Ɩzayi 29
29
A Zerizalɛm bɛ na piw a, nɩ a faafʋ ʋ na nyɛ̃ a
1A Sore yere na:
«Baw-bio, Arɩɛl i, Arɩɛl#29:1 Arɩɛl: A ka a, a Zerizalɛm n'ʋ bɛ por a yúor ŋa. Alɛ bɛ ɩ lɛ, a bàwr-maal-kuur dam n'ʋ bɛ bʋɔlɛ à à ŋá, a be bɛ na mɩ́ nyɩw a bàwr-maal-dʋn bɛ na kʋ a. i,
Zerizalɛm tẽ-kpɛ̃ɛ a nãà Daviir na tɩ piw a!
Fʋ na tʋ̃ɔ́ na tɛr a cuwr za maalɛ
yũon za, yũon za,
2ɛcɛ ɩ̃ na dɔwrɩ fʋ na, Arɩɛl i.
Fʋ na ɩ n kon nɩ 'woi 'woi tɛwr,
ɛ́ a ɩ̃ zie fʋ ɩ mɛ̃ a bàwr-maal-kuur Arɩɛl a,
a be bɛ na mɩ́ nyɩw a bàwr-maal-bome a.
3Ɩ̃ na maal'ɩ a ɩ̃ laɩ viiri koli fʋ.
Ɩ̃ na cɔbr'ɩ ziir bɛ na mɩ́ pĩ kɛ́ zɛb a jil koli fʋ,
ɩ̃ na kaal'ɩ tanɛ ɓã taa a do ɩ̃ zɛb'ɩ fʋ.
4Fʋ na lo na siw pile za,
a fʋ kɔkɔr ɩ mɛ̃ a tẽsɔw pʋ̃ɔmɩ n'a ʋ yire a.
Ʋ na yire nɩ a tanɛ pʋɔ bɛ bɛ maal wone ʋ ɛ.
A na ɩ na mɛ̃ a tẽsɔw pʋɔ n'a ʋ yire
mɛ̃ nyãakpɩ̃ɩn kɔkɔr
na waalɛ yire a tanɛ pʋɔ a.
5A fʋ dɔ̃ dem yaga yaga
ɩ na mɛ̃ uuru zũzuwr'a,
a po-to-fãw dem na zɛbr'ɩ fʋ a
ɩ na mɛ̃ sagɛ sɛsɛb na fu a ìr do a.»
Ɛ́ wa bere
6a Sore, a kpɛnʋ-za-sob wa a fʋ maalʋ ƴãw,
saa tanʋ, tẽsɔw damnʋ,
gɔmɛ na pàw kpɛ̃w kpɛ̃w za a,
sɛsɛb-pɩl-kpɛ̃ɛ, saa nɩ sɛsɛb,
nɩ vũu-zɛlɛ na dɩrɛ a pʋɔ.
7Arɩɛl i, a nɩ-bʋʋr-yaga yaga
na tɩ ŋmãa nɩ fʋ a zɛbr a,
a bɛl na tɩ zɛbr'ɩ fʋ a,
na tɩ cɔbrɩ ziir bɛ na mɩ́ pĩ kɛ́ zɛbr jil koli fʋ,
ɛ́ tɩ dɔwrɛ fʋ a,
bɛ bɔr'ɩ bɛ za mɛ̃ zánʋ a,
mɛ̃ tɩ̃ɩsɔw yel-nyɛra a.
8Nɩr kɔ̃ na kpɩɛr a zanɩ na nyɛ̃ ʋ dɩrɛ,
ɛcɛ ʋ na wa zaw ìr a, ʋ cãà na tɛr a pʋ-zawla.
Nɩr kʋ̃ɔ-nyúur na kpɩɛr a,
zanɩ na nyɛ̃ ʋ nyuur kʋ̃ɔ,
ɛcɛ ʋ na wa zaw ìr, bàl ʋ za a,
a kɔkɔr cãà na kò.
À à ŋá n'a a na ŋmɛ̃ a nɩ-bʋʋr-yaga yaga
na tɩ zɛbr'ɩ a Sɩyɔ̃ tãw a zie.
