Zeremi 6
6
Dɔwr-kpɛ̃ɛ jɩɛrɛ nɩ a Zerizalɛm
1Bɛ̃zamɛ dɔwlʋ nɩbɛ ɛ,
nyɩ yi a Zerizalɛm tẽw pʋɔ,
nyɩ cen tɩ bɔ sɔwlʋ zie zi-yoru.
Nyɩ pɛblɩ a ɩɩl a Tekowa tẽw pʋɔ,
nyɩ zɛw bãwfʋ a Bɛtɩ-kerɛm,
bʋ̃ʋ n'ʋ vɛ̃, faa yi n
a saa-pɛrɩ́-gʋba-lowr#6:1: Nyɛ̃ 1.14 nɩ a manʋ. jɩɛrɛ nyɩ,
Ʋ na ɩ n kpɩɛrʋ kpɛ̃ɛ.
2A Sɩyɔ̃ na vɩɛl vɩɛl a,
n'ɩ ŋa sãw ʋ za.
3Nɩbɛ waar'ɩ a ʋ zie mɛ̃ dʋ̃-cɩ̃ɩnbɛ
nɩ a bɛ dʋn a.
A ʋ ƴãw n'a bɛ maalɛ a bɛ pɛnɛ-sɛwr
jile kole ʋ.
Ŋa za mɩ́ so nɩ a ʋ zie.
4Bɛ cɩɩrɛ na yere:
«Nyɩ ír! Nyɩ cɔbrɩ a zɛbr!
Nyɩ ɩ tɩ zɛb'ɩ a Zerizalɛm mʋ̃tɔ̃-tuo!
We ãi! A mʋ̃tɔ̃w gɔ̃wnɛ na,
a zaanʋɔra ɓaarʋ lɩɛbɛ na.
5Nyɩ ɩ tɩ zɛb'ɩ ʋ tɩ̃ɩsɔw!
Tɩ ŋmɛr a ʋ yir-vɩɛlɩ vɩɛlɩ bɛr!»
6À ŋá n'a a Sore,
a kpɛnʋ-za-sob, yere:
«Nyɩ cɛ tɩɩr lɔb,
nyɩ maalɩ gbĩgbin a Zerizalɛm zɛb-deb ƴãw.»
Po-to-fãw-ɩb tɛwr'a be a ʋ pʋɔ, a sãá n'a.
7Ʋ mɩ́ ɩ na a ʋ faalʋ tɛbr yire
mɛ̃ bul-nʋɔr na mɩ́ ɩ a ʋ kʋ̃ɔ a tɛbr yire a.
A ʋ zie a, po-to-fãw-ɩb
nɩ sãw-bɛrʋ tɛwr ƴɛ̀rʋ n'a bɛ ƴɛ̀rɛ.
Wʋ̀ʋr nɩ ɩ-k'a-kpɛ tɛwr'a ɩ̃ nyɛrɛ kʋralɛ.
8«Zerizalɛm i, sàw de a wulu!
Alɛ bɛ ɩ lɛ, ɩ̃ kʋ̃ cãà lãw nɩ fʋ ɛ,
ɩ̃ɩ na ɩ na fʋ lɩɛbɩ tẽ-kpalɛ,
tẽw nɩr na bɛ kpɩɛr a.»
A nɩbɛ zawr'ɩ a bɛr-wob
9À ŋá n'a a Sore, a kpɛnʋ-za-sob, yere:
«Nyɩ yiiri a Ɩsɩrayɛl nɩbɛ bɛl
na cãà cɛ vʋʋrɛ a,
mɛ̃ a lɛ bɛ na mɩ́ yiiri divɛ̃ tɩɩr púo a.
A nyɩ nuru, a tu yi a wuli zu gb'aa yaga,
mɛ̃ a lɛ a divɛ̃ tɩɩr púo sob
na mɩ́ ɩ a divɛ̃ tɩ-wɔmɛ deb daar a.»
Zeremi
10Anʋ zie n'a a fɛr k'ɩ̃ɩ ƴɛ̀r?
Ã-mɩnɛ nɛbɛ a fɛr k'ɩ̃ɩ yel a yel kʋ̀ bɛ bɛr wõ m?
A bɛ tobe kpar'a kʋ̃ tʋ̃ɔ́ cɛlɛ be ɩ.
