Oze 5
5
A Ɩsɩrayɛl nɩbɛ niw-dierbɛ bɛ wule a nɩbɛ vla ɩ
1«A Nyɩɩm bàwr-maalbɛ, nyɩ bɛr wõ a yel ŋa!
Ɩsɩrayɛl yir niw-dierbɛ ɛ, nyɩ cɛlɛ be!
Nãà yir nɩbɛ ɛ, nyɩ ƴãw tobr!
Nyɩmɛ nɛbɛ tɩ sɛw kɛ́ nyɩ mɩ́ dɩ a ƴɛ̀rʋ.
Ɛcɛ nyɩ lɩɛb'ɩ bɛra a ɩ̃ nɩbɛ ƴãw a Misɩpa#5:1 Misɩpa: A zie ŋa be n a Zerizalɛm saa-pɛrɩ́-gʋba-lowr, ɛ́ zãá nɩ ʋ ta mɛ̃ kilo pie nɩ ata a. A Kanãa tẽw dem zi-sõw kãw n'ʋ. A Oze daar a, be n'a bɛ mɩ́ tɩ maalɛ a bagɛ kʋ̀rɛ a ŋmɩn-pɔw Asɩtarte na ɩ dɔwfʋ ŋmɩn a. Nyɛ̃ Zoz 18.26, 1Sa 7.5-6. Tabɔɔr tãw: A Kanãa tẽw dem zi-sõw kãw mɩ̀ n'ʋ. Ʋ be n a Palɛsin tẽw saa-pɛrɩ́-gʋba-lowr. tẽw,
nyɩ lɩɛb'ɩ mɩ̃ɛ bɛ na 'lẽ a ɩ̃ nɩbɛ ƴãw,
a Tabɔɔr tãw zu a.
2Nyɩ tuw nɩ a Sitim#5:2 Sitim: Nyɛ̃ Sɔr-n 25. tãw zu bɔw ʋ lɛb bãw zulme,
ɛcɛ mãa a, a Sore n'ʋ yere, ɩ̃ na wul'ɩ nyɩ za yã.»
3«A mãa a, ɩ̃ bãw nɩ a Efarayim
ɛ́ a Ɩsɩrayɛl bɛ ɩ ɩ̃ sãan ɛ.
Efarayim i, fʋ tõ n nɩ-fa-tome
ɛ́ a fʋ ɩ-faar á ŋá mar a Ɩsɩrayɛl.»
4A Ɩsɩrayɛl nɩbɛ ɩ-ɩrɩ kʋ̃ sàw
bɛ lɛb wa a bɛ Naaŋmɩn zie ɩ.
Bʋ̃ʋ n'ʋ vɛ̃, pɔw-yɛm ɩ-ɩrɩ yã be n a bɛ zie,
ɛ́ bɛ bɛ bãw a Sore ɩ.
5A Ɩsɩrayɛl nyʋ̀ʋ́r'a yere a ʋ sãwna.
A Ɩsɩrayɛl nɩ a Efarayim ŋmɩɛr'ɩ gbɛ́ɛ
a bɛ sãwna ƴãw.
A Zuda mɩ̀ lãw nɩ bɛ na ŋmɩɛr a gbɛ́ɛ.
6Bɛ waar'ɩ nɩ píir nɩ nĩi
kɛ́ bɛ wa bɔ n a Sore, ɛ́ bɛ kʋ̃ nyɛ̃ ʋ ɛ,
bʋ̃ʋ n'ʋ vɛ̃, ʋ taw na zãá nɩ bɛ.
7Bɛ na dɔw zɩ̃-yir-biir a, bɛ zawr'ɩ a Sore bɛr.
Ƴɛrɛŋa a, a cuw-paala na kʋ bɛ na pàw pɛr
bɛlɛ nɩ a bɛ bʋ̃-tɛrɩ.
A Efarayim nɩ a Zuda zɛbr'ɩ taa
8«Nyɩ pɛblɩ ɩɩl a Givea,
nyɩ pɛblɩ wɩ́ɛ a Arama,
nyɩ lɔb cɛl a Bɛtɩ-Awɛn.
Bɛ̃zamɛ yir dɔwlʋ ʋ, gùre pùorí yoo!
9A dɔwrʋ bibir a, a Efarayim na lɩɛb'ɩ debuo.
À à ŋá ɩ̃ na yere a Ɩsɩrayɛl yie dɔwlʋ ƴãw a
na tu na, bʋnʋ bɛ ka be ɩ.
10A Zuda niw-dierbɛ ɩ na mɛ̃
a bɛlɩ dem na lɩɛbɛ a tʋr-bɔwrɩ a.
A ɩ̃ su-yãyaar na ìr'ɩ yaga yaga a bɛ ƴãw.
11A Efarayim na tu a bʋ̃-zawlɛ pùor a,
dɔwrʋ lo n a ʋ zu, bɛ na dɩ n a ƴɛ̀rʋ dĩ nɩ ʋ.
12Ɛ́ mãa a, ɩ̃ na ɩ na mɛ̃ zu-kpalɛ bàalʋ a,
a Efarayim ƴãw,
ɛ́ a Zuda yir nɩbɛ ƴãw, ɩ̃ ɩ mɛ̃ nasɩɩr bàalʋ a.
13A Efarayim nyɛ̃ nɩ a ʋ bàalʋ,
ɛ́ a Zuda nyɛ̃ a ʋ gbõtor.
Efarayim cen nɩ a Asuur zie,
ʋ tõ n nɩbɛ a na-kpɛ̃ɛ#5:13 Na-kpɛ̃ɛ: Nyɛ̃ 2Na 15.29-30, 17.3. zie.
Ɛcɛ, a nãà ŋa kʋ̃ tʋ̃ɔ́ sanɩ nyɩ ɛ,
ʋ kʋ̃ tʋ̃ɔ́ ɩ a nyɩ gbõtor ɓãá ɩ,
Efarayim yir dem i!
14Bʋ̃ʋ n'ʋ vɛ̃, a mãa Sore,
ɩ̃ na ɩ na mɛ̃ gbẽw a, a Efarayim ƴãw,
ɩ̃ na ɩ na mɛ̃ gbẽw-pɔl a, a Zuda yir nɩbɛ ƴãw,
mãa n'ʋ, mãa n'ʋ na taw a ɩ̃ bʋ̃-nyɔwra cɩɛrɩ,
ɛ́ cab ʋ nʋɔrɩ́ cere nɩ ɛ́ nɩr kʋ̃ tʋ̃ɔ́ faa ʋ ɛ.»
A Naaŋmɩn gùr'ɩ pùor cɔw a ʋ nɩbɛ
15«A Sore yere na: Ɩ̃ na tɔlɛ na cere,
ɩ̃ na lɛb'a cen a ɩ̃ beba zie,
ɛ́ gù bɛ wa tɩ sàw kɛ́ bɛ sãw na, ɛ́ bɔbr a ɩ̃ niwn.
A bɛ kpɩɛrʋ pʋɔ a, bɛ na ìr'a bɔbr mɛ̃.»
Currently Selected:
Oze 5: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
