Ɩzayi 28
28
A faa na na páw a Samaari tẽw a
1Baw-bio wɛ Samaari tẽw i!
A Efarayim#28:1 Nyɛ̃ 7.2 nɩ a manʋ. tẽw dã-kuolbɛ
nyʋʋr'ɩ nɩ a tẽ-kpɛ̃ɛ ŋa
na ɩ mɛ̃ nãà-kpawʋɔ a.
Ʋ ƴãw nɩ pɩ̃ɛmɛ vla vla za àr'ɩ a tãw zu,
a tãw na jɩ́rɛ a fʋɔla na pʋ̃ɔ ʋ za a.
Ɛcɛ ʋ ŋmɛ̃ na mɛ̃ tɩ-puuru na vàr vàr
nɩbɛ a divɛ̃ na tʋ̃ɔ́ a zurú a.
2A Sore nɩr kãw n'ɩ ŋan
na kpɛmɛ ɛ́ tʋ̃ɔ́ bom za a.
Ʋ ŋmɛ̃ na taa nɩ sa-bi-kube saa,
ʋ ŋmɛ̃ na taa nɩ saa nɩ sɛsɛb na sãwnɛ bom za a,
ʋ ŋmɛ̃ na taa nɩ saa na waar gbʋrʋgbʋrʋ
a kʋ̃ɔnɩ paalɩ pàw bom za a.
Ʋ na gaal'ɩ bom za tẽw nɩ fãw.
3A tẽ-kpɛ̃ɛ na ɩ mɛ̃ nãà-kpawʋɔ a,
a Efarayim tẽw dã-kuolbɛ nyʋ̀ʋ́r bom a,
bɛ na nɛb'ɩ ʋ nɩ gbɛ́ɛ.
4A tɩ-puur-varsɩ ʋ na pɩ̃ɛ nɩ ʋ tʋɔra vla za
a tãw na jɩ́rɛ a fʋɔla na pʋ̃ɔ ʋ za a zu a,
bɛ na ƴɛ́r a na ŋmɛr.
A Samaari tẽw ɩ na mɛ̃ kãkãw wɔ̃-dãw
na mʋ̃ɔ ɛ́ a daar bɛ ta sɛr a.
Nɩr wa nyɛrɛ ʋ wa báarɛ a,
ʋ pɔr ʋ na, ɛ́ daadaalɛ ʋ vɔl.
5A ʋlɩ bibir nɛ a, a Sore, a kpɛnʋ-za-sob, na ɩ n a ʋ nɩ-bʋʋrɛ na cɛ a nãà-kpawɔ-yúor nɩ kɔkɔrɩ́ bãzɔl-vla vla. 6Ʋlɛ n'ʋ na ƴãw a mɩnʋ yã a bɛlɩ dem na zɩ̃ a ƴɛ̀rʋ-dɩb ƴãw a, ɛ́ kʋ̀ a fãw a bɛlɩ dem na canɛ a dɔ̃ dem bɛrɛ a tẽ-kpɛ̃ɛ dɩ̃dɔr ƴãw a.
A dã-kuolbɛ na ɩrɛ a naaŋmɩn-ƴɛ̀r-manɛ laar a
7A bàwr-maalbɛ nɩ a naaŋmɩn-ƴɛ̀r-manbɛ mɩ̀ a,
a divɛ̃ ɩ na bɛ bɛ cãà bãw yã ɩ,
a dã-kpɛn ɩ na bɛ dẽdere.
A dã-kpɛn ɩ na bɛ bɛ cãà bãw yã ɩ,
a divɛ̃ ɩ na bɛ bɛ cãà bãw bɛ tʋɔra zie ɩ.
A dã-kpɛn ɩ na bɛ dẽdere,
ɛ́ a bɛ bʋ̃-nyɛrɩ pʋɔ bɛ bʋ̀nɛ ƴɛ̀rɛ.
A lɛ bɛ na mɩ́ dɩ a ƴɛ̀rʋ yel a bɛ mɩ́ nyɛrɛ ɩ.
8A bɛ tiiru paal'ɩ a tabalɛ za,
a ziir za dɛw na!
9Bɛ yere na:
«Ãa n'ʋ a Ɩzayi ŋa bɔbr k'ʋʋ wul?
Ãa n'ʋ ʋ bɔbr k'ʋʋ manɩ a ʋ bʋ̃-nyɛrɩ kʋ̀?