A naaŋmɩn-ƴɛ̀r-manbɛ nɩ a yel-nyɛrbɛ tɛɛ za bɛ bãw a yel pɛr ɛ
9A yele, á ùr nyɩ ɛ́ nyɩ ta tɛr nʋɔr ɛ,
nyɩ lɩɛbɩ zɔn ɛ́ ta nyɛrɛ ɩ,
nyɩ kuoli, ɛ́ a ta ɩ divɛ̃ n'a ɩ,
nyɩ cere dẽdere, ɛ́ bɛ nyũ ɛ.
10Bʋ̃ʋ n'ʋ vɛ̃, a Sore gbini nɩ a nyɩ yã,
ʋ bɛ sàw a nyɩ naaŋmɩn-ƴɛ̀r-manbɛ nyɛrɛ ɩ,
ʋ pàw nɩ a nyɩ yel-nyɛrbɛ niŋe nɩ pɛn.
11A yele á ŋá za bɛ na wul a ɩ n a nyɩ zie mɛ̃ ƴɛ̀r-bie bɛ na ƴãw sɛbɛ pʋɔ ɛ́ mɛr a sɛbɛ nʋɔr pàw nɩ sɩ-suur a. Bɛ de nɩ a sɛbɛ kʋ̀ nɩr na bãw kanʋ a, ɛ́ yel ʋ: «Alɛ, kanɩ a bom ŋa!» Ʋ sɔw: «Ɩ̃ kʋ̃ tʋ̃ɔ́ ɩ, bɛ mɛr'ɩ a sɛbɛ nʋɔr pàw.» 12Lɛ n'a bɛ de ʋ kʋ̀ nɩr na bɛ bãw kanʋ a, ɛ́ yel ʋ: «Alɛ, kanɩ a bom ŋa!» Ʋ sɔw: «Ɩ̃ bɛ bãw kanʋ ɛ.»
A Sore na cãà na cow a ʋ nɔ-ɓãa tome
13A Sore yere na:
«Nʋɔr'ʋ a nɩ-bʋʋrɛ bɛ ŋa tawr pɩɛlɛ nɩ mɛ̃,
nʋɔr ƴɛ̀rʋ tɛwr'a bɛ ƴãwnɛ nɩ mɛ̃.
Ɛcɛ a bɛ socie zãá nɩ mɛ̃ na.
A zɔba bɛ na zɔrɛ mɛ̃ a
ɩ n nɩsaal nɔ-ƴãwna tɛwr bɛ na zanɩ a.
14Alɛ so ɩ na cãà cow maalɛ nɔ-ɓãa yele a bɛ zie.
A bɛ yã-bãwnbɛ yã-bãwfʋ na tɔl'a gù,
ɛ́ a bɛ yã dem yã bɔr.»
Nyɩ bʋɔlɛ nɩ a Sore bʋnʋ?
15Baw-bio! A nɩbɛ bɛ ŋa sɔwlɛ na ɩrɛ,
kɛ́ bɛ sɔwlɩ a Sore a lɛ bɛ na tɩɛrɩ bin a.
Bɛ cɔbrɛ nɩ a bɛ yele a lige pʋɔ.
Bɛ yere na: «Ãa n'ʋ nyɛrɛ tɩ?
Ãa n'ʋ bãw bom nɛ tɩ na ɩrɛ a?»
16Nyɛ̃ faalʋ kãw nyɩ na fa a!
Bɛ na tʋ̃ɔ́ na de a yawr-mɩɛrɛ ʋ ɩ a yawra bɩɩ?
A bom bɛ na maalɩ a na yel'ɩ a maalɛ:
«Ʋ bɛ maalɩ mɛ̃ bɩɩ?»
A bom bɛ na mɛ a na yel'ɩ a yawr-mɩɛrɛ:
«Ʋ bɛ bãw bom za bɩɩ?»
A yele na lɩɛb'a
17Ka nɩ blãlɛ,
a Libã tẽw tuw na lɩɛb'ɩ tɩ-wɔnɩ zaadɛ̃,
ɛ́ a tɩ-wɔnɩ zaadɛ̃ lɩɛbɩ tuw.
18A ʋlɩ bibir a, a won na wone nɩ
a lɛ bɛ na yel a sɛbɛ pʋɔ a.
A zɔn na yi n a liw-varkpara pʋɔ nyɛrɛ.
19A bãbàalbɛ na nyɛrɛ nɩ nʋ̃ɔ̀ dɔwlɛ a Sore zie,
ɛ́ a bɛl na ɩ nan dem zuo za a nɩsaalbɛ pʋɔ a,
cɩlɛ ƴawr'ɩ a Ɩsɩrayɛl Naaŋmɩn na ɩ sõw a zũú.
