Sɔr-nɛ́ɛ 25
25
A Ɩsɩrayɛl nɩbɛ tu n tɩbɛ pùor Pewɔɔr tẽw pʋɔ
1A Ɩsɩrayɛl nɩbɛ tɩ zɩ̃ n Sitim. A be a, bɛ tɩ bʋnɩ na ɩrɛ nɩ a Mowab tẽw pɔwbɛ. 2A pɔwbɛ bɛ ŋa tɩ bʋɔl'ɩ a Ɩsɩrayɛl nɩbɛ a bɛ ŋmɩmɛ bàwr maalʋ zie, bɛ tɩ dɩ a bàwr-maal-bome, ɛ́ puori a bɛ ŋmɩmɛ. 3Baa zuo a za, bɛ tɩ tu n a Pewɔɔr ŋmɩn Báàl pùor, ƴãw a Sore suur ìr a bɛ ƴãw. 4A Sore tɩ yel'ɩ a Moyiir à ŋá: «Nyɔw a Ɩsɩrayɛl nɩ-bɛrɛ za ƴãw bɛ yawlɩ bɛ a ɩ̃ niŋé tori nɩ a mʋ̃tɔ̃w. Lɛ n'a a suur ɩ̃ na nyɛ̃ nɩ nyɩ yaga za a na ɓãá.» 5A Moyiir tɩ yel'ɩ a Ɩsɩrayɛl nɩbɛ ƴɛ̀r-dɩrbɛ à ŋá: «Ŋa za a nyɩ pʋɔ, ʋ kʋ a ʋ nɩbɛ bɛl na tu a Pewɔɔr Báàl pùor a!»
6Ɩsɩrayɛl nɩr kãw tɩ ta n a ʋ nɩbɛ zie, a pɛr nɛ pʋɔ, tɛr Madian tẽw pɔw. A Moyiir nɩ a Ɩsɩrayɛl nɩbɛ lãw za na tɩ ɓã taa a tuor-taa pɛn-sɛw dɩ̃dɔr nʋɔr kone a tɩ nyɛ̃ bɛ na. 7Lɛ n'a Pɩnasɩ na ɩ bàwr-maalɛ ɛ́ ɩ Eleazaar bidɛb nɩ Aarɔ̃ yãw a tɩ ìr a lãw nɩbɛ sɔgɔ ɓáw kafin. 8Ʋ tɩ tu n a nɩr ʋl na tɩ tɛr a Madian tẽw pɔw kpɩɛr'ɩ a pɛn-sɛw pʋɔ a, tɩ cɔ̀r bɛ a pee ƴãw, kʋ bɛ za ayi. A bʋ̃-faa ʋl na tɩ lo a Ɩsɩrayɛl nɩbɛ zu a tɩ baar'ɩ daadaalɛ. 9Ɛcɛ a bʋ̃-faa ŋa tɩ kʋ n nɩbɛ tùr-lɩzɛr'ɩ anaar (24 000) baarɩ.
10A Sore tɩ yel'ɩ a Moyiir à ŋá: 11«A Pɩnasɩ na ɩ a bàwr-maalɛ ɛ́ ɩ Eleazaar bidɛb nɩ a Aarɔ̃ yãw a ɩ na ɩ̃ bɛ cãà tɛr'ɩ a Ɩsɩrayɛl nɩbɛ suur ɛ. Bʋ̃ʋ n'ʋ vɛ̃, ʋ bɛ tɛr mimi-baalʋ a bɛ zie mɛ̃ a mãa a ɩ. Alɛ n'a so ɩ̃ bɛ kʋ bɛ pàw pɛr ɛ, a na saa ɩ fɛrʋ a bɛ zie k'aa ɩ̃ yõ ɩ a bɛ Naaŋmɩn a. 12A lɛ pʋɔ a, tɩ yel kʋ̀ ʋ k'ɩ̃ɩ maalɛ nɩ ʋ nɩ wõ-taa na waar'ɩ ƴã-ɓaarʋ a. 13A wõ-taa ŋa na ɩ n ʋlɛ nɩ a ʋ bʋʋrɛ ƴãw, ʋʋ na ɩ na bɛ ɩ bàwr-maalbɛ kʋralɛ. Bʋ̃ʋ n'ʋ vɛ̃, ʋ wul'a ʋ na tu a mãa ʋ Naaŋmɩn yõ tẽtẽ pùor, ɛ́ páw a yel-bebe suur-dɩ-kʋ̀b kʋ̀ a Ɩsɩrayɛl nɩbɛ a.»
14A Ɩsɩrayɛl nɩr ʋl bɛ na tɩ kʋ lãwnɩ a Madian tẽw pɔw a yúor tɩ dɩ na kɛ́ Zimiri na ɩ Salu bidɛb a. Sɩmɩ̃ɔ dɔwlʋ nɩ-kpɛ̃ɛ kãw tɩ n'ʋ. 15A Madian tẽw pɔw ʋl tɩ dɩ na kɛ́ Kozibi na ɩ Suur pɔwyaa a. A Suur ŋa tɩ ɩ n yie yaga nɩ-kpɛ̃ɛ a Madian dɔwlʋ kãw pʋɔ. 16A Sore tɩ yel'ɩ a Moyiir à ŋá: 17«Nyɩ zɛb'ɩ a Madian tẽw dem, kʋ bɛ pàw pɛr! 18Bʋ̃ʋ n'ʋ vɛ̃, a Pewɔɔr yel pʋɔ nɩ a Kozibi yel pʋɔ a, bɛ maal'ɩ yã ŋmãa nɩ nyɩ zɛbr. A Kozibi tɩ ɩ n a bɛ yeepuule, a Madian nɩ-kpɛ̃ɛ kãw pɔwyaa, bɛ na tɩ kʋ a ʋlɩ bibir nɛ a bʋ̃-faa na tɩ ta a Pewɔɔr a.»
A Ɩsɩrayɛl dɔwlʋ sɔ́rʋ ayi sob
19A bʋ̃-faa ŋa pùorí a,
Currently Selected:
Sɔr-nɛ́ɛ 25: DBDC
Highlight
Share
Compare
Copy
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
