Ɩzayi 30
30
A sõwfʋ bɔb a Eziptɩ tẽw ɩ n bɛ̀lʋ
1A Sore yere na:
Nyɛ̃ baw-bio na páw nyɩ a,
nyɩɩm bibi-gaarɩ i!
Nyɩ cɔbrɛ nɩ ɩb na bɛ yi a ɩ̃ zie a,
kɛ́ nyɩ ɩ.
Nyɩ maalɛ nɩ wõ-taar
mãa na bɛ n'ʋ ƴãw nyɩ a tɩɛrʋ a.
À ŋá n'a nyɩ mɩ́ maalɩ
yel-bier dɔwlɩ yel-bier zu.
2Nyɩ cere nɩ a Eziptɩ tẽw
ɛ́ bɛ sowri mɛ̃ kaa ɩ.
Faarawɔ̃ naayir'a nyɩ zɔrɛ kpɩɛr,
a ʋ tẽw ɓaarʋ́ n'a nyɩ bɔbr sɔwlʋ zie!
3Ɛcɛ, a Faarawɔ̃ naayir zɔ-kpɛb na ɩ nyɩ nɩ vĩ.
A sɔwlʋ zie nyɩ na bɔbr a Eziptɩ tẽw a
na ɩ n a nyɩ tɩɛrʋ wɛb.
4A nyɩ nɩ-bɛrɛ ta n a Tanisɩ baarɩ,
a nyɩ nɩbɛ nyɩ na tõ a be n a Hanɛsɩ#30:4 Tanisɩ: Nyɛ̃ 19.11 nɩ a manʋ. Hanɛsɩ: Tẽ-kpɛ̃ɛ na be a Eziptɩ tẽw saa-pɛrɩ́-gʋba-lowr nɩ a saa-pɛrɩ́ cara pʋɔ a n'ʋ, mɛ̃ a Tanisɩ a..
5Nɩ-bʋʋrɛ na kʋ̃ tʋ̃ɔ́ ɩ bom za a bɛ ƴãw a
na ɩ na a bɛ tɩɛrʋ wɛ.
A Eziptɩ tẽw dem kʋ̃ tɛr sõwfʋ kãw za a bɛ zie ɩ,
bɛ kʋ̃ tɛr yel-ɩra kãw za a bɛ zie ɩ.
Bɛ na nɩ̃ɛ na ɩ a bɛ vĩ nɩ yo-sãw.
A bɛlɩ dem na dàar a Eziptɩ tẽw sõwfʋ a
6Dʋn na tuo tuor a
tɔlɛ nɩ a Negɛɛvʋ#30:6 Negɛɛvʋ: Nyɛ̃ 21.1 nɩ a manʋ. wɛja-kpalɛ pʋɔ.
Kpɩɛrʋ zie na ɩrɛ dɛ̃bɩ̃ɛ nɩ pʋl-vʋ̃ɔ a n'ʋ,
wɛ-narʋ, bʋ̃-daar nɩ bʋ̃-pɔwbɛ,
dɔpamɛ nɩ wa-bɩɩr na ƴawr a kpɛb zie n'a.
Nɩbɛ tuo nɩ a bɛ na-bome nɩ a bɛ na-bʋ̃-tuor
bòn zu nɩ nyɔ̃wmɩ zɩgɛ zu.
Nɩ-bʋʋrɛ kãw, na kʋ̃ tɛr
yel-ɩra kãw za a bɛ zie a, so a.
7A Eziptɩ tẽw sõwfʋ a,
sɛsɛb'ʋ, ʋ bɛ tɛr pɛr ɛ.
Alɛ so ɩ̃ pór a tẽw ŋa kɛ́
«Arahab na bɛ damnɛ a.»
Yel bɛ na na bãw gùre nɩ a nɩdaar a
8A Sore tɩ yel'ɩ a Ɩzayi: «Ƴɛrɛŋa a,
sɛb a yele á ŋá ƴãw dà-pawle zu
a Zerizalɛm tẽw dem niŋé.