20Bʋ̃ʋ n'ʋ vɛ̃, a na ɩ n a po-to-fãw-ɩb dem baarʋ,
ɛ́ a nyɔka dem kʋ̃ cãà be ɩ.
A bɛlɩ dem za
na mɩ́ ũú gù a yel-faa maalʋ a,
bɛ na kʋ bɛ na pàw pɛr,
21a bɛl na mɩ́ yel kɛ́ nɩr sãw na, ɛ́ a ɩ ziri a,
na mɩ́ ƴãwnɛ bɛrɩ a ƴɛ̀r-dɩrbɛ a,
na mɩ́ ɩ bɛ ƴãw dɔwrʋ nɩr na bɛ sãw a.
22Alɛ n'a so, ƴɛ̀rʋ ŋa n'ʋ a Sore,
a ʋl na faa a Abraham a,
ƴɛ̀rɛ kʋ̀rɛ a Zakɔb bʋʋrɛ:
«Dɩ̃a na ta a, a Zakɔb bʋʋrɛ kʋ̃ lɛb nyɛ̃ vĩ ɛ,
vĩ kʋ̃ lɛb nyɔw bɛ bɛ su zuru ɛ.
23Bʋ̃ʋ n'ʋ vɛ̃, bɛlɛ nɩ a bɛ bibiir
na nyɛ̃ nɩ a ʋlɩ bom nɛ ɩ̃ na na ɩ a bɛ sɔgɔ a.
Lɛ n'a bɛ na nyɛ̃ bãw sob nɛ na nɛ m a,
mãa, a Zakɔb Naaŋmɩn na ɩ sõw a,
bɛ na zɔrɛ nɩ a ɩ̃ pʋɔ sãwfʋ,
mãa, a Ɩsɩrayɛl Naaŋmɩn.
24A bɛlɩ dem a tɩɛrʋ na bɛ mɩ́ tori a
na tĩ na bãw a pɛr,
bɛl na mɩ́ tɩ zɛbr kʋralɛ a,
bɛ na bɛr'a bɛ wule bɛ.»
Currently Selected:
Ɩzayi 29: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Ɩzayi 29
29
A Zerizalɛm bɛ na piw a, nɩ a faafʋ ʋ na nyɛ̃ a
1A Sore yere na:
«Baw-bio, Arɩɛl i, Arɩɛl#29:1 Arɩɛl: A ka a, a Zerizalɛm n'ʋ bɛ por a yúor ŋa. Alɛ bɛ ɩ lɛ, a bàwr-maal-kuur dam n'ʋ bɛ bʋɔlɛ à à ŋá, a be bɛ na mɩ́ nyɩw a bàwr-maal-dʋn bɛ na kʋ a. i,
Zerizalɛm tẽ-kpɛ̃ɛ a nãà Daviir na tɩ piw a!
Fʋ na tʋ̃ɔ́ na tɛr a cuwr za maalɛ
yũon za, yũon za,
2ɛcɛ ɩ̃ na dɔwrɩ fʋ na, Arɩɛl i.
Fʋ na ɩ n kon nɩ 'woi 'woi tɛwr,
ɛ́ a ɩ̃ zie fʋ ɩ mɛ̃ a bàwr-maal-kuur Arɩɛl a,
a be bɛ na mɩ́ nyɩw a bàwr-maal-bome a.
3Ɩ̃ na maal'ɩ a ɩ̃ laɩ viiri koli fʋ.
Ɩ̃ na cɔbr'ɩ ziir bɛ na mɩ́ pĩ kɛ́ zɛb a jil koli fʋ,
ɩ̃ na kaal'ɩ tanɛ ɓã taa a do ɩ̃ zɛb'ɩ fʋ.
4Fʋ na lo na siw pile za,
a fʋ kɔkɔr ɩ mɛ̃ a tẽsɔw pʋ̃ɔmɩ n'a ʋ yire a.
Ʋ na yire nɩ a tanɛ pʋɔ bɛ bɛ maal wone ʋ ɛ.
A na ɩ na mɛ̃ a tẽsɔw pʋɔ n'a ʋ yire
mɛ̃ nyãakpɩ̃ɩn kɔkɔr
na waalɛ yire a tanɛ pʋɔ a.
