Habakukɩ 3
3
A Habakukɩ puoru
1Nyɛ̃ puoru, a naaŋmɩn-ƴɛ̀r-manɛ Habakukɩ na puori, ʋ tu nɩbaal-yielu kɔkɔr a.
2Sore e, Sore e,
ɩ̃ wõ n a fʋ gãda-tome yele, dɛ̃bɩ̃ɛ nyɔw mɛ̃.
Tõ a tome á ŋá taabɛ a tɩ cãafʋ daar,
ɩ a nɩsaalbɛ bãw a.
Alɛ saa sɛw kɛ́ fʋ nyɛ̃ suur a,
cãà tɛr su-ɓaarʋ a tɩ zie.
3Teman#3:3 Teman: A Edɔm naalʋ-tẽw tẽ-ŋmãa-kʋ̀ra kãw na be a Zuda saa-pɛrɩ́-dʋrʋ-lowr nɩ a saa-pɛrɩ́ cara pʋɔ a n'ʋ. Paran tan: A be n a wɛja-kpalɛ na be a Palɛsin saa-pɛrɩ́-dʋrʋ-lowr a pʋɔ. Nyɛ̃ Wl-ayi 33.2. tẽw n'a a Naaŋmɩn yi waar,
a Naaŋmɩn na ɩ sõw a yi n a Paran tan pʋɔ waar.
A ʋ vɩɛlʋ caal'ɩ a salom,
a ʋ yúor-vɩɛlʋ-danʋ paal'ɩ a tẽw.
4Ʋ waar'a, caalɩ wegem!
Cãà na ɩ mɛ̃ mʋ̃tɔ̃w gbɛ́ɛ a yire nɩ a ʋ nũú,
be n'a a ʋ kpɛnʋ sɔwlɩ.
5Bàal-faar mɩ́ de ʋ nɩ niwn,
ʋʋ cere ɛ́ a ƴã-tʋlʋ tuur.
6Ʋlɛ wa tɛw àr a, a tẽsɔw mɩ́ gbiwre na,
ʋ mɩ́ jɩ́r'ɩ a nɩ-bʋʋrɛ bɛ màwr.
A tã-kore kore dam'a, a tãli-kore yʋʋr'a,
al na tɩ ɩ a ʋ sɛ́ɛ a koro za ʋ tuur a.
7Ɩ̃ nyɛ̃ nɩ a Kusan#3:7 Kusan: Ʋ be n a Sinayi wɛja-kpalɛ pʋɔ. A bɛlɩ dem na kpɩɛr a ʋ pʋɔ a tɩ ɩ n nɩ-yʋɔrɩ mɛ̃ a Madian tẽw dem a. tẽw nɩbɛ kpɩɛrʋ,
nɩ a Madian tẽw dɛ̃bɩ̃ɛ.
8Sore e, a mamɛ n'a bɩɩ,
a mamɛ n'a mɩ́ ƴãw fʋ nyɛ̃ a suur bɩɩ?
A kʋ̃ɔ-kpɛ̃ɛ n'ʋ fʋ mɩ́ nyɛ̃ nɩ a suur pi kɔkɛɛ bɩɩ?
Fʋ mɩ́ do n a zũzuge zu mɛ̃ zɛbr-torko zu,
a wie na wɩɛr'ɩ fʋ a zɛb-tʋ̃ɔ́fʋ zie a.
9Fʋ dúore nɩ a fʋ tam,
a fʋ pime n'ɩ a pɔb ƴɛ̀r-bie, fʋ na pɔ ƴɛ̀r a.
A tẽsɔw mɩ́ 'la n gɛ̀lɛ́, ɛ́ a mamɛ kʋ̃ɔ tɛbr yire.
10A tan mɩ́ nyɛ̃ b'a màwr,
sa-bɛrɛ kʋ̃ɔ mɩ́ paal'ɩ a tẽsɔw za,
a kʋ̃ɔ-kpɛ̃ɛ ɩrɛ nɩ gɔmɛ,
ɛ́ lɔbr a ʋ kʋ̃ɔ-mie bɛrɛ a dúor saa-zu.
