Bɛn Sɩɩra 1
1
WULU NA ƁÃ TAA A ZI-DÃW-NIWN SOB
1:1—16:23
A yã-bãwfʋ yib zie
1Yã-bãwfʋ za yi n a Sore zie,
ʋ lãw na kpɩɛr'ɩ a Sore kʋralɛ.
2A kʋ̃ɔ-bɛrɛ nʋɔr biire, a sa-bie
bɩɩ a zie na be kʋralɛ a bibie a,
ãa n'ʋ na tʋ̃ɔ́ sɔ́r bãw a nʋɔr?
3A salom kɛrʋ,
a tẽsɔw yɛ̀lʋ,
a kʋ̃ɔ-kpɛ̃ɛ zulu,
ãa n'ʋ na tʋ̃ɔ́ nyɛ̃ a?
4A Sore de nɩ niwn ír
a yã-bãwfʋ#1:4 Yã-bãwfʋ: Bɛ ƴɛ̀rɛ nɩ a yã-bãwfʋ ƴɛ̀rʋ a ka mɛ̃ nɩr'ʋ a. Mɩ̀ nyɛ̃ Zʋkp 8.22-31. a bome za ƴãw,
a tɩɛrʋ na tɩɛrɛ nɩ yã a,
be n be a dɩta-pɛ-yome za.
6Ãa n'ʋ bɛ wul a yã-bãwfʋ nyɩwr?
Ãa n'ʋ bãw a ʋ yel-sɔwlɩ?
8Nɩ-been yõ n'ʋ ɩ yã-bãwnɛ,
ɛ́ sɩrɩ bɛ tɛr dɩ̃ɛnʋ ɛ:
a Sore na zɩ̃ a ʋ naalʋ-dà-kɔw zu a n'ʋ.
9Ʋlɛ n'ʋ ír a yã-bãwfʋ.
Ʋ nyɛ̃ ʋ na, ɛ́ jieli a ʋ vɩɛlʋ,
ʋ ƴãw ʋ nɩ bom za ʋ na maalɩ a pʋɔ.
10Ʋ kʋ̀ n nɩsaal za a yã-bãwfʋ yaga za,
baa zuo a za a bɛlɩ dem na nɔnɛ a ʋl Sore a.
A Sore zɔba n'ɩ a yã-bãwfʋ tib zie
11A Sore zɔba#1:11 Sore zɔba: A ƴɛ̀r-bie ayi á ŋá be n a sɛbɛ ŋa pʋɔ yaga. A zɔba bɛ na yere a bɛ ɩ dɛ̃bɩ̃ɛ zɔba ɩ, ƴãwfʋ nɩ nɔ̃wfʋ zɔba n'a. ɩ n yúor-vɩɛlʋ-danʋ nɩ nyʋ̀ʋ́r,
nʋ̃ɔ̀ nɩ cɩlʋ na bɛ dɩ vuo a.
12A Sore zɔba waar'ɩ nɩ su-nʋ̃ɔ̀,
ʋ tɩrɛ nɩ nʋ̃ɔ̀ yaga nɩ nyɔ-vʋʋr-wogo.
13Sob nɛ na zɔrɛ a Sore a zie a,
a yele za na ɩ n vla tɩ baarɩ.
A ʋ kũu bibir a, ʋ na nyɛ̃ nɩ maalʋ.
14A Sore zɔba n'ɩ a yã-bãwfʋ tib zie.
A bɛlɩ dem na sàw de a zie a,
bɛ ír'ɩ a yã-bãwfʋ lãwnɩ bɛ a bɛ mã puori.
15Ʋ wób'ɩ a ʋ ców kʋralɛ a nɩsaalbɛ pʋɔ,
ʋ na tu n a bɛ bʋʋrɛ pùor kʋralɛ.
16A Sore zɔba n'ɩ a yã-bãwfʋ na bãw tɩ tɔ a.
