Ɩzayi 32
32
Nãà na ɩ na-vla a
1Nãà na be n be dɩrɛ a naalʋ nɩ mɩnʋ.
A nɩ-bɛrɛ na dɩrɛ nɩ a nɩ-kpɛ̃ɛnʋ a nɩbɛ zu
mɛ̃ a lɛ a na tu sɔ́r a.
2A bɛ kãw za na ɩ na
mɛ̃ pib zie a, a sɛsɛb ƴãw,
mɛ̃ taw-lanʋ zie a, a saa ƴãw,
mɛ̃ bàa kʋ̃ɔ na zɔrɛ tẽ-kõw pʋɔ a,
mɛ̃ pì-kpɛ̃ɛ ɓaarʋ tẽ-tʋlʋ pʋɔ a.
3A bɛlɩ dem a na tɩ sɛw kɛ́ bɛ nyɛrɛ a
mimie kʋ̃ cãà pàw ɛ,
a bɛlɩ dem a na tɩ sɛw kɛ́ bɛ wone a
tobe na bɛrɛ na wone vla.
4A nɩbɛ na ɩrɛ wàlwàl a,
na mɩ́ tɩɛr'a bãw a bom pɛr,
a bɛlɩ dem na bʋlɛ a
na ƴɛ̀rɛ na páwr ɛ́ ƴɛ̀rɛ welwel.
5Bɛ kʋ̃ lɛb bʋɔlɩ a gẽgemi sob
kɛ́ nɩ-yúor ɛ,
nɩ a nɩ-bɛ-tɛr-bir kɛ́ nɩ-sɩza ɩ.
6Bʋ̃ʋ n'ʋ vɛ̃, a gẽgemi sob
mɩ́ ƴɛ̀rɛ nɩ ƴɛ̀rʋ na bɛ tɛr pɛr a.
Ʋ mɩ́ tɩ́ɛrɛ nɩ a faa ʋ na na maalɩ a,
ʋ mɩ́ ɩrɛ nɩ nɩ-fa-ɩb ɛ́ tʋʋr a Sore zʋmɛ.
Ʋ bɛ kʋ̀rɛ bʋ̃-dɩra a kɔ̃ sob ɛ,
ʋ bɛ kʋ̀rɛ kʋ̃ɔ a kʋ̃ɔ-nyúur sob ɛ.
7A nɩ-bɛ-tɛr-bir ʋl a,
a ʋ ɩ-ɩrɩ mɩ́ ɩ n nɩ-kʋ ɩ-ɩrɩ.
Ʋ mɩ́ cɔbr'ɩ cɔbrʋ k'ʋʋ ŋma ziri
kʋ n a nan dem.
Ɛcɛ a bãbàalbɛ bɛ ŋa a,
a alɩ bome nɛ ƴãw bɛ na tɛr sɔ́r a,
al tɛwr'a bɛ mɩ́ yel kɛ́ bɛ kʋ̀ bɛ.
8Ɛcɛ a nɩ-yúor a,
tɩɛrʋ na tori a tɛwr'a ʋ mɩ́ tɛr,
ɩ-ɩrɩ na vɩɛl a tɛwr'a ʋ mɩ́ ɩrɛ.
A Zerizalɛm pɔwbɛ, bɛ gùre bɛ tʋɔra
9Pɔwbɛ bom na bɛ damnɛ a,
nyɩ ìr, nyɩ bɛrɛ wone a ɩ̃ ƴɛ̀rʋ!
Powli na ɓãa ƴãw bɛr tɩɛrʋ a,
nyɩ cɛlɛ a lɛ ɩ̃ na yere a zie!
10Yũon-been nɩ bibie blã wa tɔl a,
dɛ̃bɩ̃ɛ na ɩrɛ nyɩ na nyɩ màwr,
nyɩɩm bom na bɛ damnɛ a.
Bʋ̃ʋ n'ʋ vɛ̃, divɛ̃ tɩ-wɔmɛ pɔrʋ kʋ̃ ka be ɩ,
bʋ̃-dieri-deb kʋ̃ be be ɩ.
11Dɛ̃bɩ̃ɛ, a ɩrɛ nyɩ nyɩ màwr,
nyɩɩm pɔwbɛ bom na bɛ damnɛ a,
nyɩ màwr,
nyɩɩm na ɓãa ƴãw bɛr tɩɛrʋ a.
Nyɩ yaa a nyɩ bʋ̃-suuri bɛr,
nyɩ gbol nyɩ tʋɔra ɛ́ sɛ gãw a sɩɛmɩ́.
12Nyɩ wul a nyɩ pʋ-sãwna,
nyɩ kone ƴãwn a póru vɩɛlʋ
nɩ a divɛ̃ tɩɩr na wɔ̃ a.
13Nyɩ kone ƴãwn a ɩ̃ nɩ-bʋʋrɛ tẽsɔw
gɔ-tuwr na bule pàwr a,
nyɩ kone ƴãwn a tẽ-kpɛ̃ɛ na maalɛ cuw a,
yie za na be nʋ̃ɔ̀ pʋɔ a.
14Bɛ yi na kɛ́ bɛr a nãà yir,
nɩr bɛ cãà a tẽ-kpɛ̃ɛ
na tɩ ɩrɛ gɔmɛ a pʋɔ ɩ.
A Ofɛl#32:14 Ofɛl: A Zerizalɛm lõbowr kãw n'ʋ. Ʋ tɩ be n a Ŋmɩn-yir-kpɛ̃ɛ nɩ a nãà yir saa-pɛrɩ́-dʋrʋ-lowr. nɩ a zie piwru yir-cõcowla
lɩɛbɩ ziir na gã zawlɛ kʋralɛ
ɩ a bòn gaarɩ nʋ̃ɔ̀
nɩ a dʋn mʋ̃ɔ 'wɔbrʋ zie a.
A Sore na tɩr'ɩ a ʋ Vʋʋrʋ bibir kãw
15Bibir kãw, a Sore
na cir'ɩ a ʋ Vʋʋrʋ ƴãw a tɩ zu.
Lɛ n'a a wɛja-kpalɛ na lɩɛbɩ tɩ-wɔnɩ zaadɛ̃,
ɛ́ a tɩ-wɔnɩ zaadɛ̃ lɩɛbɩ tuw.
16A lɛ-na-tu-sɔr-a
na ɩrɛ nɩ a wɛja-kpalɛ pʋɔ,
ɛ́ a mɩnʋ be a tɩ-wɔnɩ zaadɛ̃ pʋɔ.
17A ƴã-ɓaarʋ na ɩ n a mɩnʋ bom,
a mɩnʋ ton na ɩ n
a zie na gã zoom kʋralɛ bɛ bãw damnʋ a.
18A Sore nɩbɛ na kpɩɛr'ɩ zie ƴã-ɓaarʋ na be a,
bɛ na kpɩɛr'ɩ yie yel-faa na bɛ ka a,
pɩ̃ɛnʋ ziir na bɛ bãw damnʋ a.
19Sa-bi-kube na lo n a tuw zu,
ɛ́ a tẽ-kpɛ̃ɛ lo.
20Ɛcɛ nyɩ na tɛr'ɩ zu-nʋ̃ɔ̀:
nyɩ na tʋ̃ɔ́ na mɩ́ bʋ̀r zie za kʋ̃ɔ na be a,
ɛ́ bɛr a náab nɩ a bõw a yʋ́ɔr
mɛ̃ a lɛ a na bɔbr a.
Currently Selected:
Ɩzayi 32: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
