Bɛn Sɩɩra 49
49
Zozɩasɩ
(Nyɛ̃ 2Na 22:1—23:30, Zer 22:15)
1A nɩbɛ mɩ́ lɛb'a tɩɛrɩ a Zozɩasɩ yele
mɛ̃ parfɛ̃ na jɛr taa a nyũu
parfɛ̃ maalɛ na maalɩ a.
A ʋ yúor mɩ́ nʋmɛ nɩ
a nɛ́ɛ za pʋɔ mɛ̃ sɩwr a,
bɩɩ bʋ̃-ŋmɩɛrɩ na ŋmɩɛr
cuw bʋ̃-dɩrɩ dɩb daar a.
2Ʋ tɩ tu n a sɔr-vla,
ɩ a nɩbɛ lɛb wa a Sore zie,
ɛ́ ír a tɩbɛ maalʋ bɛr.
3Ʋ tɩ lɩɛb'a tu a Sore nɩ ʋ pʋɔ za.
A ʋlɩ daar nɛ a nɩbɛ
na bɛ tɩ ŋmɛlɛ kaar
a Naaŋmɩn wulu a,
ʋ ɩ na a Naaŋmɩn ƴãwfʋ lɛb kpɛmɛ.
A Zuda tẽw na-bɩɛrɩ, a naaŋmɩn-ƴɛ̀r-manɛ Zeremi
4Bɛlɛ wa ír Daviir,
Ezekɩasɩ nɩ Zozɩasɩ bɛr a,
a na-mɩnɛ za tɩ sãw nɩ
a sãwna dɔwlɩ taa.
Bɛ tɩ bɛr'ɩ
a Naaŋmɩn-na-do-saa-bɛ-pɩɛl-a wulu.
A Zuda tẽw na-mɩnɛ tɩ baar'a.
5Bɛ tɩ bɛr'ɩ a bɛ fãw kʋ̀ nɩ-yoru,
ɛ́ bɛr a bɛ yúor kʋ̀ nɩ-bʋʋr-yoru.
6A bɛ dɔ̃ dem tɩ nyɩw nɩ a tẽ-kpɛ̃ɛ-sõw bɛr,
a ʋl a Naaŋmɩn na tɩ kaa ír a,
ɛ́ bɛr a ʋ sɛ́ɛ a gã zawlɛ,
mɛ̃ a lɛ a naaŋmɩn-ƴɛ̀r-manɛ
Zeremi na tɩ yel a#49:6 Nyɛ̃ Zer 39.8..
7A nɩbɛ bɛ ŋa tɩ dɔwr'ʋ nɩ yaga#49:7 Bɛ tɩ dɔwr'ʋ nɩ yaga: Nyɛ̃ Zer 20.2, 38.28..
Ɛcɛ a Naaŋmɩn tɩ ka n nũu ƴãw ʋ
a ʋ mã puori k'ʋʋ ɩ a ʋ ƴɛ̀r-manɛ,
vɔnɛ bɛrɛ, darɛ lɔbr ɛ́ sãwnɛ bɛrɛ,
ɛ́ mɩ̀ mɩ́ lɛb mɛ ɛ́ lɛb sɛl#49:7 Nyɛ̃ Zer 1.10..
Ezekɩɛl
8Ezekɩɛl'ɩ a sob nɛ na tɩ nyɛ̃
a Sore yúor-vɩɛlʋ-danʋ a.
A Naaŋmɩn tɩ ɩ na k'ʋ nyɛ̃ a yúor-vɩɛlʋ-danʋ ŋa
a seribɛ̃ mɩnɛ torko zu-sɔw#49:8 Nyɛ̃ Ezek 1.4-28, 10. .
9A Ezekɩɛl mɩ̀ tɩ lɛb'a tɩɛrɩ
a Zɔb na tu a sɔ́r dẽdẽ a yele.
A naaŋmɩn-ƴɛ̀r-manbɛ pie nɩ ayi
10A naaŋmɩn-ƴɛ̀r-manbɛ pie nɩ ayi ƴãw a,
a bɛ kɔbɛ na saa cãà be
a yàa-bɔw pʋɔ a, a Naaŋmɩn,
ʋ ɩ nɩbɛ ìr lɩɛrɩ bɛ!
Bʋ̃ʋ n'ʋ vɛ̃, bɛ lɛb'a kʋ̀ fãw
a Zakɔb nɩbɛ ɛ́ faa bɛ,
bɛ na bɛ lɔb a bɛ tɩɛrʋ bɛr towtow a ƴãw.
Zorobabɛl nɩ Zozue
11Ŋmɩŋmɩn n'a tɩ na yel
a lɛ a Zorobabɛl#49:11 Zorobabɛl: Nyɛ̃ Aze 1.1. na ɩ kpɛ̃ɛ sɛw a,
ʋl na tɩ ɩ mɛ̃ ŋmaarʋ-bʋ̃-ƴãwna
a Sore dʋrʋ nũú a?
12Zozedɛkɩ bidɛb Zozue mɩ̀ a lɛ.
A bɛ daar a, bɛ za ayi
tɩ lɛb'a mɛ a Ŋmɩn-yir-kpɛ̃ɛ,
bɛ tɩ ŋmãa nɩ zi-sõw a Sore ƴãw,
zi-sõw na na tɛr yúor kʋralɛ a.
Neemi
(Nyɛ̃ Nee 1—7)
13Neemi mɩ̀ ɩ na bɛ cãà tɛr a ʋ tɩɛrʋ yaga.
Ʋ lɛb'a mɛ a tɩ tẽ-kpɛ̃ɛ dacine na tɩ lo a,
ʋ lɛb'a ƴãw a pamɛ nɩ a bʋ̃-kparɩ,
ɛ́ lɛb mɛ a tɩ yie.
Enɔkɩ, Zuzɛb nɩ a sãàkʋm-kore dãw-niwn dem
14A Sore bɛ ír nɩr za a tẽw zu,
ʋ ŋmɛ̃ taa nɩ a Enɔkɩ ɛ.
A ʋl mɩ̀ a, bɛ tɩ ír ʋ na zãá nɩ a tẽsɔw.
15Nɩr mɩ̀ bɛ dãw be be ɩ mɛ̃ a Zuzɛb a ɩ,
ʋl na tɩ ɩ a ʋ yɛbr nɩ-kpɛ̃ɛ,
nɩ a ʋ bʋʋrɛ tɩɛrɛ a.
A ʋ kɔbɛ tɩ nyɛ̃ nɩ ƴãwfʋ yaga.
16Sɛ́m nɩ Sɛtɩ yée yi n a nɩsaalbɛ pʋɔ,
ɛcɛ Adama n'ʋ gãw a bʋ̃-vʋʋrɩ za
a Sore na ír a#49:16 Sɛ́m: Nyɛ̃ Yzt 6.10, 10.21. — Sɛtɩ: Nyɛ̃ Yzt 4.25, 5.3. — Adama: Nyɛ̃ Luk 3.38..
Currently Selected:
Bɛn Sɩɩra 49: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.