ɛ a,
bɩɩ a sa-gõguo na mɩ́ nyɩwrɛ a zũzuwe pʋɔ a.
8Ʋ mɩ́ tɩ ŋmɛ̃ na taa nɩ
váar kãw bɛ na bʋɔlɛ loriye-oroozʋ a puuru,
a sɩ̃ɛ-kpɛ-paala,
ŋmɛ̃ taa nɩ lisi na búle bul-nʋɔr ƴãw a,
ŋmɛ̃ taa nɩ Libã tɩɩr a tʋlʋ daar.
9Ʋ mɩ́ tɩ ɩ na mɛ̃ a tɩ-suur-zɔ̃-na-nyùur-vla-vla-a
na dɩrɛ a bàwr-maal-kuur zu a,
mɛ̃ salm-zɩɛ koli-nyúura
na ƴãw kʋsɛ-bi-nyɩlɩ
bʋʋrɛ bʋʋrɛ pɩ̃ɛmɛ a.
10Ʋ mɩ́ tɩ ɩ na mɛ̃ olivʋ tɩɛ na ɩ wɔmɛ tɛwr a,
bɩɩ mɛ̃ sɩpɩrɛ tɩɛ#50:10 Nyɛ̃ Ssy 104.17. na kɛrɩ do tɩ tɔ a zũzuwe a.
11Ʋ na mɩ́ tɩ su
a ʋ bàwr-maal-kara kparʋ a,
ʋ na mɩ́ tɩ su a ʋ dɛpaal bome
dúor'ɩ a Naaŋmɩn bàwr-maal-kuur pɛr a,
ʋ mɩ́ tɩ paal'ɩ a Ŋmɩn-yir-kpɛ̃ɛ davʋrɩ nɩ vɩɛlʋ.
12Ʋ mɩ́ àr'ɩ ƴẽwn
a bàwr-maal-kuur vũu pɛr
dier a bàwr-maal nɛn-kaa-íri
a bàwr-maalbɛ nuru pʋɔ.
A ʋ yɛbr bàwr-maalbɛ
mɩ́ tɩ ŋmãa nɩ gʋɔ jil ʋ,
mɛ̃ Libã tẽw sɛɛdɩr tɩ-sɛlɩ a,
mɛ̃ kpãkparmɛ tɩɩr sɩɩr na jil koli ʋ a.
13A bàwr-maalbɛ na ɩ a Aarɔ̃ bʋʋrɛ a,
tɩ be n be bɛ za,
su a bɛ kpar-vɩɛlɩ vɩɛlɩ,
ƴãw a de-kʋ̀b bom
a bɛ nuru pʋɔ a Sore ƴãw,
a Ɩsɩrayɛl nɩbɛ lãw za niŋé.
14A Sɩmʋ̃ mɩ́ tɩ báa na tõ a bàwr-maal-tome
a bàwr-maal-kuur pɛr,
cɔbrɩ a de-kʋ̀b bome
a Naaŋmɩn-na-do-saa-bɛ-pɩɛl-a ƴãw,
a kpɛnʋ-za-sob.
15Ʋ mɩ́ tɩ dɔl'ɩ a nũu cɔw a koli-nyúura,
cir a divɛ̃ na ɩ a divɛ̃ tɩɛ wɔmɛ zɩ̃ɩ a ƴãw,
ɛ́ cir a ƴãw a bàwr-maal-kuur sɩɛ ƴãw,
a ɩ parfɛ̃ na nyùur vla vla a,
a Naaŋmɩn-na-do-saa-bɛ-pɩɛl-a ƴãw,
a tẽ-daa Nãà ƴãw.
16Lɛ n'a a bàwr-maalbɛ mɩ́ tɩ ŋmɩɛr cɛlsɩ,
pɛblɛ a bɛ kure wɩɩr,
ɛ́ ɩrɛ gɔmɛ na yire kpɛ̃w kpɛ̃w za a,
k'aa nɩ-bʋʋrɛ cãà bãwnɩ
a Naaŋmɩn-na-do-saa-bɛ-pɩɛl-a.
17Daadaalɛ, a nɩbɛ za
mɩ́ tɩ lãw na lo gbĩ dume gũu tɩ tɔ tẽw,
puori a Sore, a kpɛnʋ-za-sob,
a Naaŋmɩn-na-do-saa-bɛ-pɩɛl-a.
18Al pùorí, a yiel-yielbɛ mɩ́ tɩ cɛ n danʋ yielu.