Mɩ̀ sɛb a ƴãw sɛbɛ pʋɔ.
A na ɩ n dãsɩɛ bom a nɩdaar ƴãw.»
9Nɩ-bʋʋrɛ na gaarɩ a nɛbɛ,
bibiir na ŋmarɛ ziri a,
nɩbɛ na bɛ sàwr bɛrɛ wone a Sore wulu a.
10Bɛ yere nɩ a naaŋmɩn-ƴɛ̀r-manbɛ zie:
«Nyɩ taa nyɛrɛ bʋ̃-nyɛrɩ ɛ!
Nyɩ taa yere bom na ɩ sɩza a kʋ̀rɛ tɩ ɛ!
Nyɩ manɛ yele na nʋmɛ a kʋ̀rɛ tɩ.
Nyɩ yere yele na nʋmɛ ɛ́ bɛ ɩ sɩza a kʋ̀rɛ tɩ.
11Nyɩ bɛr a sɔr-vla,
nyɩ zãá nɩ a soli-vla.
Nyɩ ta cãà ƴɛ̀rɛ a Ɩsɩrayɛl Naaŋmɩn
na ɩ sõw a ƴɛ̀rʋ a tɩ zie ɩ!»
Loba na bɛ tɛr à ŋá a
12Alɛ so a Ɩsɩrayɛl Naaŋmɩn na ɩ sõw a yere:
«Nyɩ zawrɛ nɩ a ɩ̃ ƴɛ̀rʋ bɛrɛ,
nyɩ ƴãwnɛ nɩ a nyɩ tɩɛrʋ
a bɛlɩ dem na bɛ̀lɛ nyɩ ɛ́ ŋmarɛ ziri a ƴãw,
ɛ́ dier bɛ bɛ ɩ a nyɩ tɩ̀ɛrbɛ.
13A na ɩ à ŋá a, a yel-bier ŋa na ɩ n a nyɩ zie
mɛ̃ wɛra na be dacĩ-kpɛ̃ɛ na kɛrɩ a ƴãw a.
Kpáwr wa sãá nɩ a dacin ƴãw,
ɛ́ bɛ wa bere ʋ lo.
14A dacin na ŋmɛr'a yaarɩ pʋrpʋr,
mɛ̃ yawr-mɩɛrɛ dʋw a.
A bɛ lɛb tɛr ɩb za ɩ,
bɛ kʋ̃ tʋ̃ɔ́ nyɛ̃ sele a bʋ̃-ŋmɛrsɩ pʋɔ
mʋ̃ɔ nɩ vũu dam pʋɔ
bɩɩ 'wɔ̃w nɩ kʋ̃ɔ tã-bɔw pʋɔ ɩ.»
Nyɩ ɓãa nyɩ mɩŋa ɛ́ ƴãw a nyɩ tɩɛrʋ a ɩ̃ ƴãw
15À ŋá n'a a Sore Naaŋmɩn,
a Ɩsɩrayɛl Naaŋmɩn na ɩ sõw a yere:
Nyɩ na na lɛb wa a ɩ̃ zie a,
nɩ nyɩ na na ɓãa nyɩ mɩŋa a,
lɛ tɛwr'a nyɩ na nyɛ̃ a faafʋ.
A nyɩ fãw tɛwr'ɩ nyɩ na na zɩ̃ zoom
ɛ́ ƴãw a nyɩ tɩɛrʋ a ɩ̃ ƴãw a.
Ɛcɛ nyɩ bɛ sàwr ɛ.
16Nyɩ yere na:
«Aɩ, tɩ na zɔm'ɩ wie zɔ n.»
Ãà, nyɩ na zɔ na.
Nyɩ mɩ̀ cãà na yere:
«A tɩ wie na gárɛ nɩ fɔ̃w fɔ̃w.»
