Zeremi 10
10
Bʋ̃ʋ n'ɩ a tɩbɛ a Sore Naaŋmɩn niŋé?
1Ɩsɩrayɛl tẽw dem i, nyɩ bɛrɛ wone a ƴɛ̀rʋ a Sore na ƴɛ̀rɛ kʋ̀rɛ nyɩ a. 2À ŋá n'a a Sore yere:
«Nyɩ ta cɔwrɛ a nɩ-bʋʋr-yoru ɩ-ɩrɩ ɛ!
Nyɩ ta zɔrɛ a bãwfʋ na mɩ́ sãá
a salom zu a dɛ̃bɩ̃ɛ ɩ.
A nɩ-bʋʋr-yoru nɛbɛ zɔrɛ a dɛ̃bɩ̃ɛ.
3A nɩ-bʋʋr-yoru tub bɛ tɛr pɛr ɛ.
Bɛ mɩ́ cɛ n dàa a tuw pʋɔ,
ɛ́ a bʋ̃-pɛnɛ pɛnɩ tɩɩb.
4Bɛ mɩ́ ƴãw ʋ nɩ salm-zɩɛ bɩɩ salm-pla ʋ vɩɛl.
Bɛ mɩ́ de nɩ pĩi-bie nɩ 'hama kpa nɩ ʋ
k'ʋʋ taa damnɛ ɩ.
5A tɩbɛ à ŋá ŋmɛ̃ na mɛ̃ ŋmaar bɛra
na be kɔ̃kɔ̃bʋr#10:5 Kɔ̃kɔ̃bʋr: Nyɛ̃ Ɩza 1.8 nɩ a manʋ. púo pʋɔ a.
A bɛ ƴɛ̀rɛ ɩ.
A mɩ́ fɛr'a kɛ́ bɛ tuo a,
a na kʋ̃ tʋ̃ɔ́ cen a ƴãw.
Nyɩ ta zɔrɛ a ɩ:
a kʋ̃ tʋ̃ɔ́ mal nɩr ɛ,
ɛ́ mɩ̀ kʋ̃ tʋ̃ɔ́ maalɩ nɩr vla ɩ.»
6Sore e, fʋ bɛ tɛr a fʋ tɔ ɩ!
Fʋ ɩ n kpɛ̃ɛ,
ɛ́ a fʋ kpɛnʋ ɩ a fʋ yúor ʋ yi.
7Nɩ-bʋʋrɛ nãà a,
ãa n'ʋ bɛ sɛw k'ʋʋ zɔrɛ fʋ?
Fʋ sɛwnɩ nɩ a lɛ.
A yã-bãwnbɛ za na be a tẽ-daa zu a,
nɩ a naalʋ-ten za pʋɔ a,
nɩr bɛ be be ŋmɛ̃ taa nɩ fʋ ɛ.
8A nɩbɛ bɛ ŋa bol'ɩ bɛ za, been bɛ cɛ ɩ.
A bɛ ŋmɩmɛ á ŋá kʋ̃ tʋ̃ɔ́ zanɩ nɩ bɛ bom ɛ,
dàar ŋmɩmɛ n'a.
9Nuru tõ-tone kãw n'ʋ mɩ́ maalɩ a,
kur-nyɩlɛ nyɩl a pàw nɩ Tarsisɩ tẽw salm-pla
bɛ na ŋmɛ mawlɩ ʋ ɩ ɓɛrɓɛr a,
bɩɩ nɩ Ufaazɩ tẽw salm-zɩɛ, a vɩɛl.
Al pùorí bɛ mɩ́ su a nɩ pɛn-zɩɩr
bɩɩ pɛn-zɩɩr-mʋɔlɛ.
Nuru tõ-tonbɛ bʋ̃-maalɩ n'a.
10Ɛcɛ a Sore ɩ n Naaŋmɩn-sɩza,
Naaŋmɩn na vʋʋrɛ a,
nãà na be kʋralɛ a.
A ʋ suur wa ír a, a tẽsɔw mɩ́ dam'a,
ɛ́ a nɩ-bʋʋrɛ bɛ tʋ́ɔr a ʋ suur ɛ.
11Nyɩ nyɛ̃ a lɛ nyɩ na na yel kʋ̀ bɛ a: A ŋmɩmɛ na bɛ ír a salom nɩ a tẽw a, a fɛr'a k'aa bɔr a tẽw zu, a bɔr a salom pile.
12A Sore ír'ɩ a tẽw nɩ a ʋ fãw,
ʋ bin nɩ a tẽ-daa nɩ a ʋ yã-bãwfʋ,
ʋ dɔl'ɩ a salom nɩ a ʋ yã.
13Ʋlɛ wa tanɩ a,
a kʋ̃ɔnɩ mɩ́ ɓã n taa a salom zu,
a zũzuwr-bɛrɛ mɩ́ yi n
a tẽw baarʋ ziir do,
ʋ mɩ́ ɩ na saa nyɩwrɩ ƴãw a saa waar.