11A fʋ pime na mɩ́ tɔl caalɩ a,
a fʋ kafin na mɩ́ nyɩwrɩ mɛ̃ saa a,
a mɩ́ ɩ na a mʋ̃tɔ̃w nɩ a cuw tɛw àr.
12Suur'a fʋ mɩ́ cɔlɛ nɩ a tẽw,
su-yãyaar'a fʋ mɩ́ nɛb'ɩ a nɩ-bʋʋrɛ nɩ gbɛ́ɛ.
13Fʋ mɩ́ yi n a fʋ nɩ-bʋʋrɛ faafʋ ƴãw,
a fʋ nɩ-kabra faafʋ ƴãw.
Fʋ ŋmɛ n a nɩ-faar dɔwlʋ nɩ-kpɛ̃ɛ lɔb,
fʋ kʋ n a ʋ nɩbɛ za.
14A bɛ pime n'a fʋ mɩ́ lɛb ŋmɛlɩ puo nɩ
a dɔ̃ dem nɩ-bɛrɛ zuru.
Bɛ tɩ dãwnɛ nɩ taa waar mɛ̃ saa-sɛsɛb a,
kɛ́ bɛ wa diw tɩ yaarɩ.
Bɛ ŋmɩɛr'ɩ nʋ̃ɔ̀ cɛlsɩ
a ɩ mɛ̃ bɛ sɔwl'a tĩ kʋrɛ a nɩbɛ bɛ na zɛb tʋ̃ɔ́ a.
15Fʋ puo nɩ sɔ́r kʋ̀ a fʋ wie a kʋ̃ɔ-kpɛ̃ɛ pʋɔ,
a kʋ̃ɔnɩ na damnɛ nɩ fãw a pʋɔ.
16Ɩ̃ wone nɩ a damnʋ á ŋá za, ɛ́ a mɩ́ dam mɛ̃ tɩ tɔ:
a ɩ̃ nɔgbãbie màwr'a ŋmɩɛr taa a dɛ̃bɩ̃ɛ zũú,
a ɩ̃ ƴãw za bàl'a ɛ́ a ɩ̃ gbɛ́ɛ yʋɔrɛ.
Ɩ̃ ɩ n gbili cɛlɛ nɩ a kpɩɛrʋ bibir,
k'ɩ̃ɩ wa cen tɩ zɛb'ɩ a nɩ-bʋʋrɛ bɛl na dɔwrɛ tɩ a.
17A kãkã-tɩɩr bɛ cãà pure ɩ, a divɛ̃ tɩɩr bɛ wɔnɛ ɩ,
a olivʋ tɩɩr bɛ tɛr wɔm kãw za ɩ.
A póru bɛ cãà tɛr bʋ̃-dɩra kãw za ɩ.
Píir bɛ cãà a píir zaw pʋɔ ɩ.
Nĩi mɩ̀ bɛ cãà a nazawr pʋɔ ɩ.
18Ɛcɛ mãa a, a Sore zie n'a a ɩ̃ nʋ̃ɔ̀ yire,
nʋ̃ɔ̀ ɩrɛ mɛ̃ na a Naaŋmɩn na faarɛ mɛ̃ a ƴãw.
19A Sore Naaŋmɩn n'ɩ a ɩ̃ fãw:
ʋ mɩ́ ɩ na ɩ̃ zɔrɛ fɔ̃w fɔ̃w mɛ̃ wala a,
ʋ ɩ na ɩ̃ cere ziir na kɛrɩ a zu.
A yiel-yielbɛ nɩ-kpɛ̃ɛ sɛbɛ pʋɔ yielu kãw n'ʋ. Bʋ̃-ŋmɩɛrɩ bɛ na maal'ɩ mié a n'a bɛ mɩ́ ŋmɩɛr'ɩ ƴãwn.
Currently Selected:
Habakukɩ 3: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
