Ɛsɩtɛɛr-gɩrɛkɩ 3
3
A Haman nɩ a Maadose lɩɛb'ɩ dɔ̃ dem
1A yele á ŋá pùorí, a nãà Artazɛrsɛsɩ tɩ zɛw nɩ a Hamedata bidɛb, Haman, na ɩ Bugayɔsɩ#3:1 Bugayɔsɩ: Nyɛ̃ A. 17 nɩ a manʋ. bʋʋrɛ a, ʋ ɩ a ʋ bárɩ#3:1 Bárɩ: Nyɛ̃ 1.2-3 nɩ a manʋ. za niw-diere. 2A nãà yir tõ-tõ-biir za mɩ́ tɩ gbĩ n dume, ɛ́ gũu tɩ tɔ tẽw a Haman niŋé, mɛ̃ a lɛ a nãà na tɩ ƴãw a nʋɔr a. Ɛcɛ a Maadose yõ n'ʋ mɩ́ tɩ zawrɩ a lɛ ɩb. 3A ʋ tõ-tõ-bi-taabɛ tɩ sowr'ʋ na: «Bʋ̃ʋ n'ʋ so fʋ bɛ sàwr a nãà nʋɔr?» 4Bɛ tɩ ƴɛ̀rɛ nɩ a yel ŋa ƴɛ̀rʋ bibie za a ʋ zie, ɛcɛ ʋ bɛ tɩ cɛlɛ be ɩ. Ʋ tɩ yel'a kʋ̀ bɛ k'ʋʋ ɩ n Zifʋ. Lɛ n'a bɛ tɩ cen tɩ yel kʋ̀ a Haman k'aa Maadose bɛ sàwr a nãà nʋɔr ɛ. 5A Haman tɩ sɩrɩ na nyɛ̃ k'aa Maadose bɛ sàwr gũune a ʋ niŋé ɩ, lɛ n'a ʋ tɩ nyɛ̃ suur yaga. 6Ʋ tɩ yel'a k'ʋʋ na kʋ n a Zifʋ mɩnɛ za pàw pɛr a Artazɛrsɛsɩ naalʋ-tẽw za pʋɔ. 7A nãà Artazɛrsɛsɩ naalʋ-dɩb yome pie nɩ ayi sob daar, a Haman tɩ ƴãw na bɛ lɔb gbã-bie kɛ́ bɛ bãw a bibir nɩ a cuw bɛ na na kʋ a Maadose nɩ-bʋʋrɛ pàw pɛr daƴen daadaa a. A Adaar cuw bibie pie nɩ anaar sob zu n'a a gbãw tɩ lo.
A Haman cɔbrɛ nɩ a Zifʋ mɩnɛ kʋb
8A Haman tɩ yel'ɩ a nãà Artazɛrsɛsɩ: «Nãà a, nɩ-bʋʋrɛ kãw be n be, a bɛ nɩbɛ yaarɩ be a fʋ naalʋ-tẽw za pʋɔ. Bɛ tuur'ɩ tub na bɛ ŋmɛ̃ taa nɩ nɩ-bʋʋrɛ kãw za tub a, ɛ́ bɛ sàwr a nãà nɛ́ɛ ɩ. A bɛ tɛr fʋ tɔnɛ kɛ́ fʋ bɛr a nɩbɛ bɛ ŋa zoom ɛ! 9Fʋ̃ʋ wa nyɛ̃ a sɛw a, fʋ̃ʋ ƴãw bɛ kʋ bɛ pàw pɛr. Ɛ́ mãa a, ɩ̃ na ƴãw nɩ salm-pla libie tɔn#3:9 Tɔn: Nyɛ̃ 1.7 nɩ a manʋ. kɔbr ata (300) a nãà libie daga pʋɔ.» 10Lɛ n'a a nãà tɩ for a nũ-tʋʋr a ʋ nobirí kʋ̀ a Haman, k'ʋʋ tʋ̃ɔ́ nɛ̃ nɩ a bãwfʋ ƴãw a sɛb-tʋɔlɩ zu, ʋ na na sɛb a Zifʋ mɩnɛ ƴãw a. 11Al pùorí, a nãà tɩ yel'ɩ a Haman: «Tɛr a fʋ libie, ɛ́ a nɩbɛ bɛ ŋa a, ɩrɛ bɛ lɛ za fʋ na bɔbr a!»
12A cuw-dãw-niwn sob, a bibie pie nɩ ata sob, bɛ tɩ bʋɔl'ɩ a nãà sɛ-sɛbrbɛ, bɛ wa sɛb sɛb-tʋɔlɩ tu n a lɛ za a Haman na yel a, tɩr kʋ̀ a zɛbr-nɩbɛ nɩ-bɛrɛ nɩ-bɛrɛ bɛrɛ, a naalʋ-tẽw tẽ-ŋma-kʋ̀rɩ na-kpɛ̃ɛ-lɩɛrbɛ nɩ a nɩ-bʋʋr-tɛɛtɛɛ na kpɩɛr a be a nɩ-bɛrɛ. A nãà Artazɛrsɛsɩ yúor ƴãw n'a bɛ tɩ sɛb a naalʋ-tẽw tẽ-ŋma-kʋ̀rɩ lɩz'a ayʋɔb nɩ ayopõi (127) za, na yi a Ɛ̃dɩ tɩ tɔ a Etiopi a, nɩ tẽ-ŋmãa-kʋ̀ra za nɩbɛ kɔkɔr. 13Bɛ tɩ tõ n nɩbɛ nɩ a sɛb-tʋɔlɩ á ŋá a naalʋ-tẽw za pʋɔ. A sɛb-tʋɔlɩ tɩ tɩr'ɩ sɔ́r kɛ́ bɛ kʋ a Zifʋ mɩnɛ pàw pɛr, ɛ́ za a bɛ bʋ̃-tɛrɩ. A cuwr pie nɩ ayi sob, a Adaar cuw bibi-been n'a a tɩ fɛr k'aa ɩ a lɛ.
La Bible en Dagara © Alliance Biblique du Burkina Faso, 2013.