Oze 3
3
A Oze lɛb'a de a ʋ pɔw, ɛ́ ɩ ʋ kaa
1A Sore tɩ yel mɛ̃ na: «Lɛb maal nɔ̃w a pɔw ŋa na nɔnɛ dɛb-yũo, ɛ́ tone pɩ̃ɔ tome a. Nɔ̃w ʋ mɛ̃ a lɛ a mãa Sore na nɔ̃w a Ɩsɩrayɛl bibiir, ɛ́ bɛ ŋmɛlɛ kpaar cɔwr mɛ̃, ɛ́ tuur ŋmɩn yoru a. Bɛ ŋmɛlɛ nɩ kpaar cɔwr mɛ̃, ɛ́ bɛ nyɛrɛ a divɛ̃ tɩ-wɔmɛ sɛ̃sɛ̃#3:1 Divɛ̃ tɩ-wɔmɛ sɛ̃sɛ̃: A tɩbɛ bàwr-maal-bome a mɩnɛ n'a. zie ɩ.» 2Ɩ̃ tɩ lɛb'a de ʋ nɩ salm-pla libi-ɓɛlɛ pie nɩ anũu nɩ ɔɔzʋ litɩr kɔbr ayʋɔb (600). 3Ɛ́ ɩ̃ tɩ yel ʋ: «Bɛr a pɔw-yɛm tome, bɛr a dɛb-yũo tub, ɛ́ be a ɩ̃ zie kɔwrɩ. Ɩ̃ mɩ̀ na ɩ n a lɛ a fʋ zie.»
4À ŋá n'a a na ŋmɛ̃ a Ɩsɩrayɛl bibiir zie: bɛ na kɔwr'a, ɛ́ kʋ̃ nyɛ̃ nãà ɩ, kʋ̃ tɛr niw-diere ɩ, kʋ̃ tʋ̃ɔ́ bàwr maalɩ ɛ, kʋ̃ tɛr kʋsɛ-teli#3:4 Kʋsɛ-teli: Kʋsɛbɛ n'a bɛ mɩ́ tɩ tuw bà teli, a ɩ ŋmɩmɛ bãwfʋ bɛ maalɛ. ɛ. Bɛ kʋ̃ tɛr efɔdɩ#3:4 Efɔdɩ nɩ Terafim: A vɛ̃ na kɛ́ ɩ mɛ̃ bàwr-bʋw-kpanɛ a Naaŋmɩn pʋ-tɩɛrʋ bãwfʋ ƴãw a. nɩ terafim ɛ. 5Ɛ́ a pùorí, a Ɩsɩrayɛl bibiir na lɛb'a bɔbr a Sore bɛ Naaŋmɩn, nɩ a bɛ nãà Daviir. Nɩdaar kãw, bɛ na bɔbr'ɩ a Sore nɩ ƴãwfʋ, lãwnɩ a bʋ̃-tɛrɩ ʋ na tɩrɛ a.
Currently Selected:
Oze 3: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