Ãà, a bɛlɩ dem na diwr nyɩ a
na zɔrɛ nɩ fɔ̃w zuo lɛ!
17Dɔ̃ sob been yõ
na fuw nɩ a nyɩ nɩbɛ túr.
Dɔ̃ dem anũu na fuw nyɩ na,
nyɩ zɔ nyɩ za
ɛ́ tɩ cɛ ɩ mɛ̃ bãwfʋ na be tã-kpɛ̃ɛ nyʋɔrɩ́ a,
mɛ̃ dɩrapo na bà tãle zu a.
A Sore na wul'ɩ a ʋ nɩ-bʋʋrɛ a ʋ nɔ̃wfʋ
18Ɛcɛ a Sore gùre nɩ a daar
ʋ na na wul nyɩ a ʋ nɔ̃wfʋ a,
ʋ na ìr'a wul nyɩ a ʋ nɩbaal-zɔba.
Bʋ̃ʋ n'ʋ vɛ̃, a Sore ɩ n Naaŋmɩn na tuur mɩnʋ a.
Zu-nʋ̃ɔ̀ dem'ɩ a bɛlɩ dem za
na ƴãw a bɛ tɩɛrʋ a ʋ ƴãw a.
19Nyɩɩm, Sɩyɔ̃ tẽw nɩbɛ ɛ,
nyɩɩm na kpɩɛr a Zerizalɛm a,
nyɩ kʋ̃ lɛb kõ ɩ.
Nyɩmɛ wa kone cɔwr a Sore a,
ʋ na wul nyɩ nɩ a ʋ nɔ̃wfʋ.
Ʋlɛ wa dɛ wõ a nyɩ kon a, ʋ na sɔw nyɩ na.
20Nyɩmɛ wa be a kpɩɛrʋ pʋɔ a,
a Sore na kʋ̀ nyɩ nɩ a bʋ̃-dɩrɩ.
Nyɩmɛ wa nyɛrɛ dɔwrʋ a,
ʋ na kʋ̀ nyɩ nɩ kʋ̃ɔ nyɩ nyũ.
A sob nɛ na wule nyɩ a kʋ̃ lɛb sɔwlɩ ɛ,
ɛ́ nyɩ na nyɛ̃ ʋ na nɩ a nyɩ mimie.
21Alɛ wa fɛr kɛ́ nyɩ tu dʋrʋ bɩɩ gʋba a,
nyɩ na wõ n ƴɛ̀r-bie á ŋá a nyɩ zikurí:
«Nyɩ nyɛ̃ a sɔ́r a na fɛr kɛ́ nyɩ de a.»
22A nyɩ dàar bɩɩ kure tɩbɛ
bɛ na nyɩl salm-pla nɩ salm-zɩɛ pàw a,
nyɩ na nyɛ̃ a na a ɩ dɛwr.
Nyɩ na lɔb a na bɛr mɛ̃ bʋ̃-dɛgɛ a,
ɛ́ nyɩ na yel a na: «Nyɩ yi a ka!»
23A Sore na kʋ̀ nyɩ nɩ a saa
a bʋ̃-bʋʋrɛ nyɩ na bʋ̀r a ƴãw.
A bʋ̃-dɩrɩ a tẽsɔw na na kʋ̀ nyɩ a
na ʋr'a ɛ́ nʋmɛ nʋmɛ.
A ʋlɩ bibir nɛ a, a dʋn na 'wɔbr'ɩ mʋ̃ɔ
mʋ̃ɔ 'wɔbrʋ ziir na yɛlmɛ yɛlmɛ a pʋɔ.
24A nĩi nɩ a bòn na kʋɔr a tẽsɔw a
na 'wɔbr'ɩ mʋ̃ɔ bɛ na mɩɩl'ɩ nyaarʋ
ɛ́ dɩ̀ɛl'ɩ pɛl nɩ tɩr-jajaa bɛ na su ƴãw
dà-wogo ƴãw a.
