Ɩzayi 31
31
Bʋ̃ʋ n'ɩ a Eziptɩ tẽw?
1Baw-bio wɛ!
A nɩbɛ bɛ ŋa siwr'ɩ Eziptɩ tẽw
kɛ́ bɛ tɩ bɔ sõwfʋ.
Bɛ bɛr'ɩ tɩɛrʋ a wie ƴãw,
a zɛbr-torkori ƴãw n'a bɛ ƴãw a bɛ tɩɛrʋ,
a na yãwmɛ a ƴãw,
nɩ a bɛ wi-zɔmnbɛ ƴãw,
bɛ na tɛr fãw yaga a ƴãw.
Ɛcɛ bɛ bɛ jɩ́rɛ
a Ɩsɩrayɛl Naaŋmɩn na ɩ sõw a lowr ɛ.
Bɛ bɛ bɔbr a Sore ɩ.
2Ɛcɛ a ʋl mɩ̀ a, ʋ cɩ na:
ʋ na tʋ̃ɔ́ na ɩ a yel-faa ta,
ʋ bɛ lɩɛbɛ a lɛ ʋ na yel a bɛrɛ ɩ.
Ʋ ìre nɩ a nɩ-faar lãw ƴãw,
nɩ a yel-fa-maalbɛ bɛ na bʋɔlɛ
kɛ́ bɛ wa sõw a ƴãw.
3A Eziptɩ tẽw dem ɩ n nɩsaalbɛ tɛwr,
bɛ bɛ tɛr Naaŋmɩn fãw kãw za ɩ.
A bɛ wie ɩ n dʋn tɛwr,
a bɛ tɛr bom kãw za dɔwlɩ ɛ.
A Sore wa zɛw a nũu a,
a sõw-sõwne na kaw na,
a sob ʋ na sõwne a lo,
à ɩ a bɛ za ayi baarʋ.
A Sore na gù n a Zerizalɛm
4À ŋá n'a a Sore ƴɛ̀r a ɩ̃ zie:
«A gbẽw bɩɩ a gbẽw-bile wa kone
bɛ sàwr'ɩ a bom ʋ na nyɔw a ƴãw a,
bɛlɛ saa bʋɔlɩ dʋ̃-cɩ̃ɩnbɛ yaga yaga
ɓã taa a ʋ ƴãw a,
a bɛ cɛlsɩ bɛ ɩrɛ ʋ dɛ̃bɩ̃ɛ ɩ,
a bɛ gɔmɛ bɛ damnɛ ʋ ɛ.
À ŋá n'a a na ŋmɛ̃ a lɛn daar
a mãa, a Sore kpɛnʋ-za-sob,
nãà wa siw a Sɩyɔ̃ tãw zu
k'ɩ̃ɩ tɩ zɛb a zɛbr a.»
5Mɛ̃ a lɛ lile na mɩ́ yɛ́r a ʋ pɩgɛ a,
a Sore, a kpɛnʋ-za-sob,
na gù n a Zerizalɛm.
Ʋ na gù ʋ na ɛ́ faa ʋ,
ʋ na jɩɩr'ʋ na bɛr ɛ́ faa ʋ.
6Ɩsɩrayɛl nɩbɛ ɛ, nyɩ gùr'ɩ pùor vla vla kʋ̀ a Sore. A na ɩ à ŋá a, nyɩ lɛb wa a ʋ zie. 7A ʋlɩ bibir nɛ a, a nyɩ kãw za na lɔb'ɩ a ʋ salm-pla nɩ a ʋ salm-zɩɛ tɩbɛ a ʋ yel-bier maalɛ nuru na maalɩ a bɛr.
8A Asiiri tẽw na lo na,
ɛ́ a bɛ ɩ zɛbr-sɔ-kpɛ̃ɛ
na ɩ nɩsaalbɛ dem a n'ʋ gɔr ʋ lɔb ɛ.
A zɛbr-sɔ-kpɛ̃ɛ na na sãw ʋ bɛr a,
bɛ ɩ nɩsaal zɛbr-sɔ-kpɛ̃ɛ ɩ.
A Asiiri tẽw dem na zɔ n a ʋ niŋé,
ɛ́ bɛ ƴãw a ʋ zɛbr-nɩ-pɔlɛ
tone pɔ̃tɔrɩ tome.
9A pʋl-vʋ̃ɔ ƴãw a,
a bɛl na kpɛmɛ zuo za a na zɔ na,
ɛ́ a nɩ-bɛrɛ a kanyir na baarɩ a,
na tɩɛ nɩ a bɛ dɩrapo bɛr.
A Sore n'ʋ yere a lɛ,
ʋl na tɛr a ʋ vũu-'lera a Sɩyɔ̃ a,
vũu bɛ na gbɔw a Zerizalɛm a.
