2 Bibie za yel-manɩ 22
22
A Akazɩasɩ naalʋ-dɩb
(Nyɛ̃ 2Na 8:25-29, 9:27-29)
1A Zerizalɛm nɩbɛ tɩ ɩ na a nãà Yoram bidɛb-bile za lɩɛrɩ ʋ dɩ a naalʋ. Bʋ̃ʋ n'ʋ vɛ̃, Arabʋ nɩbɛ kãw na tɩ kpɛ a Zuda sojarɩ laɩ pʋɔ a tɩ kʋ n a bidɛb-bɛrɛ za. À ŋá n'a a Yoram bidɛb Akazɩasɩ tɩ lɩɛbɩ a Zuda nãà. 2A Akazɩasɩ tɩ tɛr'ɩ yome lɩzɛr#22:2 A Akazɩasɩ tɩ tɛr'ɩ yome lɩzɛr: A Akazɩasɩ sãà tɩ tɛr'ɩ yome lɩz'a ayi ɛ́ kpi (nyɛ̃ 21.20), lɛ so a Akazɩasɩ kʋ̃ tʋ̃ɔ́ tɛr yome lɩz'a ayi nɩ ayi a ʋ naalʋ-dɩb daar ɛ. Ziir a mɩnɛ bɛ yel'a kɛ́ yome lɩzɛr'ɩ ayi n'a ʋ tɛr a ʋ naalʋ-dɩb daar, ɛ́ ziir a mɩnɛ ʋ tɛr yome lɩzɛr, ziir a mɩnɛ ʋ tɛr yome pie nɩ ayʋɔb. Omiri: A Ɩsɩrayɛl tẽw na-kʋra kãw n'ʋ. Ʋ tɩ ɩ n a Akab sãà. Nyɛ̃ 1Na 16.23-28. a lɛn daar ʋ na tɩ lɩɛbɩ a nãà a, ɛ́ tɩ dɩ a naalʋ yũon-been a Zerizalɛm. A ʋ mã yúor tɩ dɩ na kɛ́ Atali na tɩ ɩ Omiri pɔwyaa a. 3A Akazɩasɩ mɩ̀ tɩ cɔwr'ɩ a Akab yir nɩbɛ nyɔ-vʋʋr-faa, bʋ̃ʋ n'ʋ vɛ̃, a ʋ mã n'ʋ tɩ wule ʋ a yã-faa. 4Ʋ tɩ ɩ n a lɛ na bɛ pɛlɩ a Sore pʋɔ a, mɛ̃ a Akab yir nɩbɛ a, bʋ̃ʋ n'ʋ vɛ̃, a ʋ sãà kũu pùorí a, bɛlɛ nɛbɛ tɩ ɩ a ʋ yã-wulbɛ bɔr'ɩ ʋ. 5Bɛlɛ nɛbɛ tɩ wul a Akazɩasɩ yã, k'ʋʋ páw a Ɩsɩrayɛl nãà, Yoram, na ɩ a Akab bidɛb a, cen tɩ zɛb'ɩ a Aram tẽw nãà, Hazayɛl, a Aramɔtɩ tẽw na be a Galaadɩ a. A zɛbr daar a, a Aram tẽw nɩbɛ tɩ ƴãw nɩ a Yoram bàalʋ. 6Ʋ tɩ lɛb'a wa a Izireyɛl k'ʋʋ wa sanɩ a ʋ natɩɛ. Lɛ n'a a Akazɩasɩ tɩ cen a Izireyɛl k'ʋʋ tɩ nyɛ̃ a Yoram a na tɩ wone a.
7A Yoram cen tɩ nyɛ́b ŋa pʋɔ n'a a Naaŋmɩn tɩ tu ɩ a faa páw a Akazɩasɩ. Bʋ̃ʋ n'ʋ vɛ̃, ʋ na tɩ tarɛ wa báarɛ a, ʋlɛ nɩ a Yoram tɩ yi na tuori Nimisi bidɛb Yehu. Zɩ̃ k'aa Naaŋmɩn tɩ ka n nũu ƴãw a Yehu ʋ ɩ a nãà, k'ʋʋ tʋ̃ɔ́ kʋ a Akab yir nɩbɛ pàw pɛr. 8A Yehu tɩ tu n a lɛ a Naaŋmɩn na yel a Akab yir ƴãw a. Ʋ tɩ nyɛ̃ nɩ a Zuda nɩ-bɛrɛ nɩ a Akazɩasɩ yɛbr bidɛbr na tɩ tone a nãà a, ʋ tɩ kʋ bɛ na. 9Al pùorí, ʋ tɩ ƴãw na bɛ bɔ a Akazɩasɩ. Bɛ tɩ nyɛ̃ ʋ na ʋ sɔwlɩ Samaari, bɛ nyɔw wa kʋ̀ a Yehu ʋ kʋ ʋ. Ɛcɛ bɛ tɩ ũù ʋ na, bʋ̃ʋ n'ʋ vɛ̃, bɛ tɩ yere na: «A Zozafatɩ na tɩ bɔ a Sore nɩ ʋ pʋɔ za a bidɛb'ʋ.»
A Akazɩasɩ yir pʋɔ a, nɩr za bɛ tɩ be be na tʋ̃ɔ́ dɩ a naalʋ ɛ.
A Atali kʋ n a nãà yir dem pàw pɛr, ɛ́ dɩ a naalʋ
(Nyɛ̃ 2Na 11:1-3)
10A Akazɩasɩ mã Atali na tɩ wõ k'aa ʋ bidɛb kpi na a, ʋ tɩ ìr'a ƴãw bɛ kʋ a Zuda nãà yir bʋ̃-dɔwrɩ za pàw pɛr. 11Ɛcɛ a nãà pɔwyaa Yehosavatɩ tɩ tʋ̃ɔ́ na sɔwlɩ ɓáw a Akazɩasɩ bidɛb Zowasɩ nɩ a ʋ bɩyaal tɩ sɔwlɩ a Ŋmɩn-yir-kpɛ̃ɛ di-gana kãw pʋɔ. Lɛ n'a a Atali bɛ tɩ tʋ̃ɔ́ ƴãw bɛ kʋ ʋ ɛ. — A Yehosavatɩ tɩ ɩ n a bàwr-maalɛ Yehoyada pɔw, ɛ́ ɩ a Zuda nãà Yoram pɔwyaa, ɛ́ ɩ a Akazɩasɩ yeepuule. — 12A Zowasɩ tɩ sɔwl'ɩ yome ayʋɔb a Ŋmɩn-yir-kpɛ̃ɛ pʋɔ ʋlɛ nɩ a bɛlɩ dem na tɩ gùre ʋ a, ɛ́ a Atali tɩ dɩrɛ a naalʋ a Zuda tẽw.
La Bible en Dagara © Alliance Biblique du Burkina Faso, 2013.