Yielu na yiele kpɛ̃w kpɛ̃w za,
ɛ́ yiele bàalʋ bàalʋ a
mɩ́ tɩ paal'ɩ a Ŋmɩn-yir-kpɛ̃ɛ.
19A nɩbɛ mɩ́ tɩ zɛlɛ nɩ a Sore yãayãa,
a Naaŋmɩn-na-do-saa-bɛ-pɩɛl-a,
tɛr'ɩ a puoru a Su-ɓaarʋ-za-sob niŋé,
ɛ́ gù a yele tɩ baarɩ,
ɛ́ gù a tome na tõ
a Sore puoru ƴãw a nʋɔr tɩ kʋ.
20Lɛ n'a a Sɩmʋ̃ mɩ́ tɩ yi
a bàwr-maal-kuur pɛr siw.
Ʋ mɩ́ tɩ zɛw nɩ a nuru
a Ɩsɩrayɛl nɩbɛ lãw za zu,
ƴɛ̀r'ɩ a ʋ nʋɔr kʋ̀ bɛ a Sore maalʋ.
À à ŋá n'a a mɩ́ tɩ ɩ ʋ yúor,
a Sore yúor bʋɔlʋ ƴãw#50:20: A ʋlɩ daar nɛ a, a Suur-dɩ-kʋ̀b bibi-kpɛ̃ɛ bibir tɛwr'a a bàwr-maal-kara mɩ́ tɩ tɛr sɔ́r na bʋɔlɩ a Sore yúor nɩr na bɛ tɛr sɔ́r na bʋɔlɩ a..
21A lãw nɩbɛ mɩ́ tɩ lɛb'a
maal lo gbĩ dume gũu tɩ tɔ tẽw,
kɛ́ bɛ de a Naaŋmɩn-na-do-saa-bɛ-pɩɛl-a maalʋ.
Puor-pɛ-baara
22Ƴɛrɛŋa a, nyɩ puori a tẽ-daa Naaŋmɩn yãanɩ,
ʋl na maalɛ yel-bɛrɛ a ziir za a.
Tɩ na dɔw wa tɔ dɩ̃a a, ʋ ɩ na tɩ kɛ̀rɩ,
ʋʋ ɩrɛ a tɩ zie tu n a ʋ su-ɓaarʋ.
23Ʋ̀ kʋ̀ tɩ soci-nʋ̃ɔ̀,
ɛ́ a tɩ nyɔ-vʋʋrʋ daar a ƴã-ɓaarʋ be be,
mɛ̃ a koro za a Ɩsɩrayɛl tẽw a!
24Ʋ́ tɛr a ʋ su-ɓaarʋ a tɩ ƴãw kʋralɛ,
ɛ́ faarɛ tɩ a tɩ bibi-vɩɛrɩ za nyɔ-vʋʋrʋ pʋɔ!
Nɩ-bʋʋrɛ ata kãw bɛ na bɛ nɔnɛ a
25Nɩ-bʋʋrɛ ayi kãw be n be ɩ̃ bɛ nɔnɛ towtow ɛ,
ɛ́ a ata sob bɛ ɩ nɩ-bʋʋrɛ mɩ́ ɛ.
26Bɛlɛ n'ɩ a bɛl na kpɩɛr a Seyiir tãw zu a,
nɩ a Filisɩtɛ̃ mɩnɛ,
nɩ a dãbole bɛl na kpɩɛr a Sɩsɛm a#50:26 Dãbole na kpɩɛr a Sɩsɛm a: A Samaari tẽw dem nɛbɛ bɛ yere. Nyɛ̃ 2Na 17.24-41..
A Bɛn Sɩɩra nɩ a ʋ sɛbɛ
27Yeezu na yi Zerizalɛm, ɛ́ ɩ Sɩɩrakɩ bidɛb nɩ Eleazaar yãw a n'ʋ sɛb wulu na tɛr yã-bãwfʋ nɩ bãwfʋ yaga a, ƴãw a sɛbɛ ŋa pʋɔ. A yã-bãwfʋ na paalɩ a ʋ socir a, ʋ ɩ na a cir mɛ̃ saa a. 28Zu-nʋ̃ɔ̀ sob'ɩ sob nɛ na na tɛr a wulu á ŋá kanɛ kʋralɛ a! Sob nɛ na na ƴãw a a ʋ socir pʋɔ a na lɩɛb'ɩ yã-bãwnɛ.
29Ʋlɛ wa tuur a a, ʋ na tɛr'ɩ fãw a yele za pʋɔ, a Sore zɔba na na ɩ a ʋ sɔ́r a ƴãw.
Currently Selected:
Bɛn Sɩɩra 50: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.