Barua ya Varome 16
16
1Nkee imurambikia Foibe akee mfwamae weru akee iṛundia siṛi ya Kenkirea. 2Wwarień mukee va Nndumi sheeli kisumani na vasongori. Lingi mwelekień findoń foose filya auṛi kwanu, amu ave mwelekia veengi kasheelikia nań.
3Shiisanień Pirisika na Akwila vakee vaṛundi andu emwi nań vakusandie na Kristo Yesu. 4Vakuniingia wo veeretaa sungo tawo kiimba kya muu wakwa. Ana nta nniń shi muni nkee ivaana ndi, na akwaa nsiṛi ta masanga toose. Shiisanień na siṛi yo ya numba yawo. 5Shiisanień na nkunde wakwa Epaineto akee yye andebooka yaṛukia Kristo ifo Asia. 6Shiisanień Maria andetikwareesia nnu kiimba kyanu. 7Shiisanień Andironiko na Yunia vafwari vakwa vandefingwa andu emwi nań, vakee vandu va nrwe kari ka varumi. Nawo wwo vabooka iva va Kristo kita niń. 8Shiisanień Ampiliato nkunde wakwa kari ka Nndumi. 9Shiisanień Urubano ndundi wa mashoṛa andu emwi nań kari ka Kristo na Sitakisi nkunde wakwa. 10Shiisanień na Apele akee nndu nkristo nsaari. Shiisanień valya va kyeń kwa Aristobulo. 11Shiisanień Erodion mfwari wakwa. Shiisanień vandu va numba ya Narikiso vakee va Nndumi. 12Shiisanień Tirifaina na Tirifosa vakee vakwataria Nndumi. Shiisanień Perisi nkunde andekwareesia Nndumi. 13Shiisanień Rufo akee nsauye Ndumi na akwaa yyeyo wamwi akee na yeyo wakwa. 14Shiisanień Asinikirito na Filegon na Erime na Patiroba na Erima na vanavamae vakee andu emwi nawo. 15Shiisanień Filologo na Yulia na Nereu na mfwamae na Olimpa na vasongori woose vakee andu emwi nawo. 16Kwisaniń ini mu veni na mu veni mwikwongaa miimo isongori. Na siṛi toose ta Kristo tamwisana.
17Muṛe vanavama, namwikimba mulle valya vawore myaandu na findo fa iteveta fa ifuluta miloshie ilya mwankulosha. Iwukaniń nawo! 18Amu iwo vakee kuro vaṛundiaa Nndumi weru Kristo ndi, kake vaṛundiaa ndewu tawo wo veni vakalemba ngoo ta vandu vasaari kyumu na firero fooṛoṛo na fa ikushiisa. 19Amu iirikia lyanu lyamfikia vandu woose. Nkyo nkee isenywa kiimba kyanu, kake mfurie muve vaṛango kya filya fikee fisha na iva vatondo kya filya fikee fikasha. 20Nae Iṛuva muni unambwe avariavariaa Satana kwa si ya marende anu ree. Uwoo lwa Nndumi weru Yesu Kristo lukaa neeni! Amen.
21Timoteo ndundi wa mashoṛa andu emwi nań amwisana, mfo kuro na Lukio na Yason na Sosipatiro vakee va ufwari lwakwa. 22Nniń Teritio natisiṛa barua ii namwisana kari ka Nndumi. 23Gayo ulya akee itiwaria na siṛi yoose sha veeni vamwi amwisana. Erasto akee mulla wa muṛi vamwisana na Kwarito mwanamae weru. 24Uwoo lwa Nndumi weru Yesu Kristo lukaa neeni mu woose! Amen.
25Iṛuva yye awore finya ya imukaarisa ikusureń lyanu ili lisumani na nrumi ya ifura ya ikwanisa Yesu Kristo, sheeli niń nkee iikwanisa, likasumana na irambulwa lya kiṛisi kilya kiikee kifise kuuka kala. 26Kake kyeeri kya alli ikarambulwa kikamanyiswa kwa vandu va ngyuruka toose na mitisiṛie ya vaauya, sheeli Iṛuva wa miṛeṛe andevavasa, amu vakooye inkusura na imwirikia. 27Iṛuva uu akee ndango kyaanya kyamwi unini luwie kari ka Yesu Kristo kyeeri kilungani! Amen.
Currently Selected:
Barua ya Varome 16: RWK72
Highlight
Share
Compare
Copy
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
