Amɔsɩ 5
5
Lãw-mʋɔlɛ na ŋmãa a Ɩsɩrayɛl ƴãw a
1Ɩsɩrayɛl yir nɩbɛ ɛ,
nyɩ bɛrɛ wone a ƴɛ̀r-bir ŋa,
a lãw-mʋɔlɛ ŋa ɩ̃ na kone a nyɩ ƴãw a.
2Ʋ lo na, a Ɩsɩrayɛl na ɩ mɛ̃ pɔwsɩrale a
lo na ɛ́ kʋ̃ lɛb ìr ɛ.
Ʋlɛ n'ɩ ŋan gã a ʋl mɩŋa tẽsɔw zu
ɛ́ nɩr bɛ ka be na nyɔw ʋ ʋ ìr ɛ.
3Bʋ̃ʋ n'ʋ vɛ̃, à ŋá n'a
a Sore Naaŋmɩn yere a Ɩsɩrayɛl ƴãw:
«Tẽw nɛ pʋɔ bɛ na ír sojarɩ túr (1 000) bɛ cen a zɛbr a,
nɩbɛ kʋba (100) tɛwr'a na cɛ lɛb wa.
Ɛ́ tẽw nɛ pʋɔ bɛ na ír sojarɩ kʋba (100) a,
pie tɛwr'a na cɛ lɛb wa.»
A nyɔ-vʋʋrʋ bɩɩ a kũu
4À ŋá n'a a Sore ƴɛ̀rɛ a Ɩsɩrayɛl yir nɩbɛ zie:
«Nyɩ bɔbr mɛ̃ ɛ́ nyɩ na vʋʋrɛ na.
5Ɛcɛ nyɩ ta bɔbr mɛ̃ a Betɛl tẽw puoru yir pʋɔ ɩ,
nyɩ taa kpɩɛr Gilgal tẽw puoru yir bɔbr mɛ̃ ɩ,
nyɩ taa cere Bɛɛr-Seva a ɩ̃ ƴãw ɛ.
Bʋ̃ʋ n'ʋ vɛ̃, bɛ na diw nɩ
a Gilgal nɩbɛ cen nɩ tẽ-yũo,
ɛ́ a Betɛl#5:5 Betɛl: Nyɛ̃ 3.14 nɩ a manʋ. Gilgal: A Zurdɛ̃ bà-fʋɔla puoru zie n'a. Bɛ tɩ bin nɩ kʋsɛbɛ pie nɩ ayi tẽli a be. Nyɛ̃ 4.4, Zoz 4.20. Bɛɛr-Seva: A Zuda saa-pɛrɩ́-dʋrʋ-lowr zi-sõw n'ʋ. na ɩ a Naaŋmɩn yir a lɩɛbɩ faalʋ yir.»
6Nyɩ bɔbr a Sore ɛ́ nyɩ na vʋʋrɛ na.
Zuzɛb#5:6 Zuzɛb yir nɩbɛ: A pɛr lɛ k'aa Efarayim nɩ a Manase dɔwlʋ nɩbɛ, a sãàkʋm-kore na tɩ ɩ a Zuzɛb bʋ̃-dɔwrɩ a. Nyɛ̃ Yzt 48.1. A Ɩsɩrayɛl naalʋ-tẽw nɩbɛ nɛbɛ. yir nɩbɛ ɛ, nyɩ gù vla ʋ taa wule a ʋ fãw ɛ,
alɛ bɛ ɩ lɛ, a na ɩ na mɛ̃ vũu
na dɩrɛ a Betɛl tẽw pʋɔ bome
ɛ́ nɩr za kʋ̃ tʋ̃ɔ́ a kpiiri bɛr a.
7Bɛ mɩ́ ɩ n a yel-na-tu-sɔr-a lɩɛbɩ lɔw tuo,
ɛ́ mɩ́ dɔwrɛ a bɛlɩ dem na ɩ mɩnʋ nɩbɛ a.