25A ʋlɩ bibir bɛ nãà wa kʋ a nɩbɛ za a,
a zɛbr yir-cõcowli wa lo a lɛn daar a,
bàrʋ kʋ̃ɔ na zɔrɛ nɩ a tã-bɛrɛ nɩ a tãli zu.
26A ʋlɩ bibir a Sore nãà wa 'lẽ a ʋ nɩ-bʋʋrɛ natɩɛ,
ɛ́ sanɩ a bàalʋ bɛ na ŋmɛ bɛ ƴãw a,
a cuw cãà na ɩ na mɛ̃ a mʋ̃tɔ̃w cãà a,
ɛ́ a mʋ̃tɔ̃w cãà caalɩ gb'a ayopõi dɔwlɩ.
A Sore waar'a k'ʋʋ wa kpãà a Asiiri tẽw dem
27A Sore n'ɩ ŋan yi zi-zãána waar.
A suur dɩrɛ ʋ na, suur na ta suur a.
A ʋ nɔgbãbie wule nɩ a suur ʋ na nyɛ̃ a,
a ʋ ƴɛ̀rʋ ɩ n vũu na dɩrɛ a,
28a ʋ nʋɔr pɩɛlʋ ɩ n fʋɔla kʋ̃ɔ
na tuore bom za tɔlɛ nɩ a.
Ʋ waar'a k'ʋʋ wa tɛwtɛw a nɩ-bʋʋr-yoru
a kpɩɛrʋ zɛla pʋɔ,
ɛ́ ƴãw nɔ-bãw a bɛ nɩbɛ kokamɩ́,
tɛr bɛ cen nɩ a be bɛ na bɛ bɔbr a.
29A nyɩɩm Zerizalɛm tẽw dem a, nyɩ na yiele na mɛ̃ a tɩ̃ɩsɔw bɛ na maalɛ cuw a. A nyɩ socie na cɩlɛ na, mɛ̃ a lɛ bɛ na mɩ́ pɛblɛ wele fʋ cere a Sore tãw zu a, fʋ cere a Naaŋmɩn na ɩ a Ɩsɩrayɛl Pìir a zie a.
30A Sore na ɩ na bɛ wõ a ʋ kɔkɔ-kpɛ̃w,
ɛ́ bɛ na nyɛ̃ nɩ a ʋ kpãkpãw
na siwr a ŋmɛb ƴãw a.
Ʋ na wul'ɩ a ʋ suur na bɛ dɩ̃ɛnɛ a,
vũu-zɛlɛ na dɩrɛ a pʋɔ,
lãwnɩ saa na waar'ɩ sɛsɛb
nɩ sa-bi-kube saa a.
31A Asiiri tẽw wa wõ a Sore kɔkɔr
ɛ́ nyɛ̃ a dabɔl ŋmɩɛrʋ na siwr a ʋ zu a,
dɛ̃bɩ̃ɛ na ɩrɛ ʋ na ʋ màwr.
32A Sore dabɔl mɩ́ wa siw a ʋ zu a, a gãgali nɩ a korijome na mɩ́ ŋmɛ na ƴãw. A Sore na vɛlɩ nɩ nũu cɔw a Asiiri tẽw ɛ́ zɛb'ɩ ʋ.
33Bɛ cɔbr'ɩ vũu bɛr koro za.
A nãà ƴãw mɩ̀ n'a.
Bɔw na yɛlmɛ ɛ́ zulme a
pɛrɩ́ n'a bɛ ƴãw dàar yaga viiri koli a vũu ƴãw.
A Sore nʋɔr pɩɛlʋ
na ɩ mɛ̃ cirbi vũu-kpɛ̃ɛ a
na ƴãw nɩ a vũu.
