Sɛb-sõw yielu 41
41
Sɛb-sõw yielu 41 (40) sob
Bàal bɛ na jɛ bɛr a puoru
1Yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Sɛb-sõw yielu Daviir na maalɩ a n'ʋ.
2Zu-nʋ̃ɔ̀ sob'ɩ sob nɛ na mɩ́ tɛr a bãbàal tɩɛrʋ a!
A bibi-faa na mɩ́ wa vɩɛ a, a Sore mɩ́ faa ʋ na.
3A Sore mɩ́ bɛr ʋ na ʋ vʋʋrɛ,
ɛ́ ɩ k'ʋ nyɛrɛ nʋ̃ɔ̀ a tẽw zu,
ʋ bɛ mɩ́ sàw ʋ lo a ʋ dɔ̃ dem nuru pʋɔ ɩ.
4A na mɩ́ wone ʋ a ʋ bʋ̃-gana zu a,
a Sore mɩ́ sõwne ʋ na,
ʋ na mɩ́ kaarɛ a ʋ zie a ʋ bàalʋ pʋɔ a ƴãw.
5Mãa ƴãw a, ɩ̃ yel'ɩ a Sore:
«Sore e, zɔ ɩ̃ nɩbaalʋ ɛ́ sanɩ mɛ̃,
bʋ̃ʋ n'ʋ vɛ̃, ɩ̃ sãw fʋ na.»
6A ɩ̃ dɔ̃ dem ƴɛ̀rɛ nɩ po-to-ƴɛ̀rʋ a ɩ̃ ƴãw yere:
«Debor'a ʋ na kpi mɔ̃, a ʋ yúor ta cãà pore?»
7Nɩr wa wa a ɩ̃ nyɛ́b a, ƴɛ̀r-zawlɛ n'a ʋ mɩ́ ƴɛ̀rɛ,
ɛ́ a ʋ pʋɔ paalɩ a faa tɛwr.
Ɛ́ ʋlɛ wa yire wa báarɛ a, ʋ manɛ na gʋɔr'ɩ.
8A ɩ̃ bɛ-nɔnbɛ ɓã n taa 'hũ'hune a ɩ̃ ƴãw,
bɛ bãwnɛ nɩ a faa na ta m a yere nɩ:
9«Yel-faa na bɛ tɛr ɩb a n'ʋ páw ʋ,
ʋ na gã à ŋá a, ʋ bɛ lɛb ìre ɩ.»
10A ɩ̃ bá-tuo tɔr za, a ʋl ƴãw ɩ̃ na ƴãw a ɩ̃ tɩɛrʋ,
ɛ́ mãa nɩ ʋl lãw dɩrɛ a, ʋ lɩɛb'ɩ a ɩ̃ dɔ̃ sob.
11Ɛcɛ fʋ̃ʋ a, Sore e, zɔ ɩ̃ nɩbaalʋ
ɛ́ nyɔw mɛ̃ ɩ̃ lɛb ìr,
ɩ̃ɩ na yáa nɩ a san a bɛ zu.
12À ŋá n'a ɩ̃ na bãw kɛ́ fʋ de nɩ a ɩ̃ yele:
a ɩ̃ dɔ̃ sob bɛ wa tʋ̃ɔ́ mɛ̃ a.
13Fʋ tɩɛ mɛ̃ na tɛr, ɩ̃ za na n'ɩ ŋan a,
ɛ́ fʋ na ɩ na k'ɩ̃ be a fʋ niŋé kʋralɛ.
*
14A Sore, a Ɩsɩrayɛl Naaŋmɩn, tɛr'ɩ puoru,
a dɩta-pɛ-yome za nɩ kʋralɛ!
Amɛn, lɛb maal Amɛn!
La Bible en Dagara © Alliance Biblique du Burkina Faso, 2013.