8A sob nɛ na ír a kɔ̃wmɛ
nɩ a baa-nɩ-ŋmãam-nɩ-pɔw-nyãw#5:8 Kɔ̃wmɛ nɩ baa-nɩ-ŋmãam-nɩ-pɔw-nyãw: Nyɛ̃ Zɔb 9.9, 38.31. a,
a ʋl na mɩ́ ɩ a lige lɩɛbɩ biɓaara cãà a,
a ʋl na mɩ́ ɩ a mʋ̃tɔ̃w lɩɛbɩ tɩ̃ɩsɔw lige a,
a ʋl na mɩ́ bʋɔlɩ a man kʋ̃ɔnɩ
wa cir waarɩ a tẽw a,
a ʋ yúor'ɩ a Sore.
9Ʋlɛ n'ʋ mɩ́ ƴãw bɛ fa a gãdaa bʋ̃-tɛrɩ,
ɛ́ ƴãw bɛ fa a tẽw ʋl na kpɛmɛ a bome.
10A sob nɛ na mɩ́ yere kʋ̀rɛ nyɩ a ƴɛ̀rʋ-dɩb zie
kɛ́ nyɩ tu a lɛ-na-tu-sɔr-a,
nyɩ mɩ́ hɩ̃ɛn nɩ a ʋ sob.
Ɛ́ a sob ʋl na mɩ́ dɩ a yel-mɩŋa dãsɩɛ a,
nyɩ bɛ mɩ́ nɔ̃w ʋ paalɩ nũsalɛ̃pʋɔ ɩ.
11«Nyɩ na nɛbr a nɩbaal mɩ́ de a ʋ ble a,
a kʋsɛbɛ yir-bɛrɛ á ŋá nyɩ na ŋma a,
nyɩ kʋ̃ kpɛ a pʋɔ ɩ.
A divɛ̃ tɩ-nʋʋr á ŋá nyɩ na sɛl a,
nyɩ kʋ̃ nyũ a divɛ̃ ɩ.
12Bʋ̃ʋ n'ʋ vɛ̃, ɩ̃ bãw nɩ a lɛ a nyɩ ɩ-fa-yaga yaga
nɩ a lɛ a nyɩ yel-bebe na kpɛ faa sɛw a.
Nyɩ dɔwrɛ nɩ a nɩ-mɩn,
ɛ́ mɩ́ bɛr bɛ bɛlɩ nyɔw nyɩ nɩ libie.
Nyɩ bɛ mɩ́ sàw bɛ na dɩ a ƴɛ̀rʋ
kʋ̀ a nã́w sob a ƴɛ̀rʋ-dɩb zie ɩ.»
13Alɛ so a zie ŋa tɔ daar a,
nɩr na bãw yã a, mɩ́ zɩ̃ n gbili,
zi-faa na n'ʋ a ƴãw.
14Nyɩ bɔbr a vla, nyɩ ta bɔbr a faa ɩ,
lɛ n'a nyɩ na vʋʋrɛ, ɛ́ lɛ n'a a Sore,
a Naaŋmɩn kpɛnʋ-za-sob na be a nyɩ zie,
mɛ̃ a lɛ nyɩ na tɩɛrɛ a.
15Nyɩ hɩ̃ɛn a faa, nyɩ nɔnɛ a vla,
nyɩ ɩ a yel-na-tu-sɔr-a lɛb be a ƴɛ̀rʋ-dɩb zie,
a mɩnɛ kãw, a Sore, a Naaŋmɩn kpɛnʋ-za-sob,
nãà zɔ n a Zuzɛb bʋʋrɛ#5:15 Nyɛ̃ 5.6 nɩ a manʋ. bɛl na cɛ a nɩbaalʋ.
16À ŋá n'a a Sore, a Naaŋmɩn kpɛnʋ-za-sob,
a ɩ̃ Sore, à ŋá n'a ʋ yere:
«A nɩbɛ tuor-taa ziir za a, koe na be n be,
a soli za pʋɔ bɛ na kone na: 'Woi! 'Woi!
