Barua ya Varome 13
13
1Nndu woose aindie ushili, amu lwifo ushili lutaukie kwa Iṛuva ndi, na ilo lwifo lwanrawa-fo ni Iṛuva. 2Kwa ikyo ulya akee ilea ito awore ushili akee ivingana na ivavaso lya Iṛuva. Na iwo vakee ivingana vakukuriaa mwaandu wo veni. 3Amu valya veetoṛio vanaiye vandu kiimba kya itana finuru ndi, kake nkiimba kya mitanie mikasha. Kyasia kufurie ilea ulya awore ushili? Tana fisha, nawe kukooyaa tikisi kwamwi. 4Fulya ye ni ndundi wa Iṛuva wa ikuṛundia iwe kiimba kya finuru. Kake kwantana fikasha eṛea, amu awore shombo kya ruu ndi. Amu ni ndundi wa Iṛuva ataa kwa uvaave ulya akee itana fikasha. 5Kwa ikyo kyakuwara imwindia nta nkiimba kya uvaave da ndi, kake nkiimba kya nrima wiliswa. 6Kiimba kya ikyo mukee iniingia kyaalo, amu wo vvaṛundi va Iṛuva vakee iṛunda mashoṛa wo meni da. 7Niingeń woose kilya kisumani nawo, wa kyaalo nniingeń kyaalo kyamwi, ulya kyawara aeṛewa mweṛeeń, ulya asumani na tikisi mwitikiseń!
8Manya mutave vasile va vandu na kava i. Sile mukaa nayo ni ikundana mu veni na mu veni, amu ulya akundie uroe wamwi amaawutia mavavaso. 9Amu mavavaso iva: Kutaaike, kutawaa, kutaive, kutafingie, kutalange na kwakooya liifo ivavaso lingi lyoose ansandio̱ na kirero ki sheeli: Kunda nkyungu wafo sheeli kukukundie ku muni. 10Ikunda litaniaa nkyungu kikasha ndi. Amu ikunda llyo likee yawutia mavavaso. 11Mavavaso va woose irikień, fulya mwishi kyeeri kya alli: Kyeeri kyantishea kya yokia ruoń, amu ikiṛwa lyeru likee kufui kita lia tibooka ikusura Iṛuva. 12Kio kikee isia, nkufui kukye. Kyasia tiiwukane na mitanie ya llema na iwara fiya fa ivinga llema. 13Tikaa na useli sha vandu vakee yenda nsanyiń. Nta luteefo ulafu ana inangwa, nta luteefo waaisi ana uravi, nta iteefo myaandu ana ureeree! 14Kake mukulunganise kutu na Nndumi Yesu Kristo, nta mutaishivise mivili yanu milangie mikasha!
Currently Selected:
Barua ya Varome 13: RWK72
Highlight
Share
Compare
Copy
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