Currently Selected:
Ɩzayi 31: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Ɩzayi 31
31
Bʋ̃ʋ n'ɩ a Eziptɩ tẽw?
1Baw-bio wɛ!
A nɩbɛ bɛ ŋa siwr'ɩ Eziptɩ tẽw
kɛ́ bɛ tɩ bɔ sõwfʋ.
Bɛ bɛr'ɩ tɩɛrʋ a wie ƴãw,
a zɛbr-torkori ƴãw n'a bɛ ƴãw a bɛ tɩɛrʋ,
a na yãwmɛ a ƴãw,
nɩ a bɛ wi-zɔmnbɛ ƴãw,
bɛ na tɛr fãw yaga a ƴãw.
Ɛcɛ bɛ bɛ jɩ́rɛ
a Ɩsɩrayɛl Naaŋmɩn na ɩ sõw a lowr ɛ.
Bɛ bɛ bɔbr a Sore ɩ.
2Ɛcɛ a ʋl mɩ̀ a, ʋ cɩ na:
ʋ na tʋ̃ɔ́ na ɩ a yel-faa ta,
ʋ bɛ lɩɛbɛ a lɛ ʋ na yel a bɛrɛ ɩ.
Ʋ ìre nɩ a nɩ-faar lãw ƴãw,
nɩ a yel-fa-maalbɛ bɛ na bʋɔlɛ
kɛ́ bɛ wa sõw a ƴãw.
3A Eziptɩ tẽw dem ɩ n nɩsaalbɛ tɛwr,
bɛ bɛ tɛr Naaŋmɩn fãw kãw za ɩ.
A bɛ wie ɩ n dʋn tɛwr,
a bɛ tɛr bom kãw za dɔwlɩ ɛ.
A Sore wa zɛw a nũu a,
a sõw-sõwne na kaw na,
a sob ʋ na sõwne a lo,
à ɩ a bɛ za ayi baarʋ.
A Sore na gù n a Zerizalɛm
4À ŋá n'a a Sore ƴɛ̀r a ɩ̃ zie:
«A gbẽw bɩɩ a gbẽw-bile wa kone
bɛ sàwr'ɩ a bom ʋ na nyɔw a ƴãw a,
bɛlɛ saa bʋɔlɩ dʋ̃-cɩ̃ɩnbɛ yaga yaga
ɓã taa a ʋ ƴãw a,
a bɛ cɛlsɩ bɛ ɩrɛ ʋ dɛ̃bɩ̃ɛ ɩ,
a bɛ gɔmɛ bɛ damnɛ ʋ ɛ.
À ŋá n'a a na ŋmɛ̃ a lɛn daar
a mãa, a Sore kpɛnʋ-za-sob,
nãà wa siw a Sɩyɔ̃ tãw zu
k'ɩ̃ɩ tɩ zɛb a zɛbr a.»
5Mɛ̃ a lɛ lile na mɩ́ yɛ́r a ʋ pɩgɛ a,
a Sore, a kpɛnʋ-za-sob,
na gù n a Zerizalɛm.
Ʋ na gù ʋ na ɛ́ faa ʋ,
ʋ na jɩɩr'ʋ na bɛr ɛ́ faa ʋ.
6Ɩsɩrayɛl nɩbɛ ɛ, nyɩ gùr'ɩ pùor vla vla kʋ̀ a Sore. A na ɩ à ŋá a, nyɩ lɛb wa a ʋ zie. 7A ʋlɩ bibir nɛ a, a nyɩ kãw za na lɔb'ɩ a ʋ salm-pla nɩ a ʋ salm-zɩɛ tɩbɛ a ʋ yel-bier maalɛ nuru na maalɩ a bɛr.
8A Asiiri tẽw na lo na,
ɛ́ a bɛ ɩ zɛbr-sɔ-kpɛ̃ɛ
na ɩ nɩsaalbɛ dem a n'ʋ gɔr ʋ lɔb ɛ.
A zɛbr-sɔ-kpɛ̃ɛ na na sãw ʋ bɛr a,
bɛ ɩ nɩsaal zɛbr-sɔ-kpɛ̃ɛ ɩ.
A Asiiri tẽw dem na zɔ n a ʋ niŋé,
ɛ́ bɛ ƴãw a ʋ zɛbr-nɩ-pɔlɛ
tone pɔ̃tɔrɩ tome.
9A pʋl-vʋ̃ɔ ƴãw a,
a bɛl na kpɛmɛ zuo za a na zɔ na,
ɛ́ a nɩ-bɛrɛ a kanyir na baarɩ a,
na tɩɛ nɩ a bɛ dɩrapo bɛr.
A Sore n'ʋ yere a lɛ,
ʋl na tɛr a ʋ vũu-'lera a Sɩyɔ̃ a,
vũu bɛ na gbɔw a Zerizalɛm a.
La Bible en Dagara © Alliance Biblique du Burkina Faso, 2013.