Mariko 5
5
1Vakafika kwa kulya ya nruva kumande urukefi lwa Vageraseni. 2Neeli andemaa yoloka ngalaveń, lia eni nndu kakwania nae aworwa mmumuyo nkasha auka na mbangeń ta vafu. 3Na ifo mbangeń ta vafu mfo aaṛuye kyeń kwamwi. Nta nndu eekee imakii imfinga na akwaa nta na nse. 4Amu eemfingwaa keengi na makengeto na mise. Kafukya mise yo kafukyafukya na makengeto alya. Ana nta nndu eeworee finya ya iwinga. 5Na mikonu yoose eekee ifo mbangeń ta vafu na ngyuroń. Kaishiṛia-fo kio na nsanyiń na ikuminyaminya na mawe. 6Ili andelolia Yesu akee kwaasha, kanrishia kawwoya marendeń. 7Kaṛoṛongya na ununga unini eenumbuaa: Nkiki noore nawe, Yesu Mwana wa Iṛuva akee kwa ule ya foose? Shiliya ikite na Iṛuva, akwaa kutashivavisaa. 8Amu Yesu arie imwia: Uka nndu uu, iwe mumuyo nkasha! 9Nae kamwuṛa: Irina lyafo ni iwe i? Nae kamwaṛua: Irina lyakwa ni itoroto, amu tikee veengi. 10Kantereva nnu atavaumbute urukeń lua. 11Na io uroń iiyoo shoo nini ya nguve ikee iiswa-wo. 12Mimuyo yoose ikantereva iinumbuaa: Tirumi tindeaka nguveń tilya. 13Kavaniinga muumu. Mimuyo ilya ikamwuka ikandewara nguve tilya. Nayo shoo ilya yoose ikarukana ikaoloka waangeń kumande nruveń. Tikee sha fiku fivili tikandefiya-fo. 14Na veesi valya veekee itiisa vakarisha vakandekwanisa mboni tilya muṛiń na manremiń. Vandu vakaenda vandella kindo kilya kyatanika vamanyi kasa kyava. 15Vakafika alya Yesu akai. Vakalolia nndu ulya eeworwaa mmumuyo nkasha akee rembo, aṛee nseto, awore na uṛango. Nae yye ulya eeworwaa mmatoroto alya. Nawo vakaeṛea. 16Na valya valolia nndu ulya wa mimuyo mikasha kasa atanyo̱ na kilya kya nguve vakavaongoya mboni tilya. 17Vakabooka intereva auke miyanuń yawo. 18Neeli eeaṛukiaa ngalaveń, nndu ulya eeworwaa mmimuyo mikasha kantereva akaa nae. 19Nae Yesu nta imwirikia kamwia: Enda kyeń kwafo kwa vandu vafo kundevaongoya kyoose, Nndumi akutania kinini na ikulilia. 20Nae kaenda kabooka yongoya ifo vanduń va uruka lua lwa miṛi ilya ikumi eevaiaa kilya kyoose Yesu andentania. Vandu vakaṛiika woose.
21Kyasia Yesu kauya kaṛuka lingi na kwa kulya akee ngalaveń ilya. Isyamu iingi likakusandia-wo, nae eekee mbaai ya nruva ilya. 22Kasha na-wo nndu umwi wa valla ifo numbeń ya iterevya, irina lyamwi ni Yairo. Ili andellolia kawa na si marendeń amwi. 23Kantereva nnu eenumbuaa: Mwanakwa wa sambuṛa munnya akee kufui na ifwa. Nakutereva kufike kushemwekeṛia maako afo, amu ave nsha na ikaa na muu. 24Kaenda andu emwi nae. Na isyamu iingi likallatia vakansisiṛa. 25Na nka umwi eeifoo aworwa nsaka ya kika andu a myaka ikumi na ivili. 26Nae eelliswaa ukiva nnu waanga veengi eemmayaa-wo findo foose awore. Nae nta iva nsha kaengeṛia iroywa da. 27Ili andeita mboni ta Yesu, kasha numa yamwi kaira isyamuń lia. Kabaana nkyendu wa nseto wamwi. 28Fulya andeku-saṛa: Kwakooya nabaana nkyendu wa nseto wamwi tubu, vvaa nsha buṛu. 29Lia eni saka yamwi ikafikya. Kaita vviliń wamwi sheeli ankia. 30Lia eni Yesu kamanya nrimiń wamwi, sheeli ammuukwa mfinya. Kaindukia isyamu lia lya vandu kanumbua: Ni i abaana miseto yakwa? 31Vanalosho vamwi vakamwia: Kulolie kasa isyamu likusisiṛie se? Nawe kwanumbua: Ni i ashibaana? 32Kaiṅuṛuṅuṛu koose, amu alolie ito ambaana. 33Na nka ulya kawarwa wweṛei na irerema, fulya eeishii kilya kyawia. Kasha kawwoya kamwongoya foose na udede. 34Nae kamwia: Mwanakwa, ikusura lyafo lyanku-kiṛa. Enda na unambwe, va nsha kutakyuywa lingi nkivawwo kyo!
35Neeli eekireraa, vakasha vandu vauka kwa nnini ulya wa numba ya iterevya vakanumbua: Mwana wafo ammaa ifwa. Nkiki kukee ituṛuyań llosha uu? 36Yesu kaita kirero kilya kiirerwaa kaia nnini wa numba ya iterevya: Manya kutaeṛee! Kusure tubu! 37Ana nta andeotoṛia nndu aendaa nae ndi kita Petiro na Yakobo na Yohane mwanamae wa Yakobo. 38Vakafika kyeń kwa nnini ulya. Kakooya-fo kiṛoṛongyo na kiiyo na iishiṛa nnu. 39Kavaia: Nkiki ili mukee iṛoṛongya na iiya? Mwana uu amfwa ndi, niikai alele ruo. 40Nawo vakanseka. Nae ili andemaa ivasomuta wooṛo woose, kakurika ndee wa mwana ulya na mae na valya ariani nawo. Kaira na kulya mwana ulya akai. 41Kawara mwana ulya uko kamwia: Talita kumi! Misendie yayo nkimwi na: Mwana nakuia kwimboo! 42Na lia eni mwana ulya kakwimboo kaṛuaṛua. Nae amaye myaka ikumi na ivili. Lia eni vakaṛiika iṛiika inini. 43Nae kavavavasa nnu, manya nndu amanyaa mboni ii. Kanumbua mwana aniingwa shoonga.
Currently Selected:
Mariko 5: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