Currently Selected:
Ɩzayi 30: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Ɩzayi 30
30
A sõwfʋ bɔb a Eziptɩ tẽw ɩ n bɛ̀lʋ
1A Sore yere na:
Nyɛ̃ baw-bio na páw nyɩ a,
nyɩɩm bibi-gaarɩ i!
Nyɩ cɔbrɛ nɩ ɩb na bɛ yi a ɩ̃ zie a,
kɛ́ nyɩ ɩ.
Nyɩ maalɛ nɩ wõ-taar
mãa na bɛ n'ʋ ƴãw nyɩ a tɩɛrʋ a.
À ŋá n'a nyɩ mɩ́ maalɩ
yel-bier dɔwlɩ yel-bier zu.
2Nyɩ cere nɩ a Eziptɩ tẽw
ɛ́ bɛ sowri mɛ̃ kaa ɩ.
Faarawɔ̃ naayir'a nyɩ zɔrɛ kpɩɛr,
a ʋ tẽw ɓaarʋ́ n'a nyɩ bɔbr sɔwlʋ zie!
3Ɛcɛ, a Faarawɔ̃ naayir zɔ-kpɛb na ɩ nyɩ nɩ vĩ.
A sɔwlʋ zie nyɩ na bɔbr a Eziptɩ tẽw a
na ɩ n a nyɩ tɩɛrʋ wɛb.
4A nyɩ nɩ-bɛrɛ ta n a Tanisɩ baarɩ,
a nyɩ nɩbɛ nyɩ na tõ a be n a Hanɛsɩ#30:4 Tanisɩ: Nyɛ̃ 19.11 nɩ a manʋ. Hanɛsɩ: Tẽ-kpɛ̃ɛ na be a Eziptɩ tẽw saa-pɛrɩ́-gʋba-lowr nɩ a saa-pɛrɩ́ cara pʋɔ a n'ʋ, mɛ̃ a Tanisɩ a..
5Nɩ-bʋʋrɛ na kʋ̃ tʋ̃ɔ́ ɩ bom za a bɛ ƴãw a
na ɩ na a bɛ tɩɛrʋ wɛ.
A Eziptɩ tẽw dem kʋ̃ tɛr sõwfʋ kãw za a bɛ zie ɩ,
bɛ kʋ̃ tɛr yel-ɩra kãw za a bɛ zie ɩ.
Bɛ na nɩ̃ɛ na ɩ a bɛ vĩ nɩ yo-sãw.
A bɛlɩ dem na dàar a Eziptɩ tẽw sõwfʋ a
6Dʋn na tuo tuor a
tɔlɛ nɩ a Negɛɛvʋ#30:6 Negɛɛvʋ: Nyɛ̃ 21.1 nɩ a manʋ. wɛja-kpalɛ pʋɔ.
Kpɩɛrʋ zie na ɩrɛ dɛ̃bɩ̃ɛ nɩ pʋl-vʋ̃ɔ a n'ʋ,
wɛ-narʋ, bʋ̃-daar nɩ bʋ̃-pɔwbɛ,
dɔpamɛ nɩ wa-bɩɩr na ƴawr a kpɛb zie n'a.
Nɩbɛ tuo nɩ a bɛ na-bome nɩ a bɛ na-bʋ̃-tuor
bòn zu nɩ nyɔ̃wmɩ zɩgɛ zu.
Nɩ-bʋʋrɛ kãw, na kʋ̃ tɛr
yel-ɩra kãw za a bɛ zie a, so a.
7A Eziptɩ tẽw sõwfʋ a,
sɛsɛb'ʋ, ʋ bɛ tɛr pɛr ɛ.
Alɛ so ɩ̃ pór a tẽw ŋa kɛ́
«Arahab na bɛ damnɛ a.»
Yel bɛ na na bãw gùre nɩ a nɩdaar a
8A Sore tɩ yel'ɩ a Ɩzayi: «Ƴɛrɛŋa a,
sɛb a yele á ŋá ƴãw dà-pawle zu
a Zerizalɛm tẽw dem niŋé.
