Sɛb-sõw yielu 87
87
Sɛb-sõw yielu 87 (86) sob
A Sɩyɔ̃ na ɩ a nɩ-bʋʋrɛ za tẽ-kpɛ̃ɛ a
1Koore bibiir yielu. Sɛb-sõw yielu. Yielu.
A Sore mɛ n a Zerizalɛm a tan-son zu.
2Ʋ nɔnɛ nɩ a Sɩyɔ̃
gãw a Zakɔb tẽw tẽ-bɛrɛ za.
3Naaŋmɩn tẽ-kpɛ̃ɛ ɛ,
yel-vɩɛlɩ n'a ʋ manɛ a fʋ ƴãw: Tɛw-àrʋ
4«A nɩbɛ na bãw mɛ̃ a pʋɔ a,
ɩ̃ pore nɩ Eziptɩ nɩ Babɩlɔn, Filisɩti,
Tɩ́ɩ̀r nɩ Etiopi ten dem yúor.
A ten á ŋá pʋɔ n'a bɛ dɔw.
5Ɛcɛ a Sɩyɔ̃ ƴãw a, a fɛr'a kɛ́ bɛ mɩ́ yel:
Nɩsaal za dɔw nɩ a ʋ pʋɔ.
A Naaŋmɩn-na-do-saa-bɛ-pɩɛl-a mɩŋa n'ʋ mɛ ʋ.»
6A Sore sɔrɛ nɩ a nɩ-bʋʋrɛ ɛ́ sɛbr yere:
«Ka n'a bón dɔw.» Tɛw-àrʋ
7Naaŋmɩn tẽ-kpɛ̃ɛ ɛ,
a nɩbɛ ƴawr'a ɛ́ yiele yere nɩ:
«Fʋ pʋɔ n'a a tɩ nʋ̃ɔ̀ za be.»
La Bible en Dagara © Alliance Biblique du Burkina Faso, 2013.