Ɛsɩtɛɛr-gɩrɛkɩ 8
8
37 A fɛr'a kɛ́ bɛ mɛr a sɛb-tʋɔla ŋa ʋ sãá vla a naalʋ-tẽw nɩ-yaga tuor-taa ziir za, k'aa Zifʋ mɩnɛ tʋ̃ɔ́ cɔbrɩ kɛ́ bɛ zɛb'ɩ a bɛ dɔ̃ dem, a bibir ʋl na ƴãw a.
38 Bɛ tɩ tõ n nɩbɛ bɛ zɔm wie cen nɩ fɔ̃w fɔ̃wlɛ tɩ tu a lɛ a nãà na yel a, ɛ́ bɛ mɩ́ hieri a nʋɔr ŋa a Siizɩ tẽw pʋɔ.
39 Lɛ n'a a Maadose tɩ yi a nãà yir, su nãà-kparʋ vɔbl'ɩ salm-zɩɛ nãà-kpawʋɔ ɛ́ vili lɛ̃ pɛn-zɩɛ a zũú. A Siizɩ nɩbɛ na tɩ nyɛ̃ ʋ a, nʋ̃ɔ̀ tɩ ɩrɛ bɛ na. 40 A Zifʋ mɩnɛ zie a, a tɩ ɩ n nʋ̃ɔ̀ ŋmɛr yaarɩ. 41 Tẽ-ŋmãa-kʋ̀ra za nɩ tẽ-kpɛ̃ɛ za pʋɔ, nɩ a ziir za bɛ na tɩ hieri a nãà nʋɔr ɛ́ mɛr a sɛb-tʋɔla a, a tɩ ɩ n nʋ̃ɔ̀ yaga yaga a Zifʋ mɩnɛ zie, bɛ cɔbrɛ cuw dɩb. Nɩ-bʋʋr-yoru nɩ-yaga yaga tɩ ƴãw na bɛ ŋma bɛ a yɛɛ bɛ lɩɛbɩ Zifʋ, bɛ na tɩ zɔrɛ a Zifʋ mɩnɛ dɛ̃bɩ̃ɛ a ƴãw.
La Bible en Dagara © Alliance Biblique du Burkina Faso, 2013.