Mɩ̀ sɛb a ƴãw sɛbɛ pʋɔ.
A na ɩ n dãsɩɛ bom a nɩdaar ƴãw.»
9Nɩ-bʋʋrɛ na gaarɩ a nɛbɛ,
bibiir na ŋmarɛ ziri a,
nɩbɛ na bɛ sàwr bɛrɛ wone a Sore wulu a.
10Bɛ yere nɩ a naaŋmɩn-ƴɛ̀r-manbɛ zie:
«Nyɩ taa nyɛrɛ bʋ̃-nyɛrɩ ɛ!
Nyɩ taa yere bom na ɩ sɩza a kʋ̀rɛ tɩ ɛ!
Nyɩ manɛ yele na nʋmɛ a kʋ̀rɛ tɩ.
Nyɩ yere yele na nʋmɛ ɛ́ bɛ ɩ sɩza a kʋ̀rɛ tɩ.
11Nyɩ bɛr a sɔr-vla,
nyɩ zãá nɩ a soli-vla.
Nyɩ ta cãà ƴɛ̀rɛ a Ɩsɩrayɛl Naaŋmɩn
na ɩ sõw a ƴɛ̀rʋ a tɩ zie ɩ!»
Loba na bɛ tɛr à ŋá a
12Alɛ so a Ɩsɩrayɛl Naaŋmɩn na ɩ sõw a yere:
«Nyɩ zawrɛ nɩ a ɩ̃ ƴɛ̀rʋ bɛrɛ,
nyɩ ƴãwnɛ nɩ a nyɩ tɩɛrʋ
a bɛlɩ dem na bɛ̀lɛ nyɩ ɛ́ ŋmarɛ ziri a ƴãw,
ɛ́ dier bɛ bɛ ɩ a nyɩ tɩ̀ɛrbɛ.
13A na ɩ à ŋá a, a yel-bier ŋa na ɩ n a nyɩ zie
mɛ̃ wɛra na be dacĩ-kpɛ̃ɛ na kɛrɩ a ƴãw a.
Kpáwr wa sãá nɩ a dacin ƴãw,
ɛ́ bɛ wa bere ʋ lo.
14A dacin na ŋmɛr'a yaarɩ pʋrpʋr,
mɛ̃ yawr-mɩɛrɛ dʋw a.
A bɛ lɛb tɛr ɩb za ɩ,
bɛ kʋ̃ tʋ̃ɔ́ nyɛ̃ sele a bʋ̃-ŋmɛrsɩ pʋɔ
mʋ̃ɔ nɩ vũu dam pʋɔ
bɩɩ 'wɔ̃w nɩ kʋ̃ɔ tã-bɔw pʋɔ ɩ.»
Nyɩ ɓãa nyɩ mɩŋa ɛ́ ƴãw a nyɩ tɩɛrʋ a ɩ̃ ƴãw
15À ŋá n'a a Sore Naaŋmɩn,
a Ɩsɩrayɛl Naaŋmɩn na ɩ sõw a yere:
Nyɩ na na lɛb wa a ɩ̃ zie a,
nɩ nyɩ na na ɓãa nyɩ mɩŋa a,
lɛ tɛwr'a nyɩ na nyɛ̃ a faafʋ.
A nyɩ fãw tɛwr'ɩ nyɩ na na zɩ̃ zoom
ɛ́ ƴãw a nyɩ tɩɛrʋ a ɩ̃ ƴãw a.
Ɛcɛ nyɩ bɛ sàwr ɛ.
16Nyɩ yere na:
«Aɩ, tɩ na zɔm'ɩ wie zɔ n.»
Ãà, nyɩ na zɔ na.
Nyɩ mɩ̀ cãà na yere:
«A tɩ wie na gárɛ nɩ fɔ̃w fɔ̃w.»