Bɛ na yel'ɩ a kuor kʋ̀ ka-kʋ́ɔrbɛ,
bɛ na tõ na bʋɔlɩ a lãw-konbɛ kɛ́ bɛ wa a kuor.
17A divɛ̃ tɩɩr póru za pʋɔ a, koe na be n be,
a lɛn daar ɩ̃ nãà wa tɔlɛ a nyɩ sɔgɔ a.»
A Sore n'ʋ yel.
A Sore bibir
18Zu-bio dem'ɩ a bɛlɩ dem na ƴãw a bɛ tɩɛrʋ za
a Sore waa bibir ƴãw a!
A Sore bibir#5:18 Nyɛ̃ Ɩza 13.6-9, Ezek 30.2-3, Zow 1.15, 2.1-2, 3.4, 4.14, Abd 1.15, Sof 1.7, Zak 14.1, Mal 3.2-5. ŋa wa vɩɛ a, bʋ̃ʋ n'ʋ nyɩ na páw?
A bibir ŋa na ɩ n lige bibir, ʋ kʋ̃ ɩ cãà bibir ɛ.
19A na ɩ na mɛ̃ nɩr gbẽw na diwr
ʋ tɩ ùr dʋ̃-faa kãw bɛ na bʋɔlɛ ursɩ a.
Ʋ kpɛ n a ʋ yir ír nũu tʋɔr'ɩ a dacin wa báarɛ waab cɛ ʋ.
20A Sore bibir na ɩ n lige, ʋ kʋ̃ ɩ cãà ɩ.
Liw-varkpara na bɛ tɛr cãà kãw za a.
A Sore bɛ nɔnɛ a Ɩsɩrayɛl nɩbɛ puoru ɛ
21Ɩ̃ bɛ nɔnɛ a nyɩ zi-sõw cenu ɛ,
ɩ̃ jewre nɩ a cenu á ŋá.
A nyɩ ɓã-taar bɛ ɩrɛ mɛ̃ nʋ̃ɔ̀ kãw za ɩ.
22Ɩ̃ bɛ bɔbr a nyɩw-a-za-bagɛ
nyɩ na maalɛ kʋ̀rɛ mɛ̃ a ɩ,
a nyɩ de-kʋ̀b bome been kãw za bɛ pɛlɩ a ɩ̃ pʋɔ ɩ.
Ɩ̃ ŋmɛlɩ nɩ kpaar cɔw a nyɩ dʋ̃-'wɔɛ bàwr.
23Nyɩ ɩ a nyɩ yielu gɔmɛ zãá nɩ mɛ̃,
ɩ̃ bɛ bɔbr k'ɩ̃ɩ wõ a nyɩ korijom ŋmɩɛrʋ ɛ.
24Ɛcɛ nyɩ ɩ a yel-na-tu-sɔr-a gbɔlɛ mɛ̃ kʋ̃ɔ a,
ɛ́ a mɩnʋ gbɔlɛ mɛ̃ bàa na bɛ sɩrɛ a.
25«A yome lɩz'a ayi nyɩ na kpɛ a wɛja-kpalɛ pʋɔ a, nyɩ maal'ɩ bàwr kʋ̀ m ɩ? Nyɩ kʋ̀ m'ɩ de-kʋ̀b bome e, Ɩsɩrayɛl yir nɩbɛ ɛ? 26Ɛcɛ nyɩ tɩ tuo nɩ a nyɩ nãà nɩ a nyɩ ŋmɩn Sikutɩ dasuli, nɩ a Kiyun#5:26 Sikutɩ nɩ Kiyun: Asiiri tẽw dem ŋmɩnɛ n'a. na ɩ a nyɩ ŋmar-bir nɩ a nyɩ ŋmɩn a dasule mɩ̀.
27Alɛ so ɩ̃ na ír nyɩ a nyɩ tẽw pʋɔ
tɩ zuo nɩ a Damasɩ bɛr.» A Sore n'ʋ yel,
a Naaŋmɩn kpɛnʋ-za-sob, a ʋ yúor'ɩ a lɛ.
Currently Selected:
Amɔsɩ 5: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
