Ɩzayi 34
34
A Sore dɩrɛ nɩ nɩ a Edɔm tẽw ƴɛ̀rʋ
1Nɩ-bʋʋrɛ ɛ, nyɩ taw pɩɛlɩ bɛr wõ,
nɩbɛ ɛ, nyɩ cɛlɛ be.
A tẽw, ʋ bɛr wõ,
lãwnɩ bom za na be a ʋ pʋɔ a!
A tẽ-daa, ʋ wõ,
lãwnɩ bom za na yire a ʋ pʋɔ a!
2A Sore nyɛ̃ nɩ nɩ a nɩ-bʋʋrɛ za suur,
ʋ nyɛ nɩ nɩ bɛ za na ɓã taa a suur.
Ʋ yel'a kɛ́ bɛ na kʋ bɛ na pàw pɛr,
bɛ na kʋ bɛ nɩ faa faa.
3A bɛ kũuni pàw nɩ a tẽsɔw,
a bɛ ƴã-gamɛ nyùur'a,
a bɛ zɩ̃ɩ gbɔlɛ nɩ a tan zu.
4A ŋmar-bi-yaga yaga ŋmarɛ na lore a za.
A salom pìle na mɛ̃ sɛbɛ#34:4 A lɛn daar a, a sɛbr mɩ́ tɩ ɩ na mɛ̃ gámɛ bɛ na mɩ́ pili mɛ̃ sɛ̃w a. a.
A salom zu bʋ̃-nyɩwrɩ za lore na
mɛ̃ divɛ̃ tɩɛ bɩɩ
kãkã-tɩɛ va-ŋmamɛ a.
5A Sore zɛbr-sɔ-kpɛ̃ɛ ɩ n zɩ̃ɩ a salom zu.
Ʋlɛ n'ɩ ŋan siwr a Edɔm tẽw dem zu,
nɩbɛ ʋ na yel kɛ́ bɛ kʋ pàw pɛr a.
6A Sore zɛbr-sɔ-kpɛ̃ɛ ɩ n zɩ̃ɩ tɛwr,
kãá n'a pàw ʋ:
mɛ̃ pʋ́rɩ nɩ bʋrɩ zɩ̃ɩ a,
mɛ̃ alãbie kãá a.
A Bɔsɩra na ɩ a tẽ-kpɛ̃ɛ a pʋɔ a,
a Sore maalɛ nɩ bàwr.
Kʋb na ɩ kʋb a n'a gã a Edɔm tẽw pʋɔ.
7A wɛ-nĩi, a nadɛɛ nɩ a nĩi
lãw na lore kpiir.
A tẽw ɩ n zɩ̃ɩ tɛwr,
kãá pàw nɩ a tẽsɔw za.
8Bʋ̃ʋ n'ʋ vɛ̃, a Sore zie a,
a san yaafʋ bibir'ʋ,
a yũon ʋl a Sɩyɔ̃ gùre
na sowre a samɛ a n'ʋ.
9A Edɔm tẽw fʋɔlɩ
na lɩɛb'ɩ fʋɔlɩ gudurɔ̃ na zɔrɛ a,
a ʋ tẽsɔw na lɩɛb'ɩ tã-tʋlʋ-kpãkpã.
A tẽw ŋa na lɩɛb'ɩ
gudurɔ̃ na nyɔw vũu dɩrɛ
10bɛ kpiire tɩ̃ɩsɔw nɩ mʋ̃tɔ̃w a.
Zʋ̀ʋ́r na ìre nɩ a be dúor kʋralɛ.
A tẽw na lɩɛb'ɩ wɛja-kpalɛ kʋralɛ,
nɩr za kʋ̃ cãà tuur tɔlɛ a be ɩ.
11Ʋ na ɩ n a vìí nɩ a zɔ̃po zie,
vìí-kpãakpul nɩ gbagba na kpɩɛr'ɩ a be.
A Sore na sãw nɩ a tẽw bɛr.
A na ɩ na mɛ̃ a vo-kpɛ̃ɛ-zawla
na tɩ be be ɛ́ a tẽ-daa bɛ ír sɛr a.
12Nɩ-yée kʋ̃ cãà be mɩ́ kaa ír nãà ɩ,
a nɩ-bɛrɛ za na baar'a.
13Gɔ-tuwr na bul'ɩ a yir-vɩɛlɩ vɩɛlɩ pʋɔ,
kàrnyã nɩ gʋʋr na bul'a pàw a zɛbr-yir-kpɛn.
A na ɩ n gbõgbo-cili sɔwlʋ zie,
kʋlãdisowli dɛnʋ zie.
14A nyãanyũ-gaarɩ
na mɩ́ tuor'ɩ a jɩbʋrɩ a be,
a na mɩ́ ɩ n a bʋrali tuor-taa zie.
Be n'a a tɩ̃ɩsɔw kɔ̃tɔ̃-faa, Lilitɩ,
na mɩ́ be pɩ̃ɛnɛ.
15Be cãà n'a a waab na mɩ́ maalɩ a ʋ kpów
mɩ́ lɔb a ʋ jɛlɛ ũú nɩ ɛ́ gù a bili tɩ wɛ́w.
Be n'a a sidume na mɩ́ ɓã taa.
16Nyɩmɛ wa bɔ a Sore sɛbɛ#34:16 A Sore sɛbɛ: Ʋ tɔ̃w na ɩ n sɛbɛ na tɛr a Ɩzayi ƴɛ̀rʋ a mɩnɛ ɛ́ bɛ cãà be a dɩ̃a a. pʋɔ a,
nyɩ na kanɩ nɩ ƴɛ̀r-bie á ŋá:
A dʋn á ŋá kãw za bɛ cɛ ɩ,
a kãw za bɛ cɛ bɛ ka be ɩ.
Bʋ̃ʋ n'ʋ vɛ̃, a Sore n'ʋ
ƴãwnɛ a nɛ́ɛ kʋ̀rɛ a,
a ʋ Vʋʋrʋ n'ʋ ɓanɛ a taa.
17Ʋ lɔb'ɩ a bie, mɩ́ ír ŋa dem kʋ̀ ʋ,
ʋ de nɩ a ʋ miw-máná põ nɩ a tẽw kʋ̀ a.
A na so ʋ nɩ kʋralɛ,
a na kpɩɛr ʋ nɩ yome yome za.
Currently Selected:
Ɩzayi 34: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