A lɛ pʋɔ a, ʋ mɩ́ kʋ̀ n a nɩsaalbɛ a ʋ wɔmɛ yaga za.
17Ʋ mɩ́ paal'ɩ a bɛ yir za
nɩ alɩ bome nɛ bɛ na bɔbr a,
a bɛ boge mɩ́ paal'a
nɩ a bome ʋ na kʋ̀rɛ bɛ a.
18A Sore zɔba n'ɩ
a yã-bãwfʋ vɩɛlʋ za nʋɔr-kʋb.
A yã-bãwfʋ mɩ́ ɩ na
a nʋ̃ɔ̀ nɩ a ƴã-ɓaarʋ waar.
19Ʋ mɩ́ tɩr'ɩ a bãwfʋ
nɩ a yã a bãwfʋ pʋɔ mɛ̃ saa a.
Ʋ mɩ́ ɩ n a bɛlɩ dem na tɛr ʋ a, bɛ tɛr yúor.
20A yã-bãwfʋ nyɩwr'ɩ a Sore zɔba,
ɛ́ a ʋ wuli n'ɩ a nyɔ-vʋʋr-wogo.
A kanyir nɩ a tʋɔra-nyɔwfʋ
22A suur fʋ na nyɛ̃ ɛ́ a bɛ tɛr sɔ́r a,
nɩr bɛ sàwr kʋ̀rɛ fʋ ɛ.
Bʋ̃ʋ n'ʋ vɛ̃, a su-nyɛrɛ be n a ʋ wɛb sɔ́r zu.
23A kanyir sob mɩ́ nyɔw nɩ ʋ tʋɔra
tɩ ta a lɛ a na sɛw a,
ɛ́ a baarʋ daar ʋ lɛb nyɛ̃ a nʋ̃ɔ̀.
24Ʋ bɛ yere a ʋ tɩɛrʋ ɛ,
ɛ́ tɩ ta a lɛ a na sɛw a,
a nɩbɛ za na yere na k'ʋʋ tɛr'ɩ yã.
Ɩ yã-bãwnɛ nɩ nɩr a ɩb na tori a
25A yã-bãwfʋ na-bome pʋɔ a,
bãwfʋ zʋkpaɩ be n be.
Ɛcɛ a Naaŋmɩn ƴãwfʋ
ɩrɛ nɩ a yel-bier sob kɔkɔrʋ.
26Fʋ̃ʋ wa bɔbr a yã-bãwfʋ a,
fʋ̃ʋ tuur a nɛ-ƴãwnɩ,
ɛ́ a Sore na kʋ̀ b' a yã-bãwfʋ yaga za.
27A yã-bãwfʋ nɩ a wulu a,
alɛ n'ɩ a Sore zɔba,
a ʋlɩ bom nɛ na mɩ́ pɛlɩ a ʋ pʋɔ a,
ʋlɛ n'ɩ a pùor-bɛ-lɛbrʋ
nɩ a bàalʋ bàalʋ ɩb.
28Ta tɛr bɛ-wonu a Sore zɔba pʋɔ ɩ,
ta waar a ʋ zie nɩ tɩɛrʋ na põ a ɩ.
29Ta tɛr libelibe a nɩbɛ zie ɩ,
ɛcɛ maal tɛr a fʋ nʋɔr.
30Ta zɛwr fʋ tʋɔra ɩ,
alɛ bɛ ɩ lɛ,
fʋ na lo na ƴãw fʋ tʋɔra vĩ,
ɛ́ a Sore na yuo nɩ a fʋ yel-sɔwlɩ wul.
Ʋ na ƴãw fʋ nɩ vĩ a lãw sɔgɔ,
fʋ na bɛ tɛr a ʋ zɔba,
ɛ́ a fʋ tɩɛrʋ ɩ ziri tɛwr'a.
La Bible en Dagara © Alliance Biblique du Burkina Faso, 2013.