Bibiir bɛ na kpɩr bɛr paalʋ a nɛbɛ bɩɩ?
Bibiir na bɛr a bɩr paalʋ a nɛbɛ bɩɩ?
10Ʋ suole na:
“B-a-ba-ba, b-o-bo-bo,
g-a-ga-ga, g-o-go-go#28:10 A bàwr-maalbɛ nɩ a naaŋmɩn-ƴɛ̀r-manbɛ ɩrɛ nɩ a Ɩzayi laar, de ʋ man nɩ mise na zanɛ nɩ bibiir kanʋ a.!”»
11Ʋ̃ʋ, à à ŋá n'a,
nɩ-bʋlmɛ ƴɛ̀rʋ nɩ ƴɛ̀r-sãan n'ʋ
a Sore na ƴɛ̀r a nɩ-bʋʋrɛ bɛ ŋa zie.
12Ɛcɛ ʋ nɩ̃ɛ na tɩ yel bɛ à ŋá:
«A ka a, nyɩ na nyɛ̃ nɩ pɩ̃ɛnʋ.
Nyɩ bɛr a sob nɛ na bàl a ʋ pɩ̃ɛnɩ.
Zie na ɩ zoom a n'ɩ a zie ŋa.»
Ɛcɛ bɛ bɛ sàw bɛr wõ ɩ.
13Alɛ so a Sore ƴɛ̀rʋ a bɛ zie mɩ̀ na ɩ: “B-a-ba-ba, b-o-bo-bo, g-a-ga-ga, g-o-go-go.” Lɛ n'a bɛ na mɩ́ cere tɩ 'law lo, wɛl sɩɩr. Bɛ na kpɛ n bɛrɩ pʋɔ bɛ nyɔw bɛ.
A yir pɛr kʋsɩɛr
14Nyɩ bɛrɛ wone a Sore ƴɛ̀rʋ,
nyɩɩm nɩ-ɩ-laarbɛ na kaarɛ a Zerizalɛm nɩbɛ bɛ ŋa zie a:
15«Nyɩ yere na:
Tɩmɛ nɩ a kũu maal'ɩ wõ-taa,
tɩmɛ nɩ a kpɩmɛ tẽw lãw nɩ nʋɔr.
A bʋ̃-faa wa waar a, ʋ bɛ páwr tɩ ɛ.
Bʋ̃ʋ n'ʋ vɛ̃, a ziri n'ɩ a tɩ pib zie,
a libelibe n'ɩ a tɩ sɔwlʋ zie.»
16Ɛcɛ à ŋá n'a a Sore Naaŋmɩn yere:
Ɩ̃ ƴãwnɛ nɩ yir pɛr kʋsɩɛr na kpɛmɛ kpɛmɛ a,
a Sɩyɔ̃ tẽw pʋɔ,
dacĩ-goraa kʋsɩɛr na vɩɛl vɩɛl a,
kʋsɩɛr na be be a yir pɛr binu ƴãw a.
Sob nɛ na tɩɛ a kʋsɩɛr ŋa ƴãw a bɛ lore ɩ.
17Ɩ̃ na de nɩ a lɛ-na-tu-sɔr-a ʋ ɩ a miw-máná,
ɛ́ de a mɩnʋ ʋ ɩ a kur-mɔrmɔr miwr#28:17 Kur-mɔrmɔr miwr: Kur-mɔrmɔr gbil'ʋ bɛ mɩ́ ƴãw fomiwr ƴãw, a yir-mɩɛrɛ manɛ nɩ a dacin ʋ na mɩɛr a, k'ʋʋ tʋ̃ɔ́ tori, ta gɔ̃w ɛ..
Ɛcɛ a sa-bi-kube na sãw nɩ
a nyɩ pib zie na ɩ bɛlʋ a bɛr,
a kʋ̃ɔnɩ na tuo nɩ a nyɩ sɔwlʋ zie.
18Nyɩmɛ nɩ a kũu wõ-taa na sãw na,
nyɩmɛ nɩ a kpɩmɛ tẽw nɔ-lãw kʋ̃ nyɔw ɛ.
A bʋ̃-faa wa wa a,
ʋ na tʋ̃ɔ́ nyɩ nɩ pelẽpelẽ.
