Popular Bible Verses from 1 Timote Sɛbɛ 3

Share

A nɩbɛ ba jaa bɔ̃w na bɔ̃w ka a puorfʋ ƴɛrɩ̃ ʋlɔ a Naaŋmɩn na miil sɩ ɩ na bõ-kpɛ̃ɛ: A *Kirisi, ba nyɛ ʋ na ʋ nyɩr ɩ a nɩsaa salaa. A Naaŋmɩn Sɩɛ miilʼã a ʋ torfʋ. A Naaŋmɩn sɩ-tʋnɩsɩ nyɛ ʋ na. A nɩbɛ hierʼã a ʋ ƴɛrɩ̃ a ten bʋrɔ bʋrɔ yɔ nɩ. Ba sɔw na a ʋ ƴɛrɩ̃ a tẽw ʋ jaa pʋɔ. A Naaŋmɩn de ʋ na do nɩ a saa juu.

Ɩ̃-cɛ a ni-diere ʋlɔ sɛw na ʋ ɩ nɩrɛ na ma tɛrɛ mabfʋ jie wa, na mɩ tɛrɛ pɔw bõ-ƴen, tɛrɛ nɩ a yɛ̃, ɩ̃ mɩ ɩ a cɛcɛlɛ. A sɛw na ʋ bɔ̃w a yele cɔɔrɩ̃fʋ, ɩ̃ ɩ nɩrɛ na diere a sáanba, ɩ̃ mɩ tʋɔrɔ jaana a nɩbɛ.

Ʋ bɔ̃w ꞌwuoro a ʋ mɩ̃ɛ yir, maal a ʋ bibiir a ba wur a ba mɩ̃ɛ, ƴɔnɔ nɩ ʋ.

A sɛw na a yel-ꞌwuorbo a nyɩ sɔ̃w na tɛrɛ pɔw bõ-ƴen tɛw, ɩ̃ bɔ̃w cɛlɛ tɔ a ba bibiir nɩ a ba yir deme vɩlaa. A-na-ɩ a bala tʋ̃ a Naaŋmɩn tʋmɔ a vɩlaa, ba na pɔw na a yo-vɩlaa, mɩ pɔw nɩ a ꞌlafʋ a ba ƴɔ̃w-nyãa ba na tɛrɛ a *Jeeju-Kirisi pʋɔ.