Sɛb-sõw yielu 95
95
Sɛb-sõw yielu 95 (94) sob
Nyɩ wa tɩ lɔbr nʋ̃ɔ̀ cɛlsɩ a Sore ƴãw
1Nyɩ wa tɩ lɔbr nʋ̃ɔ̀ cɛlsɩ a Sore ƴãw!
Tɩ cáarɛ danɛ nɩ a tɩ Pìir, a tɩ faarɛ!
2Nyɩ ɩ tɩ ta a ʋ niŋé, nɩ barka puoru,
nyɩ ɩ tɩ cɛ yielu cɩlɛ danɛ nɩ ʋ.
3Bʋ̃ʋ n'ʋ vɛ̃, a Sore ɩ n Naaŋmɩn-kpɛ̃ɛ,
a Na-kpɛ̃ɛ na gãw a ŋmɩmɛ za a.
4A tẽsɔw bɔw-zulsɩ be n a ʋ nũú,
ʋlɛ so a tan nyɔ-ɓɩɩlɩ.
5Ʋlɛ mɩ̀ so a kʋ̃ɔ-kpɛ̃ɛ, ʋlɛ na n'ʋ maal'ʋ a,
ɛ́ mɩ̀ cãà so a tẽsɔw-kɔbr, a ʋ nuru n'a maal'ʋ.
6Nyɩ wa, nyɩ ɩ tɩ gũu zu, tɩ siwri tɩ tʋɔra,
tɩ lo gbĩ dume gũu tɩ tɔ tẽw a Sore na mɛ tɩ a niŋé.
7Ʋlɛ sɩrɩ n'ɩ a tɩ Naaŋmɩn, ɛ́ tɩ ɩ a nɩbɛ ʋ na kaarɛ a,
a píir ʋ na cɩ̃ɩnɛ a.
A dɩ̃a bibir a, nyɩ bɛrɛ wone a lɛ ʋ na yere a:
8«Nyɩ ta kpãa tobr mɛ̃ a lɛ
a nyɩ sãàkʋm-kore na tɩ ɩ a Meriba a ɩ,
mɛ̃ a lɛ bɛ na tɩ ɩ a Masa, a wɛja-kpalɛ pʋɔ a ɩ.
9Bɛ tɩ nyɛ̃ nɩ a ɩ̃ tome a be,
ɛ́ cãà ŋmãa mɛ̃ pùor, cãà ɩ m kaa.
10A nɩbɛ bɛ ŋa yele bàl mɛ̃ nɩ yaga
yome lɩz'a ayi, ɛ́ ɩ̃ yel:
Nɩ-bʋʋrɛ a tɩɛrʋ na bɔr a nɛbɛ,
bɛ bɛ bãw a ɩ̃ pʋ-tɩɛrʋ sɛ́ɛ ɩ.»
11Lɛ n'a ɩ̃ nyɛ̃ suur pɔ à ŋá:
«Bɛ kʋ̃ ta a ɩ̃ pɩ̃ɛnʋ zie ɩ.»
La Bible en Dagara © Alliance Biblique du Burkina Faso, 2013.