5A fʋ dɔ̃ dem yaga yaga
ɩ na mɛ̃ uuru zũzuwr'a,
a po-to-fãw dem na zɛbr'ɩ fʋ a
ɩ na mɛ̃ sagɛ sɛsɛb na fu a ìr do a.»
Ɛ́ wa bere
6a Sore, a kpɛnʋ-za-sob wa a fʋ maalʋ ƴãw,
saa tanʋ, tẽsɔw damnʋ,
gɔmɛ na pàw kpɛ̃w kpɛ̃w za a,
sɛsɛb-pɩl-kpɛ̃ɛ, saa nɩ sɛsɛb,
nɩ vũu-zɛlɛ na dɩrɛ a pʋɔ.
7Arɩɛl i, a nɩ-bʋʋr-yaga yaga
na tɩ ŋmãa nɩ fʋ a zɛbr a,
a bɛl na tɩ zɛbr'ɩ fʋ a,
na tɩ cɔbrɩ ziir bɛ na mɩ́ pĩ kɛ́ zɛbr jil koli fʋ,
ɛ́ tɩ dɔwrɛ fʋ a,
bɛ bɔr'ɩ bɛ za mɛ̃ zánʋ a,
mɛ̃ tɩ̃ɩsɔw yel-nyɛra a.
8Nɩr kɔ̃ na kpɩɛr a zanɩ na nyɛ̃ ʋ dɩrɛ,
ɛcɛ ʋ na wa zaw ìr a, ʋ cãà na tɛr a pʋ-zawla.
Nɩr kʋ̃ɔ-nyúur na kpɩɛr a,
zanɩ na nyɛ̃ ʋ nyuur kʋ̃ɔ,
ɛcɛ ʋ na wa zaw ìr, bàl ʋ za a,
a kɔkɔr cãà na kò.
À à ŋá n'a a na ŋmɛ̃ a nɩ-bʋʋr-yaga yaga
na tɩ zɛbr'ɩ a Sɩyɔ̃ tãw a zie.
A naaŋmɩn-ƴɛ̀r-manbɛ nɩ a yel-nyɛrbɛ tɛɛ za bɛ bãw a yel pɛr ɛ
9A yele, á ùr nyɩ ɛ́ nyɩ ta tɛr nʋɔr ɛ,
nyɩ lɩɛbɩ zɔn ɛ́ ta nyɛrɛ ɩ,
nyɩ kuoli, ɛ́ a ta ɩ divɛ̃ n'a ɩ,
nyɩ cere dẽdere, ɛ́ bɛ nyũ ɛ.
10Bʋ̃ʋ n'ʋ vɛ̃, a Sore gbini nɩ a nyɩ yã,
ʋ bɛ sàw a nyɩ naaŋmɩn-ƴɛ̀r-manbɛ nyɛrɛ ɩ,
ʋ pàw nɩ a nyɩ yel-nyɛrbɛ niŋe nɩ pɛn.
11A yele á ŋá za bɛ na wul a ɩ n a nyɩ zie mɛ̃ ƴɛ̀r-bie bɛ na ƴãw sɛbɛ pʋɔ ɛ́ mɛr a sɛbɛ nʋɔr pàw nɩ sɩ-suur a. Bɛ de nɩ a sɛbɛ kʋ̀ nɩr na bãw kanʋ a, ɛ́ yel ʋ: «Alɛ, kanɩ a bom ŋa!» Ʋ sɔw: «Ɩ̃ kʋ̃ tʋ̃ɔ́ ɩ, bɛ mɛr'ɩ a sɛbɛ nʋɔr pàw.» 12Lɛ n'a bɛ de ʋ kʋ̀ nɩr na bɛ bãw kanʋ a, ɛ́ yel ʋ: «Alɛ, kanɩ a bom ŋa!» Ʋ sɔw: «Ɩ̃ bɛ bãw kanʋ ɛ.»
A Sore na cãà na cow a ʋ nɔ-ɓãa tome
13A Sore yere na:
«Nʋɔr'ʋ a nɩ-bʋʋrɛ bɛ ŋa tawr pɩɛlɛ nɩ mɛ̃,
nʋɔr ƴɛ̀rʋ tɛwr'a bɛ ƴãwnɛ nɩ mɛ̃.
Ɛcɛ a bɛ socie zãá nɩ mɛ̃ na.
A zɔba bɛ na zɔrɛ mɛ̃ a
ɩ n nɩsaal nɔ-ƴãwna tɛwr bɛ na zanɩ a.
