Sɛb-sõw yielu 53
53
Sɛb-sõw yielu 53 (52) sob
(Nyɛ̃ Ssy 14 sob)
A nɩr na yel kɛ́ Naaŋmɩn bɛ ka a
1A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Ʋ yiele na mɛ̃ nɩbaal-yielu a. Daviir yielu na wule yã a.
2A dãbole mɩ́ tɩɛrɛ nɩ bɛ pʋɔ yere:
«Naaŋmɩn bɛ ka ɩ!»
Bɛ sãw nɩ bɛ za, a bɛ ɩ-ɩrɩ bɛ maal'ɩ wob ɛ,
been kãw za bɛ ɩrɛ vla ɩ.
3A Naaŋmɩn be n a salom zu,
ɛ́ vuoli k'ʋʋ jɩ́r a nɩsaalbɛ kaa,
k'ʋʋ nyɛ̃, yã-bãwnɛ wa be be bɔbr ʋ a.
4Bɛ za bɛr'ɩ a sɔ́r, bɛ za lãw na fà.
Kãw za bɛ ɩrɛ vla ɩ,
ʋ bɛ ka be ɩ been mɩ̀ ɛ.
5A Naaŋmɩn yere na:
«Bɛ sɩrɩ bɛ bãw bom za ɩ,
a yel-fa-maalbɛ bɛ ŋa za na nɛbr a ɩ̃ nɩbɛ
dɩrɛ nɩ a bɛ bʋ̃-dɩrɩ, ɛ́ bɛ lɩɛbɛ kaar mɛ̃ towtow a!»
6Bɛlɛ n'ɩ bɛ ŋan dɛ̃bɩ̃ɛ nyɔw, bɛ màwr,
ɛ́ dɛ̃bɩ̃ɛ yel bɛ ka be ɩ.
Bʋ̃ʋ n'ʋ vɛ̃, a bɛlɩ dem na wa ŋmãa jil fʋ a zɛbr ƴãw a,
Naaŋmɩn yaar'ɩ a bɛ kɔbɛ pàw a ziir.
Fʋ ƴãw bɛ nɩ vĩ, Naaŋmɩn na zawrɩ bɛ bɛr a ƴãw.
7Ãa n'ʋ na be a Sɩyɔ̃, ɛ́ kʋ̀ a Ɩsɩrayɛl a faafʋ?
A Naaŋmɩn wa lɛb maalɩ a ʋ nɩbɛ yele ƴãw a,
a Zakɔb bʋʋrɛ na cɩlɛ na, nʋ̃ɔ̀ na ɩrɛ nɩ a Ɩsɩrayɛl.
La Bible en Dagara © Alliance Biblique du Burkina Faso, 2013.