Sɛb-sõw yielu 52
52
Sɛb-sõw yielu 52 (51) sob
A nɩr na ɩrɛ ƴãwn a ʋ tɛra ƴãw a
1Yiel-yielbɛ nɩ-kpɛ̃ɛ sɛbɛ pʋɔ yielu. Daviir yielu kãw na wule yã a. 2A Edɔm tẽw Dowɛgɩ na tɩ cen tɩ yel kʋ̀ a Sawul, k'aa Daviir cen nɩ a Ahimelɛkɩ zie a yele n'a.
3Gãda-faa a, bʋnʋ ƴãw n'a fʋ pɔrɛ
a ɩ-faar fʋ na ɩrɛ a ƴãw?
Bibie za n'a a Naaŋmɩn nɔ̃wfʋ ɩb be be.
4Fʋ mɩ́ bɔbr'ɩ yã a ɩ-faar maalʋ ƴãw bibie za,
a fʋ zɛl dɩrɛ na man bʋra,
5ɛ́ fʋ tone gɛgɛ-tome,
ɛ́ nɔnɛ a ziri gãw a yel-mɩŋa. Tɛw-àrʋ
6Fʋ nɔnɛ na kɛ́ fʋ mɩ́ ƴɛ̀r sãw yel za bɛr,
a fʋ ƴɛ̀rʋ za mɩ́ ɩ n bɛ̀lʋ.
7Ɛcɛ Naaŋmɩn na ŋmɛ b'a bin a baarɩ,
ʋ na nyɔw fʋ na fɩɩrɩ gẽgẽ, vɩr yi n a fʋ yir pʋɔ,
ʋ na ír fʋ nɩ a nɩ-vʋʋrɩ tẽw pʋɔ! Tɛw-àrʋ
8A nɩ-mɩn na nyɛ̃ na, zɔrɛ dɛ̃bɩ̃ɛ,
bɛ na laar ʋ na yere nɩ:
9«Nyɛ̃ a nɩr ŋa na bɛ tɩ de a Naaŋmɩn
ʋ ɩ a ʋ taw-lanʋ zie a,
ɛ́ tɩ ƴãw a ʋ tɩɛrʋ a ʋ na-bʋ̃-yaga ƴãw a,
ɛ́ ɩrɛ ƴãwn a ʋ tɛra ƴãw a!»
10Ɛcɛ mãa ɩ na mɛ̃ olivʋ tɩɛ na tɛr váar
a Naaŋmɩn yir pʋɔ a.
a Naaŋmɩn nɔ̃wfʋ n'ʋ ɩ̃ tɩɛrɛ kʋralɛ.
11Ɩ̃ na puore fʋ nɩ yãanɩ kʋralɛ
a fʋ yel-maalɩ za ƴãw.
Ɩ̃ na pore nɩ a fʋ yúor yo-vla a fʋ nɩbɛ niŋé.
La Bible en Dagara © Alliance Biblique du Burkina Faso, 2013.