Sɛb-sõw yielu 89
89
Sɛb-sõw yielu 89 (88) sob
A lɛ a Sore na yel a Daviir zie, k'ʋʋ na ɩ na a, a ɩ n ŋmɩn?
1A Tẽ-bie Etan#89:1 Etan: A bʋ̃-ŋmɩɛrɩ nɩ a yiel-kaarɛ kãw tɩ n'ʋ, a nãà Daviir daar. Nyɛ̃ 1Bi-yel 15.17-19. yielu na wule yã a.
2Sore e, ɩ̃ na yiele nɩ a fʋ nɔ̃wfʋ yele kʋralɛ,
a ɩ̃ nʋɔr na manɛ nɩ a fʋ na ŋmɛ̃ fʋ ŋmɛ̃a a
yome yome za.
3Ɩ̃ yere nɩ à ŋá: A fʋ nɔ̃wfʋ be n be kʋralɛ,
a fʋ na ŋmɛ̃ fʋ ŋmɛ̃a a kpɛmɛ na gã a salom zu.
4Fʋ yel'ɩ à ŋá: «Ɩ̃ bin nɩ wõ-taa
mãa nɩ a ɩ̃ nɩ-kaa-íra cara pʋɔ,
a ɩ̃ tõ-tõ-bie Daviir'ʋ, ɩ̃ pɔ na yel ʋ:
5A fʋ pùorí a, a fʋ bʋʋrɛ kãw n'ʋ
na mɩ́ dɩ a naalʋ kʋralɛ.
À ŋá n'a ɩ̃ na mɛ a fʋ naalʋ-dà-kɔw
ʋ gã yome yome za.» Tɛw-àrʋ
6Sore e, a salom zu malkɩ mɩnɛ,
bɛ danɛ fʋ, a fʋ nɔ-ɓãa-yele fʋ na maalɛ a ƴãw,
a bɛ lãw, ʋ danɛ a fʋ na ŋmɛ̃ fʋ ŋmɛ̃a a.
7Ãa n'ʋ zɛ̃ taa nɩ a Sore a saa-zu?
A naaŋmɩmɛ pʋɔ a,
ãa n'ʋ na tʋ̃ɔ́ de ʋ tʋɔra manɛ nɩ ʋ?
8A malkɩ mɩnɛ lãw pʋɔ a,
a Naaŋmɩn bɛ tɛr dɩ̃ɛnʋ ɛ,
ʋ bɛ tɛr dɩ̃ɛnʋ a bɛlɩ dem za
na jil koli ʋ a zie ɩ.
9Sore Naaŋmɩn Kpɛnʋ-za-sob i,
ãa n'ʋ ŋmɛ̃ mɛ̃ a fʋ̃ʋ a?
Fãw nɩ fʋ na ŋmɛ̃ fʋ ŋmɛ̃a a viir'a koli fʋ.
10Fʋ̃ʋ n'ʋ mɩ́ tʋ̃ɔ́ a kʋ̃ɔ-kpɛ̃ɛ na mɩ́ ɩrɛ pɔ̀lʋ a,
ɛ́ mɩ́ ɩ a ʋ kʋ̃ɔ-mie na ìre dúor a, a lɛb gã zoom.
11Fʋ̃ʋ n'ʋ cɔ̀r a Arahab#89:11 Arahab: dʋ̃-bɩɛ kãw na ɩ a kʋ̃ɔ-kpɛ̃ɛ bãwfʋ a n'ʋ. kʋ, ɛ́ ƴɛ́r ʋ ŋmɛr,
ɛ́ diw a fʋ dɔ̃ dem yaarɩ nɩ kpãkpãw kpɛ̃w.
12Fʋ̃ʋ só a salom, ɛ́ mɩ̀ só a tẽw,
fʋ̃ʋ n'ʋ maalɩ a tẽ-daa nɩ a bome na paalɩ ʋ a.
13Fʋ̃ʋ n'ʋ ír a saa-pɛrɩ́-gʋba-lowr
nɩ a saa-pɛrí-dʋrʋ-lowr.
A Tabɔɔr nɩ a Hɛrmɔ̃ tan wa wõ a fʋ yúor a,
a mɩ́ ŋmɩɛr'ɩ nʋ̃ɔ̀ cɛlsɩ.
14A fʋ kpãkpãw kpɛmɛ nɩ yaga,
a fʋ nũu kpɛmɛ na, a fʋ dʋrʋ nũu zɛw na.
