Zʋkpaɩ 2
2
A Yã-bãwfʋ ɩ n na-bom na sɔwlɩ a
1Ɩ̃ bie e, sàwr a ɩ̃ ƴɛ̀rʋ, tuur a ɩ̃ nɛ-ƴãwnɩ.
2Bɛrɛ wone a yã-bãwfʋ wulu vla,
ƴãw fãw bɔbr kɛ́ fʋ bãw a pɛr.
3Sɩza, zɛlɛ a yã k'ʋʋ sõw fʋ,
bʋɔlɛ a tɩ́ɛrʋ a fʋ sõwfʋ ƴãw.
4Bɔbr a mɛ̃ a libir a,
mɛ̃ na-bom na sɔwlɩ a#2:4 Nyɛ̃ 3.14-16, 8.11, Zɔb 28.12-19, Sɩr 7.11, 9.16-18..
5Lɛ n'a fʋ na bãw a Sore zɔba,
lɛ n'a fʋ na tʋ̃ɔ́ bãw a Naaŋmɩn.
6Bʋ̃ʋ n'ʋ vɛ̃, a Sore n'ʋ mɩ́ tɩr a yã-bãwfʋ,
ʋl zie n'a a bãwfʋ nɩ a tɩ́ɛrʋ yire#2:6 Nyɛ̃ Sɩr 2.26..
7Ʋ mɩ́ sõw nɩ a nɩsaal-dẽdẽ mɩnɛ.
Ʋ ɩ na mɛ̃ zɛbr-kur-pãgala a,
a bɛlɩ dem na ɩrɛ vla a zie.
8Ʋ mɩ́ sõw nɩ a bɛlɩ dem a ɩb na tu sɔ́r a,
ʋ mɩ́ gù n a bɛlɩ dem na tuur ʋ bɛ lɛbr pùor a.
9Fʋ̃ʋ wa bɛrɛ wone mɛ̃ a,
fʋ na bãw na k'aa mɩnʋ, a ɩb na sɛw taa nɩ a,
nɩ a ɩb na tori a, alɛ n'ɩ a nʋ̃ɔ̀ sɔ́r.
10A yã-bãwfʋ na kpɛ n a fʋ socir pʋɔ
ɛ́ a bãwfʋ ƴãw fʋ a nʋ̃ɔ̀.
11A maal-ɩb na piw fʋ na tɛr, ɛ́ a yã gù b.
12A kʋ̃ sàw fʋ maalɩ faa ɩ,
a na ɩ na fʋ zãá nɩ a zir-ŋmarbɛ
13nɩ a bɛlɩ dem na bɛrɛ a sɔr-dẽdẽ,
ɛ́ tuur a sɛ́ɛ na liw a.
14A faa maalʋ mɩ́ ɩrɛ nɩ a nɩbɛ bɛ ŋa nʋ̃ɔ̀,
bɛ mɩ́ cɩlɛ nɩ a bɛ ɩ-faar maalʋ pʋɔ.
15Bɛ bɛ tɛr yel-mɩŋa ɩ
ɛ́ a bɛ nyɔ-vʋʋrʋ bɛ tori ɛ.
16À ŋá n'a fʋ na taw zãá nɩ a nɩ-yũo pɔw,
nɩ pɔw fʋ na bɛ bãw a nɔ-kãá.
17Ʋ zawr'ɩ a ʋ pɔ̀lʋ daarɩ́ sɛn bɛr
ɛ́ zawrɩ a ʋ Naaŋmɩn wõ-taa bɛr#2:17 Nyɛ̃ Mal 2.14-16..
18A ʋ cenu wɩɛr'ɩ ʋ nɩ a kũu zie
ɛ́ a ʋ ɩ-ɩrɩ ɩ k'ʋ siwr a nyãakpɩmɛ tẽw.
19Sob nɛ za na cere a ʋ yir a bɛ lɛbr waar ɛ,
ʋ bɛ mɩ́ lɛb nyɛ̃ a nyɔ-vʋʋrʋ sɔ́r ɛ.
20A na ɩ lɛ a, de a nɩ-vɩɛlɩ sɔ́r,
cɔwrɛ a bɛlɩ dem na ɩrɛ vla a.
21Bʋ̃ʋ n'ʋ vɛ̃, a nɩ-dẽdẽ mɩnɛ
na kpɩɛr'ɩ a tẽw ŋa pʋɔ,
a nɩ-vɩɛlɩ nɛbɛ na zɩ̃ a ʋ pʋɔ.
22Ɛcɛ, bɛ na ír'ɩ a nɩ-faar bɛr a tẽw pʋɔ,
ɛ́ diw a nɩsaal-libelibe bɛr.
La Bible en Dagara © Alliance Biblique du Burkina Faso, 2013.