A Sore ƴɛ̀rʋ a,
bɛ tobr bɛ ka ʋ ƴãw ɛ, bɛ bɛ bɔbr ʋ ɛ.
11A Sore suur paalɩ mɛ̃ na,
ɩ̃ kʋ̃ tʋ̃ɔ́ cãà nyɔw ʋ tɛr ɛ.
A Sore
«Lɩɛb ʋ ƴãw a bibiir a sɛ́ɛ zu nɩ a pɔlbili za zu.
Bɛ na nyɔw nɩ bɛ za cen nɩ,
dɛbr nɩ pɔwbɛ, nɩbɛ na kòr nɩ nɩbɛ na kòr tɩ kòr a.
12A bɛ yie lɩɛb'ɩ nɩ-yoru dem,
a bɛ pɔwbɛ nɩ a bɛ póru mɩ̀ a lɛ.
A Sore yere na:
Ɩ̃ na ìr'ɩ a tẽw ŋa nɩbɛ za ƴãw.
13Bʋ̃ʋ n'ʋ vɛ̃, a na tĩ a pʋrmɛ tɩ tɔ a bɛrɛ a,
bɛ za bɔbr'ɩ a bɛ tɔnɛ.
A naaŋmɩn-ƴɛ̀r-manbɛ tɩ tɔ a bàwr-maalbɛ a,
bɛ za tɛr'ɩ libelibe yã.
14Bɛ de nɩ dɩ̃ɛnʋ ƴãw a ɩ̃ nɩbɛ kpɩɛrʋ ƴãw,
mɩ́ yel kɛ́ a yele za cere nɩ vla,
a yele za cere nɩ vla!
Ɛ́ bom za bɛ cere ɩ.
15Vĩ ɩrɛ bɛ na bɛ na ɩ a ɩ-faar
na bɛ maal'ɩ wob a a? Towtow!
Bɛ bɛ bãw k'aa tɩ sɛw na
kɛ́ bɛ sàw a bɛ sãwna ɩ.
A Sore yere na:
Alɛ n'a so bɛ na lo mɛ̃ a nɩbɛ za a,
bɛ na lo n tẽw a lɛn daar ɩ̃ nãà wa ír a.
16À ŋá n'a a Sore yere:
Nyɩ tɛw àr a sɔ́r
nyɩ na lo a zu ɛ́ tɩɛrɩ nyɛ̃,
nyɩ sowri a koro sɛ́ɛ yele kaa:
Nyɩ bɔ a sɔr-vla ɛ́ tuur ʋ.
Lɛ n'a nyɩ na nyɛ̃ a pɩ̃ɛnʋ
a nyɩɩm mɩŋa ƴãw.
Ɛcɛ bɛ sɔw na: “Tɩ bɛ tuur ʋ ɛ.”
17Ɩ̃ ƴãw nɩ zi-gùrbɛ
kɛ́ bɛ tʋ̃ɔ́ mɩ́ yel à ŋá kʋ̀ bɛ:
Nyɩmɛ wa wõ a ɩɩl a, nyɩɩm cɛlɛ be!
Ɛcɛ bɛ yel'a: “Tɩ kʋ̃ cɛlɛ be ɩ.”
18A lɛ pʋɔ a, nɩ-bʋʋr-yoru nɩbɛ ɛ,
nyɩ bɛrɛ wone.
Nyɩ za, nyɩ bãw a ʋlɩ bom nɛ na na ta bɛ a.
19Tẽ-daa za nɩbɛ ɛ, nyɩ bɛrɛ wone:
A mãa a, ɩ̃ na ɩ na a faa páw a nɩbɛ bɛ ŋa.
A lɛ bɛl mɩŋa na tɩɛrɩ
a yele bin a bʋ̃-páwra n'ʋ.
Ɩ̃ ƴɛ̀r'ɩ a bɛ zie bɛ bɛ cɛlɩ be ɩ,
bɛ zawr'ɩ a ɩ̃ wulu bɛr.
20Bʋ̃ʋ n'ʋ ɩ̃ ɩrɛ nɩ
a Saba tẽw tɩ-suur-zɔ̃-na-nyùur-vla-vla-a?
nɩ a tẽ-zãána bàa-kɛkɛr na nyuur vla a?
A bɛ nyɩw-a-za-bagɛ a, ɩ̃ bɛ bɔbr a ɩ,
a bɛ bàwr-maal-bome bɛ nʋmɛ a ɩ̃ zie ɩ.