15A mɩnʋ nɩ a yel-na-tu-sɔr-a,
alɛ n'a fʋ dɩrɛ nɩ a naalʋ.
Nɔ̃wfʋ nɩ yel-mɩŋa mɩ́ de b'ɩ niwn.
16Zu-nʋ̃ɔ̀ dem'ɩ a bɛlɩ dem na bãw
a nʋ̃ɔ̀ cáarʋ cáarɛ a fʋ ƴãw a, Sore e,
a fʋ niwn cãà caalɛ bɛ na bɛ cere.
17Bɛlɛ wa wõ a fʋ yúor a,
nʋ̃ɔ̀ mɩ́ ɩrɛ bɛ na bɛ ƴawr bibie za.
A fʋ mɩnʋ zũú n'a bɛ mɩ́ zɛwr bɛ tʋɔra.
18Fʋ̃ʋ sɩrɩ n'ɩ a bɛ vɩɛlʋ nɩ a bɛ fãw.
A fʋ nɔ̃wfʋ zũú n'a tɩ mɩ́ zɛw a zu.
19Fʋ̃ʋ só a tɩ gùre, Sore e,
Ɩsɩrayɛl Naaŋmɩn na ɩ sõw a, fʋ̃ʋ só a tɩ nãà.
20Fʋ tɩ wul'ɩ fʋ tʋɔra bibir kãw a fʋ bárɩ zie,
ɛ́ ƴɛ̀r à ŋá a bɛ zie: «Ɩ̃ sõw nɩ gãdaa kãw,
ɩ̃ dáa nɩ a ɩ̃ nɩ-bʋʋrɛ pɔlbile kãw ƴãw niŋé.
21Ɩ̃ nyɛ̃ nɩ a ɩ̃ tõ-tõ-bie Daviir,
ɩ̃ cir'ɩ a ɩ̃ kãá-sõw ƴãw a ʋ zũú.
22A ɩ̃ nũu na tɩɛ ʋ nɩ kpɛ̃w kpɛ̃w,
ɛ́ a ɩ̃ kpãkpãw ɩ k'ʋ kpɛmɛ.
23A dɔ̃ sob kʋ̃ tʋ̃ɔ́ bɛlɩ ʋ nyɔw ɛ,
a nɩ-faa kʋ̃ tʋ̃ɔ́ ɩ k'ʋ nyɛ̃ vĩ ɛ.
24Ɩ̃ na kʋ n a ʋ dɔ̃ dem a ʋ niŋé,
ɩ̃ na pɔb'ɩ a ʋ bɛ-nɔnbɛ.
25A ɩ̃ yel-mɩŋa nɩ a ɩ̃ nɔ̃wfʋ na be n a ʋ zie,
ɛ́ mãa n'ʋ na so ʋ mɩ́ zɛw a zu.
26Ɩ̃ na ɩ na ʋ dɩrɛ naalʋ
a kʋ̃ɔ-kpɛ̃ɛ zu nɩ a mamɛ zu.
27Ʋ na mɩ́ yel mɛ̃ na:
“Fʋ ɩ n ɩ̃ Sãà, fʋ ɩ n ɩ̃ Naaŋmɩn,
a pì-kpɛ̃w na faarɛ mɛ̃ a!”
28Ɛ́ mãa a, ɩ̃ na ɩ na ʋ ɩ a ɩ̃ bidɛb-kpɛ̃ɛ,
a ʋl na do gãw a tẽw zu na-mɩnɛ a.
29Ɩ̃ na nɔnɛ ʋ nɩ kʋralɛ,
ɩ̃ na tu n a ɩ̃ wõ-taa ɩ̃ na maal'ɩ ʋ a pùor vla.
30Ɩ̃ na ɩ na a ʋ bʋʋrɛ kãw dɩrɛ naalʋ kʋralɛ,
ɛ́ a ʋ naalʋ na cɛlɩ na mɛ̃ a salom a.
31A ʋ bibiir wa zawrɩ a ɩ̃ wulu bɛr a,
bɛlɛ bɛ mɩ́ wa tu a lɛ ɩ̃ na mɩ́ yel a,
32bɛlɛ wa gãwnɛ a ɩ̃ nʋɔr a,
bɛlɛ bɛ wa sàwr a ɩ̃ nɛ-ƴãwnɩ a,
33dabɔl'ʋ ɩ̃ na de kpãa nɩ bɛ a bɛ nʋɔr-zawrʋ ƴãw,
ŋmɛb'a ɩ̃ na ŋmɛ bɛ wul a bɛ sãwna.