Ʋ mɩ́ ɩ na a sɛsɛb yi a be ʋ na ƴãw ʋ a.
14Lɛ n'a a nɩbɛ za dɛ mɩ́ àr lɛ,
bol, bɛ bãw bom pɛr ɛ.
Vĩ ɩrɛ nɩ a kur-nyɩlbɛ za,
a bɛ ŋmɩn-bɛlmɛ ƴãw.
A dasuli á ŋá ɩ n bɛlʋ:
vʋʋrʋ bɛ be a pʋɔ ɩ.
15A bɛ tɛr pɛr ɛ,
bome na ɩrɛ laarʋ a n'a.
A lɛn daar a Sore wa ìr a ƴãw a, a na bɔr'a.
16Ɛcɛ a Naaŋmɩn na ɩ
a Ɩsɩrayɛl na-bom a,
bɛ ŋmɛ̃ taa nɩ a ɩ.
Ʋl a, a bome za íre n'ʋ,
ɛ́ ʋlɛ so a Ɩsɩrayɛl dɔwlʋ.
A ʋ yúor'ɩ: «A Sore kpɛnʋ-za-sob!»
A kpɩɛrʋ cɛ nɩ kerkerlɛ
A Zeremi
17Zerizalɛm i, a fʋ̃ʋ bɛ na piw a,
wob a fʋ tuor a tẽw.
18Bʋ̃ʋ n'ʋ vɛ̃, à ŋá n'a a Sore yere:
«Ƴɛrɛŋa ʋl a, ɩ̃ na vãw nɩ a tẽw nɩbɛ bɛr
mɛ̃ kpala kʋsɩɛr a.
Ɩ̃ɩ na cɛlɛ nɩ be vla vla,
ɩ bɛ ta a bɛ tab zie.»
Zerizalɛm
19«'Woi! A Zerizalɛm kone na,
nyɛ̃ kpɩɛrʋ na páw mɛ̃ a!
A ɩ̃ natɩr bɛ tɛr sanʋ ɛ.
Ɩ̃ tɩ tɩɛrɛ nɩ nɩ ɩ̃ pʋɔ à ŋá:
a ɩ̃ 'wɔbrʋ bɛ ɩ faa ɛ, ɩ̃ na tʋ̃ɔ́ ʋ na tɛr.
20Ɛcɛ bɛ sãw nɩ a ɩ̃ pɛn-sɛw bɛr,
a ʋ mie za ŋma na.
Ɩ̃ bɛ cãà tɛr bibiir ɛ, bɛ cen na.
Nɩr za bɛ be be na ɩ
a ɩ̃ pɛn-sɛw ʋ lɛb àr ɛ, ɛ́ lɛb cɔbrɩ
kpɛb zie kʋ̀ m ɛ.»
A Zeremi
21A nɩ-bɛrɛ nɛbɛ so a ɩ à à ŋá:
bɛ ɩ n dãbol-ɩb, bɛ bɛ bɔ a Sore ɩ.
Alɛ n'a so bɛ ɩ gù,
ɛ́ a nɩbɛ bɛ na kaarɛ a yaarɩ be a ziir za.
22Nyɩ wone a gɔmɛ na tarɛ a.
Damnʋ kpɛ̃ɛ n'ʋ yi
a tẽw saa-pɛrɩ́-gʋba-lowr waar,
k'ʋʋ wa ɩ a Zuda tẽ-bɛrɛ,
a lɩɛbɩ wɛja-kpalɛ na ɩrɛ nɩbaalʋ a,
a lɩɛbɩ gbõgbo-cili kpɛb zie.
A Zeremi puore nɩ a ʋ nɩ-bʋʋrɛ yúor ƴãw
23Sore e, ɩ̃ bãwnɩ a na,
a nɩsaal bɛ so a ʋ vʋʋrʋ ɛ.
A sɔr-cene kʋ̃ tʋ̃ɔ́ ɩ a ʋ gbɛ-ceni a tori ɛ.
24Sore e, kpãa mɛ̃, ɛcɛ kpãa mɛ̃ a man.
Ta kpãa mɛ̃ nɩ suur ɛ,
alɛ bɛ ɩ lɛ, fʋ nãà ɩ na ɩ̃ bɛ cãà ɩ bom za ɩ.
25Nɩ̃ɛ ɩ a fʋ suur ʋ ìr a nɩ-bʋʋrɛ
na bɛ bãw fʋ a ƴãw,
a nɩbɛ bɛl na bɛ bʋɔlɛ a fʋ yúor a ƴãw.
Bʋ̃ʋ n'ʋ vɛ̃, bɛ báarɛ nɩ a fʋ nɩbɛ,
bɛ báarɛ bɛ nɩ bɛ za,
bɛ sãwnɛ nɩ a fʋ nɩbɛ tẽw bɛrɛ.
Currently Selected:
Zeremi 10: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
