Amɔsɩ 6
6
Baw-bio dem'ɩ a tɛra dem
1Baw-bio dem'ɩ nyɩ,
nyɩɩm na be a Sɩyɔ̃ bom za bɛ damnɛ nyɩ a.
Nyɩɩm na ɓãá ƴãw kpɩɛr a Samaari tãw zu a.
Nyɩɩm na ɩ a ten za pʋɔ
tẽ-dãw-niwn sob niw-dierbɛ a,
nyɩɩm zie n'a a Ɩsɩrayɛl yir nɩbɛ cere.
2Nyɩ cen a Kalne tẽw tɩ nyɛ̃.
Nyɩ yi a be cen a Hamatɩ na ɩ tẽ-kpɛ̃ɛ a,
nyɩ tɩ yi a be siw a Gatɩ na ɩ a Filisɩtɛ̃ mɩnɛ tẽw a:
a ten á ŋá sa n a nyɩ naalʋ-ten bɩɩ?
A bɛ ten yɛlmɛ na zuo a nyɩ dem bɩɩ?
3Nyɩ bɔbr'a kɛ́ nyɩ ɩ a kpɩɛrʋ bibir taw zãá,
ɛcɛ po-to-fãw naalʋ dɩb'a nyɩ ɩrɛ ʋ tawr pɩɛlɛ.
4Nyɩ gã gã nɩ wɔ́br nyɩmɛ gadori zu,
nyɩ duo duo na gã a nyɩ gado nʋmnʋm zu,
ɛ́ 'wɔbr a péli nɩ a náli-'wɔɛ!
5Nyɩ ŋmɩɛr'ɩ korijom yiele pawr'ɩ gɔmɛ,
ɛ́ zanɛ bʋ̃-ŋmɩɛrɩ maalʋ mɛ̃ Daviir a.
6Dãa koli-nyúuri bɛrɛ n'a nyɩ tɛr nyúur'ɩ a divɛ̃,
ɛ́ zɩɛr kãá-nyũu vla vla,
ɛcɛ a Zuzɛb yir#6:6 Nyɛ̃ 5.5 nɩ a manʋ. na lore a, al bɛ ɩrɛ nyɩ bom ɛ.
7Lɛ so a ƴɛrɛŋa bɛ na ír nyɩ
a nyɩ tẽw pʋɔ cen nɩ tẽ-yũo,
nyɩmɛ nɛbɛ na de a nɩbɛ
bɛ na na ír cere nɩ a niwn,
lɛn daar'a a nɩbɛ na mɩ́ ìr gã gã a bʋʋrɛ na baarɩ.
A Samaari tẽw loba
8A Sore, a Naaŋmɩn kpɛnʋ-za-sob pɔ na yel à ŋá:
«Mãa wa sɩrɩ n'ɩ a Naaŋmɩn a,
ɩ̃ bɛ nɔnɛ a Zakɔb yir pɔ̀lʋ towtow ɛ,
ɩ̃ bɛ nɔnɛ a ʋ yir-vɩɛlɩ vɩɛlɩ ɛ.
Ɩ̃ na ƴãw na a Samaari tẽw dɔ̃ dem so a Samaari tẽw.»
9Nɩbɛ pie wa cɛ yir-been pʋɔ a, bɛ na kpi na. 10A yir nɩr ʋl na na wobr a kũuni yire nɩ k'ʋʋ tɩ nyɩw bɛr a, na sowri a sob nɛ nãà be a dĩó a: «Nɩr za bɛ cãà be ɩ?» Ʋ na sɔw na: «Nɩr bɛ cãà be ɩ!» Ɛ́ yel ƴãw pʋɔ: «Ɩ gbili! A Sore yúor bʋɔlʋ daar bɛ n'a ɩ.»
11Bʋ̃ʋ n'ʋ vɛ̃, a Sore, ʋ tɩr nʋɔr tɛwr,
ɛ́ a yir-kpɛ̃ɛ na lo na,
ɛ́ a yir-cãpile dacine pur pur.
Zɛb-tʋ̃ɔ́fʋ a mɩnɛ bɛ tɛr pɛr ɛ
12Wie mɩ́ gár'ɩ pìe zu u?
Nĩi mɩ́ kɔ n pìir zu u?
Ɛ́ bʋ̃ʋ so nyɩ ɩ a yel-na-tu-sɔr-a lɩɛbɩ tɩ̃ɩ na kʋrɛ a,
ɛ́ a mɩnʋ lɩɛbɩ lɔw-tuo tuo?
13Nyɩ cɩlɛ na a Lodevaar tẽw nyɩ na zɛb de a ƴãw, a Lodevaar pɛr'ɩ “zawlalɛ”. Nyɩ yere nɩ à ŋá: «A tɩ fãw bɛ tʋ̃ɔ́ n'a tɩ zɛb de nɩ a Karnayim tẽw e? A Karnayim pɛr'ɩ “ɩ́lɛ́ ayi, ɛ́ a ɩ́lɛ́ ɩ n a fãw bãwfʋ”.» 14Ɛcɛ ƴɛrɛŋa a, a Sore, a Naaŋmɩn kpɛnʋ-za-sob, yere na: ɩ̃ na ɩ na tẽw ìr a nyɩ ƴãw, Ɩsɩrayɛl yir i, ʋ na dɔwrɩ fʋ na a Lebo-Hamatɩ tẽw tɩ tɔ n a Araba bàa.
Currently Selected:
Amɔsɩ 6: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
