Ɩzayi 18

A kpɩɛrʋ na na páw a Etiopi tẽw a

1Baw-bio, a pɛnɛ ayiri gbee tẽw

na lanɩ a Etiopi tẽw mamɛ a ƴãw!

2Ʋ tone nɩ nɩbɛ#18:2 A Etiopi tẽw nɩbɛ bɛ ŋa bɛ na tɩ tõ a, tɩ wa n a Zerizalɛm, a Yeezu Kɩrɩta na bɛ tɩ wa sɛr a yome 705 vuo pʋɔ. Bɛ tɩ bɔbr'a kɛ́ bɛ sõw a Zuda naalʋ-tẽw a Asiiri tẽw dem na tɩ bɔbr kɛ́ bɛ zɛb'ɩ a.

bɛ duwre a Nɩl man zu,

bàa-kɛkɛɛ gbee pʋɔ.

Nɩbɛ bɛ na tõ nyɩ páwr a,

nyɩ lɛb cen a nɩ-bʋʋrɛ bɛ ŋa

na kɛrɩ ɛ́ a ƴã-gamɛ nyɩlɛ a zie,

a nɩ-bʋʋrɛ bɛ ŋa bɛ na zɔrɛ

a ka tɩ tɔ a tẽw baarʋ zie a,

a nɩ-bʋʋrɛ bɛ ŋa na kpɛmɛ

nɛbr a bɛ dɔ̃ dem nɩ gbɛ́ɛ a zie.

Nyɩ lɛb kul a nyɩ tẽw a mamɛ na põ a.

3Nyɩɩm za, tẽ-daa nɩbɛ ɛ,

nyɩɩm na kpɩɛr a tẽw a,

bɛlɛ wa zɛw a dɩrapo a tan zu a,

nyɩɩm jɩ́rɛ,

a ɩɩl wa kõ a, nyɩɩm bɛrɛ wone.

4Bʋ̃ʋ n'ʋ vɛ̃, a Sore ƴɛ̀r'ɩ a ɩ̃ zie à ŋá:

«A zie ʋl ɩ̃ na be a,

ɩ̃ na zɩ̃ n zoom ɛ́ jɩ́rɛ,

mɛ̃ a tʋlʋ na dɩrɛ cãà pʋɔ a,

mɛ̃ ɓɩɛlʋ zũzuwr

a bʋ̃-dieri-deb tʋlʋ daar a.»

5A wɔmɛ deb daar na bɛ mɩ́ ta sɛr a,

a lɛn daar a divɛ̃ tɩɛ na mɩ́ pu a,

a lɛn daar a puuru na mɩ́ lɩɛbɩ

wɔ̃-cãacule mʋ̃ɔnɛ a,

bɛ mɩ́ ŋma n a wuli-zawlɛ,

a pɩrmɛ nɩ a váar bɛr,

nɩ sɔ-nɔ-ɓãfaga.

6Lɛ n'a bɛ mɩ̀ na bɛr a Etiopi tẽw nɩbɛ kʋ̀

a tan pʋɔ sɩlɩ nɩ a wɛ-dʋn.

A sɩlɩ so bɛ a ũon,

ɛ́ a wɛ-dʋn so bɛ a sɩ̃ɔ.

7Lɛ n'a bɛ na wa n bʋ̃-kʋ̀rɩ wa kʋ̀ a Sore, a kpɛnʋ-za-sob, a nɩ-bʋʋrɛ bɛ ŋa yúor ƴãw, a nɩ-bʋʋrɛ bɛ ŋa na kɛrɩ ɛ́ a ƴã-gamɛ nyɩlɛ a, a nɩ-bʋʋrɛ bɛ ŋa bɛ na zɔrɛ a ka tɩ tɔ a tẽw baarʋ zie a, a nɩ-bʋʋrɛ bɛ ŋa na kpɛmɛ nɛbr a bɛ dɔ̃ dem nɩ gbɛ́ɛ ɛ́ a mamɛ põ a tẽw a. Bɛ na wa n nɩ a bʋ̃-kʋ̀rɩ á ŋá a Sɩyɔ̃ tãw zu, a be a Sore, a kpɛnʋ-za-sob, na kpɩɛr a.

Currently Selected:

Ɩzayi 18: DBDC

Highlight

Copy

Compare