34Ɛcɛ ɩ̃ na cãà na tɛr a ɩ̃ nɔ̃wfʋ a bɛ zie,
a ɩ̃ na ŋmɛ̃ ɩ̃ ŋmɛ̃a a bɛ ɩrɛ ziri ɛ.
35Ɩ̃ kʋ̃ sãw a ɩ̃ wõ-taa bɛr ɛ,
a lɛ ɩ̃ na yel a, ɩ̃ bɛ lɩɛbɛ bɛrɛ ɩ.
36Mãa na ɩ sõw a, daƴen n'a ɩ̃ pɔ à ŋá:
ɩ̃ kʋ̃ ŋmãa ziri towtow kʋ̀ a Daviir ɛ.
37A ʋ bʋʋrɛ na be n be kʋralɛ,
a ʋ naalʋ-dɩb na cɛlɩ nɩ a ɩ̃ niŋé mɛ̃ a mʋ̃tɔ̃w a.
38Ʋ na cɛlɩ na mɛ̃ a cuw na be be kʋralɛ,
ɩ dãsɩ-dɩrɛ na bɛ ŋmarɛ ziri be a salom zu a.» Tɛw-àrʋ
39Ɛcɛ fʋ jɛ n a nãà fʋ na kaa ír a bɛr,
fʋ bɛ ŋmɛlɩ kaa ʋ ɛ, fʋ nyɛ̃ nɩ ʋ nɩ suur.
40A wõ-taa fʋ na tɩ maal'ɩ a fʋ tõ-tõ-bie a,
fʋ zawr'ʋ na bɛr,
fʋ lɔb'ɩ a ʋ naalʋ-kpawʋɔ bɛr tẽw, dɛw ʋ bɛr.
41Fʋ ŋmɛ n a dacine na viiri koli ʋ a lɔb,
fʋ ɩ na a ʋ zɛbr-yir-kpɛn lo.
42A sɔr-tɔlbɛ za fá ʋ na,
ɛ́ a ʋ sɩman dem tʋ ʋ zʋmɛ.
43Fʋ ɩ na a ʋ dɔ̃ dem zɛb tʋ̃ɔ́ ʋ,
fʋ ɩ na nʋ̃ɔ̀ kpɛ a ʋ bɛ-nɔnbɛ za.
44Fʋ ɩ n a ʋ zɛbr-sɔ-kpɛ̃ɛ nʋɔr ʋ gbe,
ɛ́ fʋ bɛ tɩɛ ʋ tɛr a zɛbr pʋɔ ɩ.
45Fʋ ɩ na a ʋ vɩɛlʋ baarɩ,
ɛ́ dáa a ʋ naalʋ-dà-kɔw lɔb.
46Fʋ ɩ na ʋ pʋ̃ɔ kor,
fʋ ƴãw ʋ nɩ vĩ. Tɛw-àrʋ
47Debor'a a na tɩ ta, Sore e?
Fʋ na sɔwlɛ nɩ fʋ tʋɔra kʋralɛ,
ɛ́ a fʋ suur 'lere mɛ̃ vũu a bɩɩ?
48Bãwnɩ a: a ɩ̃ nyɔ-vʋʋrʋ ɩ n ŋmãalɛ,
fʋ ír'ɩ a nɩsaalbɛ
k'aa bɛ kũu dɛ mɩ́ ɩ a za n'a bɩɩ?
49Ãa n'ʋ na vʋʋrɛ kʋralɛ kʋ̃ kpi?
Ãa n'ʋ kʋ̃ cen a nyãakpɩmɛ tẽw? Tɛw-àrʋ
50Sore e, a fʋ koro za yel-maalɩ wa?
A al fʋ̃ʋ na ŋmɛ̃ fʋ ŋmɛ̃a a
na tɩ pɔ yel a Daviir zie a?
51Sore e, bãwnɩ a fʋ tõ-tõ-biir bɛ na tʋʋr a,
a nɩ-bʋʋrɛ bɛ ŋa za fʋ na kʋ̀ m k'ɩ̃ɩ kaarɛ a.
52Sore e, a fʋ dɔ̃ dem tʋ n a nãà fʋ na kaa ír a,
ʋ cere na ɛ́ bɛ tʋʋr.
53A Sore so barka puoru kʋralɛ!
Amɛn! Lɛb maal Amɛn!
La Bible en Dagara © Alliance Biblique du Burkina Faso, 2013.