Ãà, a bɛlɩ dem na diwr nyɩ a
na zɔrɛ nɩ fɔ̃w zuo lɛ!
17Dɔ̃ sob been yõ
na fuw nɩ a nyɩ nɩbɛ túr.
Dɔ̃ dem anũu na fuw nyɩ na,
nyɩ zɔ nyɩ za
ɛ́ tɩ cɛ ɩ mɛ̃ bãwfʋ na be tã-kpɛ̃ɛ nyʋɔrɩ́ a,
mɛ̃ dɩrapo na bà tãle zu a.
A Sore na wul'ɩ a ʋ nɩ-bʋʋrɛ a ʋ nɔ̃wfʋ
18Ɛcɛ a Sore gùre nɩ a daar
ʋ na na wul nyɩ a ʋ nɔ̃wfʋ a,
ʋ na ìr'a wul nyɩ a ʋ nɩbaal-zɔba.
Bʋ̃ʋ n'ʋ vɛ̃, a Sore ɩ n Naaŋmɩn na tuur mɩnʋ a.
Zu-nʋ̃ɔ̀ dem'ɩ a bɛlɩ dem za
na ƴãw a bɛ tɩɛrʋ a ʋ ƴãw a.
19Nyɩɩm, Sɩyɔ̃ tẽw nɩbɛ ɛ,
nyɩɩm na kpɩɛr a Zerizalɛm a,
nyɩ kʋ̃ lɛb kõ ɩ.
Nyɩmɛ wa kone cɔwr a Sore a,
ʋ na wul nyɩ nɩ a ʋ nɔ̃wfʋ.
Ʋlɛ wa dɛ wõ a nyɩ kon a, ʋ na sɔw nyɩ na.
20Nyɩmɛ wa be a kpɩɛrʋ pʋɔ a,
a Sore na kʋ̀ nyɩ nɩ a bʋ̃-dɩrɩ.
Nyɩmɛ wa nyɛrɛ dɔwrʋ a,
ʋ na kʋ̀ nyɩ nɩ kʋ̃ɔ nyɩ nyũ.
A sob nɛ na wule nyɩ a kʋ̃ lɛb sɔwlɩ ɛ,
ɛ́ nyɩ na nyɛ̃ ʋ na nɩ a nyɩ mimie.
21Alɛ wa fɛr kɛ́ nyɩ tu dʋrʋ bɩɩ gʋba a,
nyɩ na wõ n ƴɛ̀r-bie á ŋá a nyɩ zikurí:
«Nyɩ nyɛ̃ a sɔ́r a na fɛr kɛ́ nyɩ de a.»
22A nyɩ dàar bɩɩ kure tɩbɛ
bɛ na nyɩl salm-pla nɩ salm-zɩɛ pàw a,
nyɩ na nyɛ̃ a na a ɩ dɛwr.
Nyɩ na lɔb a na bɛr mɛ̃ bʋ̃-dɛgɛ a,
ɛ́ nyɩ na yel a na: «Nyɩ yi a ka!»
23A Sore na kʋ̀ nyɩ nɩ a saa
a bʋ̃-bʋʋrɛ nyɩ na bʋ̀r a ƴãw.
A bʋ̃-dɩrɩ a tẽsɔw na na kʋ̀ nyɩ a
na ʋr'a ɛ́ nʋmɛ nʋmɛ.
A ʋlɩ bibir nɛ a, a dʋn na 'wɔbr'ɩ mʋ̃ɔ
mʋ̃ɔ 'wɔbrʋ ziir na yɛlmɛ yɛlmɛ a pʋɔ.
24A nĩi nɩ a bòn na kʋɔr a tẽsɔw a
na 'wɔbr'ɩ mʋ̃ɔ bɛ na mɩɩl'ɩ nyaarʋ
ɛ́ dɩ̀ɛl'ɩ pɛl nɩ tɩr-jajaa bɛ na su ƴãw
dà-wogo ƴãw a.
