Sɔr-nɛ́ɛ 36
36
A pɔwbɛ na mɩ́ dɩ a gbãw a kul-taa yele
1Zuzɛb bʋʋrɛ nɩbɛ bɛ mɩnɛ, na ɩ a Galaadɩ dɔwlʋ yie nɩ-bɛrɛ ɛ́ ɩ Makɩɩr bidɛbr nɩ Manase yan a, tɩ wa na wa páw a Moyiir nɩ a Ɩsɩrayɛl nɩbɛ dɔwlʋ nɩ-bɛrɛ. 2Bɛ tɩ yel'a: «Moyiir i, a lɛ a Sore na tɩ yel kɛ́ fʋ ŋmɛ a gbãw põ a tẽw a Ɩsɩrayɛl nɩbɛ dɔwlʋ a, ʋ mɩ̀ tɩ yel'a kɛ́ fʋ kʋ̀ a tɩ yɛb Selofeadɩ tẽsɔwr a ʋ pɔwyaar#36:2 Nyɛ̃ 27.1-11.. 3Ɛcɛ bɛlɛ wa ɩ mɛ̃ bɛ kul'ɩ dɔwlʋ yũo nɩbɛ a, a bɛ tẽsɔwr na ŋmãa nɩ a tɩ dɔwlʋ dem pʋɔ, cen tɩ ƴãw a bɛ dɔwl-paala dem pʋɔ. A lɛ pʋɔ a, a tɩ tẽsɔwr bɛ na ŋmɛ a gbãw ír kʋ̀ tɩ a kʋ̃ cãà zɛ̃ a zɛ̃a ɩ. 4Lɛb waar mɩ̀, a Pʋ-pɩɛlʋ#36:4 Pʋ-pɩɛlʋ Yũon: Yome lɩz'a ayi nɩ pie sob za mɩ́ tɩ ɩ n Pʋ-pɩɛlʋ yũon a Ɩsɩrayɛl nɩbɛ zie. Bɛ bɛ kʋ́ɔr a póru a ʋlɩ yũon nɛ ɩ, ɛ́ a nɩbɛ mɩ̀ mɩ́ lɛb páw a bɛ ziir nɩ-yoru na de a bɛ samɛ zũú a. Nyɛ̃ Lev 25:8-54. yũon wa ta a, a bɛ tẽsɔwr na ɩ n a bɛ dɔwl-paala sób a baarɩ.»
5A lɛ n'a a Sore tɩ ƴãw a Moyiir ƴãw a nɛ́ɛ á ŋá kʋ̀ a Ɩsɩrayɛl nɩbɛ: «A Zuzɛb bʋʋrɛ nɩbɛ bɛ ŋa tɛr'ɩ yel-mɩŋa. 6A na ɩ à ŋá a, nyɛ̃ a lɛ a Sore na yere a Selofeadɩ pɔwyaar ƴãw a: Bɛ na tʋ̃ɔ́ na kul sob nɛ bɛ na bɔbr a, ɛcɛ a ɩ a bɛ sãà yir dɔwlʋ nɩr kãw. 7À à ŋá n'a a Ɩsɩrayɛl nɩbɛ tẽsɔwr kʋ̃ mɩ́ ɩ dɔwlʋ ŋa sób, lɛb wa ɩ dɔwlʋ ŋa sób ɛ. Ɩsɩrayɛl nɩr za na mɩ́ ƴãw nɩ fãw tɛr a tẽsɔwr bɛ na kʋ̀ a ʋ dɔwlʋ a. 8A dɔwlʋ kãw pʋɔ pɔw wa dɩ gbãw so tẽsɔwr a, a fɛr'a k'ʋʋ kul nɩr na ɩ a ʋ sãà dɔwlʋ nɩr a, a Ɩsɩrayɛl dɔwlʋ za mɩ́ tʋ̃ɔ́ tɛr a tẽsɔwr a ʋ sãàkʋm-kore na kʋ̀ ʋ a. 9À ŋá n'a a tẽsɔwr kʋ̃ mɩ́ ɩ dɔwlʋ ŋa sób, lɛb wa ɩ dɔwlʋ ŋa sób ɛ. Ɩsɩrayɛl dɔwlʋ za na mɩ́ ƴãw nɩ fãw tɛr a ʋ tẽsɔwr.»
10A Selofeadɩ pɔwyaar tɩ ɩ n a lɛ a Sore na yel kʋ̀ a Moyiir a. 11A Mala, Tɩrsa, Hogɩla, Mɩlka nɩ Nowa tɩ kul'ɩ a bɛ sãà yɛbr bidɛbr, 12nɩbɛ na ɩ a Zuzɛb bidɛb Manase bʋʋrɛ a. A na ɩ à ŋá a, a tẽsɔwr bɛ na tɩ dɩ a gbãw de a tɩ cãà na be a bɛ sãà dɔwlʋ tẽsɔwr pʋɔ.
13A nɛ-ƴãwnɩ nɩ a tub n'ɩ à á ŋá a Sore na tɩ kʋ̀ a Ɩsɩrayɛl nɩbɛ a. Moyiir'ʋ ʋ tɩ tu kʋ̀ bɛ, a Mowab tɩ̃talɛ pʋɔ, a Zurdɛ̃ man nʋɔr, tori a Zeriko.
Currently Selected:
Sɔr-nɛ́ɛ 36: DBDC
Highlight
Share
Compare
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