14Alɛ so ɩ na cãà cow maalɛ nɔ-ɓãa yele a bɛ zie.
A bɛ yã-bãwnbɛ yã-bãwfʋ na tɔl'a gù,
ɛ́ a bɛ yã dem yã bɔr.»
Nyɩ bʋɔlɛ nɩ a Sore bʋnʋ?
15Baw-bio! A nɩbɛ bɛ ŋa sɔwlɛ na ɩrɛ,
kɛ́ bɛ sɔwlɩ a Sore a lɛ bɛ na tɩɛrɩ bin a.
Bɛ cɔbrɛ nɩ a bɛ yele a lige pʋɔ.
Bɛ yere na: «Ãa n'ʋ nyɛrɛ tɩ?
Ãa n'ʋ bãw bom nɛ tɩ na ɩrɛ a?»
16Nyɛ̃ faalʋ kãw nyɩ na fa a!
Bɛ na tʋ̃ɔ́ na de a yawr-mɩɛrɛ ʋ ɩ a yawra bɩɩ?
A bom bɛ na maalɩ a na yel'ɩ a maalɛ:
«Ʋ bɛ maalɩ mɛ̃ bɩɩ?»
A bom bɛ na mɛ a na yel'ɩ a yawr-mɩɛrɛ:
«Ʋ bɛ bãw bom za bɩɩ?»
A yele na lɩɛb'a
17Ka nɩ blãlɛ,
a Libã tẽw tuw na lɩɛb'ɩ tɩ-wɔnɩ zaadɛ̃,
ɛ́ a tɩ-wɔnɩ zaadɛ̃ lɩɛbɩ tuw.
18A ʋlɩ bibir a, a won na wone nɩ
a lɛ bɛ na yel a sɛbɛ pʋɔ a.
A zɔn na yi n a liw-varkpara pʋɔ nyɛrɛ.
19A bãbàalbɛ na nyɛrɛ nɩ nʋ̃ɔ̀ dɔwlɛ a Sore zie,
ɛ́ a bɛl na ɩ nan dem zuo za a nɩsaalbɛ pʋɔ a,
cɩlɛ ƴawr'ɩ a Ɩsɩrayɛl Naaŋmɩn na ɩ sõw a zũú.
20Bʋ̃ʋ n'ʋ vɛ̃, a na ɩ n a po-to-fãw-ɩb dem baarʋ,
ɛ́ a nyɔka dem kʋ̃ cãà be ɩ.
A bɛlɩ dem za
na mɩ́ ũú gù a yel-faa maalʋ a,
bɛ na kʋ bɛ na pàw pɛr,
21a bɛl na mɩ́ yel kɛ́ nɩr sãw na, ɛ́ a ɩ ziri a,
na mɩ́ ƴãwnɛ bɛrɩ a ƴɛ̀r-dɩrbɛ a,
na mɩ́ ɩ bɛ ƴãw dɔwrʋ nɩr na bɛ sãw a.
22Alɛ n'a so, ƴɛ̀rʋ ŋa n'ʋ a Sore,
a ʋl na faa a Abraham a,
ƴɛ̀rɛ kʋ̀rɛ a Zakɔb bʋʋrɛ:
«Dɩ̃a na ta a, a Zakɔb bʋʋrɛ kʋ̃ lɛb nyɛ̃ vĩ ɛ,
vĩ kʋ̃ lɛb nyɔw bɛ bɛ su zuru ɛ.
23Bʋ̃ʋ n'ʋ vɛ̃, bɛlɛ nɩ a bɛ bibiir
na nyɛ̃ nɩ a ʋlɩ bom nɛ ɩ̃ na na ɩ a bɛ sɔgɔ a.
Lɛ n'a bɛ na nyɛ̃ bãw sob nɛ na nɛ m a,
mãa, a Zakɔb Naaŋmɩn na ɩ sõw a,
bɛ na zɔrɛ nɩ a ɩ̃ pʋɔ sãwfʋ,
mãa, a Ɩsɩrayɛl Naaŋmɩn.
24A bɛlɩ dem a tɩɛrʋ na bɛ mɩ́ tori a
na tĩ na bãw a pɛr,
bɛl na mɩ́ tɩ zɛbr kʋralɛ a,
bɛ na bɛr'a bɛ wule bɛ.»
La Bible en Dagara © Alliance Biblique du Burkina Faso, 2013.