25A ʋlɩ bibir bɛ nãà wa kʋ a nɩbɛ za a,
a zɛbr yir-cõcowli wa lo a lɛn daar a,
bàrʋ kʋ̃ɔ na zɔrɛ nɩ a tã-bɛrɛ nɩ a tãli zu.
26A ʋlɩ bibir a Sore nãà wa 'lẽ a ʋ nɩ-bʋʋrɛ natɩɛ,
ɛ́ sanɩ a bàalʋ bɛ na ŋmɛ bɛ ƴãw a,
a cuw cãà na ɩ na mɛ̃ a mʋ̃tɔ̃w cãà a,
ɛ́ a mʋ̃tɔ̃w cãà caalɩ gb'a ayopõi dɔwlɩ.
A Sore waar'a k'ʋʋ wa kpãà a Asiiri tẽw dem
27A Sore n'ɩ ŋan yi zi-zãána waar.
A suur dɩrɛ ʋ na, suur na ta suur a.
A ʋ nɔgbãbie wule nɩ a suur ʋ na nyɛ̃ a,
a ʋ ƴɛ̀rʋ ɩ n vũu na dɩrɛ a,
28a ʋ nʋɔr pɩɛlʋ ɩ n fʋɔla kʋ̃ɔ
na tuore bom za tɔlɛ nɩ a.
Ʋ waar'a k'ʋʋ wa tɛwtɛw a nɩ-bʋʋr-yoru
a kpɩɛrʋ zɛla pʋɔ,
ɛ́ ƴãw nɔ-bãw a bɛ nɩbɛ kokamɩ́,
tɛr bɛ cen nɩ a be bɛ na bɛ bɔbr a.
29A nyɩɩm Zerizalɛm tẽw dem a, nyɩ na yiele na mɛ̃ a tɩ̃ɩsɔw bɛ na maalɛ cuw a. A nyɩ socie na cɩlɛ na, mɛ̃ a lɛ bɛ na mɩ́ pɛblɛ wele fʋ cere a Sore tãw zu a, fʋ cere a Naaŋmɩn na ɩ a Ɩsɩrayɛl Pìir a zie a.
30A Sore na ɩ na bɛ wõ a ʋ kɔkɔ-kpɛ̃w,
ɛ́ bɛ na nyɛ̃ nɩ a ʋ kpãkpãw
na siwr a ŋmɛb ƴãw a.
Ʋ na wul'ɩ a ʋ suur na bɛ dɩ̃ɛnɛ a,
vũu-zɛlɛ na dɩrɛ a pʋɔ,
lãwnɩ saa na waar'ɩ sɛsɛb
nɩ sa-bi-kube saa a.
31A Asiiri tẽw wa wõ a Sore kɔkɔr
ɛ́ nyɛ̃ a dabɔl ŋmɩɛrʋ na siwr a ʋ zu a,
dɛ̃bɩ̃ɛ na ɩrɛ ʋ na ʋ màwr.
32A Sore dabɔl mɩ́ wa siw a ʋ zu a, a gãgali nɩ a korijome na mɩ́ ŋmɛ na ƴãw. A Sore na vɛlɩ nɩ nũu cɔw a Asiiri tẽw ɛ́ zɛb'ɩ ʋ.
33Bɛ cɔbr'ɩ vũu bɛr koro za.
A nãà ƴãw mɩ̀ n'a.
Bɔw na yɛlmɛ ɛ́ zulme a
pɛrɩ́ n'a bɛ ƴãw dàar yaga viiri koli a vũu ƴãw.
A Sore nʋɔr pɩɛlʋ
na ɩ mɛ̃ cirbi vũu-kpɛ̃ɛ a
na ƴãw nɩ a vũu.
La Bible en Dagara © Alliance Biblique du Burkina Faso, 2013.