21A lɛ pʋɔ a, à ŋá n'a a Sore yere:
Ɩ̃ na ƴãw nɩ bom a nɩbɛ bɛ ŋa niŋé,
na na ɩ bɛ ŋmɛ gbɛ́r a ʋ ƴãw lo a.
Bɛ za na lãw na kpi:
a sãà mɩnɛ, a bɛ bibiir,
a bɛ sɩman dem nɩ a bɛ bárɩ.»
A dɔ̃ sob yire nɩ a saa-pɛrɩ́-gʋba-lowr waar
A Sore
22À ŋá n'a a Sore yere:
«Nɩbɛ yi n a saa-pɛrɩ́-gʋba-lowr
tẽw kãw waar#6:22: Nyɛ̃ 1.14 nɩ a manʋ.,
nɩ-bʋʋr-yoru na yãwmɛ a
yi n a tẽw baarʋ zie lo a sɔ́r waar.
23A ʋ zɛbr-nɩbɛ zɛw nɩ tamɛ nɩ kafin-ŋmali,
bɛ kpɛ n po-tuo ɛ́ bɛ zɔrɛ nɩbaalʋ ɛ.
A gɔmɛ bɛ na ɩrɛ a,
ɩ na mɛ̃ a kʋ̃ɔ-kpɛ̃ɛ kʋ̃ɔ na damnɛ a.
Bɛ zɔm'ɩ wie,
bɛ pɩɛr'ɩ nɩ vla vla kɛ́ bɛ zɛb'ɩ fʋ,
Sɩyɔ̃ tẽw i!»
A nɩbɛ
24Tɩ na wa wõ a yele á ŋá a,
a tɩ kpãkpamɛ kpi na,
a pʋl-vʋ̃ɔ nyɔw tɩ na ɛ́ 'wɔbrʋ 'wɔbr tɩ,
mɛ̃ pɔw a dɔwfʋ na ta a.
25Nyɩ taa yire a wɩ̀ɛ pʋɔ ɩ,
nyɩ taa cere a sɛ́ɛ zu ɛ,
bʋ̃ʋ n'ʋ vɛ̃, a dɔ̃ sob be n a be kʋrɛ.
A dɛ̃bɩ̃ɛ n'a a ziir za.
A Sore
26«Ɩ̃ nɩ-bʋʋrɛ ɛ, nyɩ su vʋɔrɩ kparɩ,
nyɩ bile a tanɛ pʋɔ!
Nyɩ tĩ a kuor maalʋ
mɛ̃ bidɛb-been ƴãw a.
Nyɩ kõ lãwnɩ tʋlʋtʋlʋ,
bʋ̃ʋ n'ʋ vɛ̃, a dɔ̃ sob
na sãwnɛ bom za a,
na ùr'a ta a nyɩ ƴãw.»
A Naaŋmɩn nɩ-bʋʋrɛ ɩ n nɩ-gaarɩ
Sore
27«Zeremi i, ɩ̃ ƴãw na kɛ́ fʋ jieli
a ɩ̃ nɩbɛ bãw bɛ ŋmɛ̃a.
A na fɛr'a fʋ bãw ɛ́ jieli a bɛ ɩb,
mɛ̃ tõ-tõ-bie na jiele kur-bʋʋrɛ bʋʋrɛ a.»
Zeremi
28Bɛ za ɩ n nɩ-gaarɩ na kpawlɩ socie a, gɛgɛrɩ nɛbɛ.
Bɛ kpɛmɛ na mɛ̃ a kur-zɩɛ bɩɩ mɛ̃ a kure a.
Bʋ̃-sãwnbɛ nɛbɛ bɛ za.
29A zuwre zuwr'a.
A vũu tɩ sɛw na k'ʋʋ ɩ a kur-mɔrmɔr nyɩl.
Ɛcɛ zawlalɛ n'a a sãa-kpɩɛrɛ bàlɛ ʋ tʋɔra
bɔbr k'ʋʋ ɩ a salm-pla dɛwr yi:
a dɛwr bɛ yire ɩ.
30Bɛ bʋɔlɛ nɩ a nɩbɛ bɛ ŋa kɛ́:
“Salm-pla bɛ na na lɔb bɛr a”,
bʋ̃ʋ n'ʋ vɛ̃, a Sore lɔb bɛ na bɛr.
Currently Selected:
Zeremi 6: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
