1 Timote Sɛbɛ 3
3
A ALA NA SƐW NƖ A NI-DIERE
1Ba ma yelʼã, áa nɩrɛ ɩ̃ bʋɔrɔ ʋ ɩ a ni-diere, á tʋ̃-son ʋ bʋɔrɔ.
Sɩrɛ jaa ʋ. 2Ɩ̃-cɛ a ni-diere ʋlɔ sɛw na ʋ ɩ nɩrɛ na ma tɛrɛ mabfʋ jie wa, na mɩ tɛrɛ pɔw bõ-ƴen, tɛrɛ nɩ a yɛ̃, ɩ̃ mɩ ɩ a cɛcɛlɛ. A sɛw na ʋ bɔ̃w a yele cɔɔrɩ̃fʋ, ɩ̃ ɩ nɩrɛ na diere a sáanba, ɩ̃ mɩ tʋɔrɔ jaana a nɩbɛ. 3Ʋ taa ꞌlaar a dãa wa, ʋ taa mɩ ɩ suur sʋbɔ wa, ɩ̃ ú ɩ su-ɓaar sʋbɔ. Ʋ taa ɩ cɩcɩɩrɛ wa, mɩɩ nyɩrɩ̃ ꞌlaar a libie wa. 4Ʋ bɔ̃w ꞌwuoro a ʋ mɩ̃ɛ yir, maal a ʋ bibiir a ba wur a ba mɩ̃ɛ, ƴɔnɔ nɩ ʋ. 5A-na-ɩ a ala ɩ a nɩrɛ ma bɔ̃w cɛlɛ a ʋ mɩ̃ɛ yir deme wa, mɩnɛ ʋ na ɩ ɩ̃ tʋɔ ꞌwuoro a Naaŋmɩn *duo-puorbo? 6Ʋ taa ɩ nɩrɛ na kpɛ a paalʋ̃ wa, a mɩnɛ ʋ kɔ̃ wa bʋɔrɔ a yuor ɩ̃ lo a kpãafʋ ʋlɔ pʋɔ ba na ƴɔ̃w a Satã wa. 7A sɛw na ʋ ɩ nɩrɛ a bala na ma puoro wa na ƴɔnɔ, a mɩnɛ a ba kɔ̃ wa kpɛrɛ ʋ, ɩ̃ ʋ wa lo a Satã cakpo pʋɔ wa.
A NAAŊMƖN YEL-ꞌWUORBO ƳƐRƖ̃
8A lɛ ʋ mɩ, a bala na ɩ a yel-ꞌwuorbo a nyɩ sɔ̃w sɛw na ba ɩ nɩ-hɛlɛlɛ, kɔ̃ ŋmɩlɛ wa. Ba taa ɩ dã-ꞌlaarba wa. Ba taa mɩ ɩ bɛbɛlbɛ bʋɔrɔ nɩ a libi-yaw wa. 9Bá bɔ̃w tɛrɛ a ba mɩ̃ɛ-bɔ̃wfʋ vɩlaa, ɩraa nɩ a puorfʋ ƴɛrɩ̃ ʋlɔ pʋɔ a Naaŋmɩn na miil sɩ. 10A sɛw na a ba na de nĩe jʋʋr ba je kãa, ɩ̃ a bala mɔɔ nyɛ bom a ba jie wa, bá pãa bar ba a ba tʋ̃ a Naaŋmɩn tʋmɔ.
11A ala ɩ a pɔɔbɔ ʋ mɩ, a sɛw na a ba mɩ ɩ nɩ-hɛlɛlɛ, kɔ̃ ɩ nɩ-korbo wa. Bá tɛrɛ a yɛ̃, ɩ nɩ nɩ-dẽdẽsɩ a yele a jaa pʋɔ. 12A sɛw na a yel-ꞌwuorbo a nyɩ sɔ̃w na tɛrɛ pɔw bõ-ƴen tɛw, ɩ̃ bɔ̃w cɛlɛ tɔ a ba bibiir nɩ a ba yir deme vɩlaa. 13A-na-ɩ a bala tʋ̃ a Naaŋmɩn tʋmɔ a vɩlaa, ba na pɔw na a yo-vɩlaa, mɩ pɔw nɩ a ꞌlafʋ a ba ƴɔ̃w-nyãa ba na tɛrɛ a *Jeeju-Kirisi pʋɔ.
A PUORFƲ ƳƐRƖ̃ Ɩ NA BÕ-KPƐ̃Ɛ
14Ɩ̃ sɛbʼã a yele asɩmɛ tɩɩr kʋ fʋ, bʋɔrɔ ɩ̃ wɩ a fʋ sɛ̃ fɔfɔw. 15Ɩ̃-cɛ a maa wa kama, a sɛw na a fʋ na bɔ̃w a mɩnɛ na sɛw a nɩbɛ bala na ɩ a Naaŋmɩn yir deme na maala a ba sɔ̃w. A bala, ba ɩ na a baafʋ Naaŋmɩn *duo-puorbo na tɩɛ a yel-mɩ̃ɛ a luur kaarɩ̃. 16A nɩbɛ ba jaa bɔ̃w na bɔ̃w ka a puorfʋ ƴɛrɩ̃ ʋlɔ a Naaŋmɩn na miil sɩ ɩ na bõ-kpɛ̃ɛ:
A *Kirisi, ba nyɛ ʋ na ʋ nyɩr ɩ a nɩsaa salaa.
A Naaŋmɩn Sɩɛ miilʼã a ʋ torfʋ.
A Naaŋmɩn sɩ-tʋnɩsɩ nyɛ ʋ na.
A nɩbɛ hierʼã a ʋ ƴɛrɩ̃ a ten bʋrɔ bʋrɔ yɔ nɩ.
Ba sɔw na a ʋ ƴɛrɩ̃ a tẽw ʋ jaa pʋɔ.
A Naaŋmɩn de ʋ na do nɩ a saa juu.
Currently Selected:
1 Timote Sɛbɛ 3: BNT93
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.