19Lɛn daar za ʋ na na mɩ́ tɔl a, ʋ na mɩ́ nyɔw nyɩ na. Bʋ̃ʋ n'ʋ vɛ̃, ʋ na mɩ́ tɔl'ɩ a biɓaarɛ za, a mʋ̃tɔ̃w nɩ a tɩ̃ɩsɔw, ɛ́ a na mɩ́ ɩ n pʋl-vʋ̃ɔ tɛwr fʋ̃ʋ wa bãw a yel fʋ na wõ a pɛr a.
20Mɛ̃ a lɛ a zʋkpar na yel a,
a gado na ɩ n ŋmãa zuo a gaa ƴãw,
a gãw kʋ̃ yɛlmɛ a sɛw a pilu ƴãw ɛ.
21A Sore na ìr'a mɛ̃ a Perasim tãw zu a.
Ʋ na nyɛ̃ nɩ suur màwr
mɛ̃ a Gabaɔ̃ fʋɔla#28:21 Daviir tɩ zɛb'a tʋ̃ɔ́ Filisɩtɛ̃ mɩnɛ a Perasim tãw zu nɩ a Gabaɔ̃ fʋɔla pʋɔ. Nyɛ̃ 2Sa 5.20 nɩ 1Bi-yel 14.11-16. pʋɔ a,
a ʋ ton tob daar, tõ-bɩɛ,
a ʋ ɩb ɩb daar, ɩb-sãan.
22Ƴɛrɛŋa a, nyɩ bɛr a ɩ-lab lɛ. Alɛ bɛ ɩ lɛ, a míe na 'lẽ nyɩ a na lɛb'a bãw taw fɩɩrɩ. Bʋ̃ʋ n'ʋ vɛ̃, ɩ̃ wõ a nɩ a Sore Naaŋmɩn, a kpɛnʋ-za-sob, zie: ʋ yel'a k'ʋʋ na sãw nɩ a tẽw za bɛr.
Naaŋmɩn zie n'a a ka-kʋɔra yã-bãwfʋ yi
23Nyɩ ƴãw tobr, nyɩ bɛr wõ m!
Nyɩ cɛlɛ be, nyɩ bɛr wõ a ɩ̃ ƴɛ̀rʋ!
24A ka-kʋɔra na bɔbr k'ʋʋ bʋ̀r a,
a kɔb tɛwr'a ʋ dɛ mɩ́ kʋɔr,
wɛ̀rɛ a bɔwrɩ ɛ́ ŋmɛrɛ a tãdɛgɛ bɩɩ?
25Ɛcɛ ʋlɛ wa ɩ a tẽsɔw ʋ man taa baarɩ a,
ʋ bɛ mɩ́ bʋ̀r zɛ-va-bʋʋrɛ kãw
na dɩ kɛ́ nɩzɛl nɩ kimɛ̃ a ɩ?
Al pùorí ʋ ƴãw ble, zɩ́ɛ nɩ ɔɔzʋ,
ɛ́ baa ƴãw ble bʋʋrɛ kãw a púo nʋɔr ɛ?
26A ʋ Naaŋmɩn n'ʋ wul ʋ a tub ŋa,
ɛ́ ɩ k'ʋ bãw ʋ.
27Bɛ bɛ nɛbr íre a nɩzɛl bie
nɩ dà-pãgala na tɛr pĩi-bie a pile a ɩ.
Bɛ mɩ̀ bɛ mɩ́ ɩ torko gbɛ́ɛ do nɛb a kimɛ̃ ɩ.
Ɛcɛ dabɔl'ʋ bɛ mɩ́ va n
a nɩzɛl nɩ a kimɛ̃,
28A ka-kʋɔra wa vàrɛ íre a ble bie a,
ʋ bɛ mɩ́ vàrɛ a ble zuru bɛ tɛr bɛ́rʋ daar ɛ.
Ʋ mɩ́ ɩ na a torko nɩ a dʋn nɛb a,
ɛcɛ a bɛ mɩ́ ƴɛ́r a bie ŋmɛr ɛ.
29A tub ŋa mɩ̀ yi n
a Sore, a kpɛnʋ-za-sob, zie.
Yã-wule vla vla n'ʋ,
a bãwfʋ ʋ na bãw a ɩ n kpɛ̃ɛ yaga.
Currently Selected:
Ɩzayi 28: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
